ਮਾਤਮਾ ਨੂੰ ਜਾਣਨ ਲਈ, ਸਾਨੂੰ ਪ੍ਰਮਾਤਮਾ ਹੋਣਾ ਚਾਹੀਦਾ ਹੈ, ਗਿਆਰਾਂ ਹਿਸਿਆਂ ਦਾ ਛੇਵਾਂ ਭਾਗ।

ਇਸ ਐਪੀਸੋਡ ਵਿੱਚ ਸਤਿਗੁਰੂ ਜੀ ਸਮਝਾਉਂਦੇ ਹਨ ਕਿ ਪ੍ਰਮਾਤਮਾ ਨਾਲ ਦੁਬਾਰਾ ਜੁੜਨ ਤੋਂ ਬਾਅਦ ਸਭ ਕੁਝ ਸਪੱਸ਼ਟ ਹੋ ਜਾਂਦਾ ਹੈ। ਸਾਡੇ ਅੰਦਰ ਪ੍ਰਮਾਤਮਾ ਦਾ ਪਿਆਰ ਪੈਦਾ ਹੁੰਦਾ ਹੈ, ਅਤੇ ਅਸੀਂ ਆਤਮਾ ਦੀ ਭਾਸ਼ਾ ਬੋਲਣਾ ਸਿੱਖਦੇ ਹਾਂ।

ਜਲਦੀ ਹੀ ਤੁਸੀਂ ਅਰਮੀਨੀਆ ਵਿੱਚ ਇੱਕ ਰਾਸ਼ਟਰੀ ਧਰਮ ਵਜੋਂ ਈਸਾਈ ਧਰਮ ਦੇ 1,700 ਸਾਲ ਮਨਾਓਗੇ। ਮੈਨੂੰ ਉਸ ਮੌਕੇ 'ਤੇ ਉੱਥੇ ਸੱਦਾ ਦਿੱਤਾ ਗਿਆ ਸੀ, ਪਰ ਮੇਰੇ ਕੋਲ ਸਮਾਂ ਨਹੀਂ ਹੋਵੇਗਾ, ਇਸ ਲਈ ਮੈਂ ਪਿਛਲੇ ਹਫ਼ਤੇ ਪਹਿਲਾਂ ਉੱਥੇ ਆਈ ਸੀ। ਮੈਂ ਉਹ ਬਰਛਾ ਦੇਖਿਆ ਜੋ ਉਨ੍ਹਾਂ ਨੇ ਯਹੋਵਾਹ ਨੂੰ ਦੁੱਖ ਦੇਣ ਲਈ ਵਰਤਿਆ ਸੀ, ਅਤੇ ਮੈਂ ਬਹੁਤ ਹੀ ਰੋਈ। ਜਦੋਂ ਅਸੀਂ ਪ੍ਰੈਸ ਕਾਨਫਰੰਸ ਕੀਤੀ, ਜਿਸਦਾ ਪ੍ਰਬੰਧ ਸਰਕਾਰ ਦੁਆਰਾ ਕੀਤਾ ਗਿਆ ਸੀ, ਤਾਂ ਇੱਕ ਪੱਤਰਕਾਰ ਨੇ ਮੈਨੂੰ ਕੁਝ ਸਵਾਲ ਪੁੱਛੇ, ਅਤੇ ਉਸਨੇ ਮੈਨੂੰ ਕਿਹਾ ਕਿ ਇਕ ਔਰਤ ਨੂੰ ਪ੍ਰਚਾਰ ਨਹੀਂ ਕਰਨਾ ਚਾਹੀਦਾ। ਪਰ ਫਿਰ ਉਹ ਉਸ ਸੰਤ ਦੀ ਪੂਜਾ ਕਰਦੇ ਹਨ ਜਿਸਨੇ ਸਭ ਤੋਂ ਪਹਿਲਾਂ ਉਨ੍ਹਾਂ ਦੀ ਧਰਤੀ 'ਤੇ ਈਸਾਈ ਧਰਮ ਲਿਆਂਦਾ, ਜੋ ਕਿ ਇੱਕ ਔਰਤ ਸੀ। ਅਤੇ ਉਨ੍ਹਾਂ ਨੇ ਉਸਨੂੰ ਤਸੀਹੇ ਦਿੱਤੇ ਅਤੇ ਮਾਰ ਦਿੱਤਾ ਜਦੋਂ ਉਹ ਜ਼ਿੰਦਾ ਸੀ। ਤਾਂ, ਮੈਂ ਕਹਾਂਗੀ, "ਅਸੀਂ ਕੀ ਕਰਾਂਗੇ?" ਜਦੋਂ ਪ੍ਰਭੂ ਯਿਸੂ ਇੱਕ ਆਦਮੀਂ ਦੇ ਰੂਪ ਵਿੱਚ ਆਏ ਸਨ, ਤਾਂ ਉਨ੍ਹਾਂ ਨੇ ਉਨਾਂ ਨੂੰ ਵੀ ਤਸੀਹੇ ਦਿੱਤੇ ਅਤੇ ਮਾਰ ਦਿੱਤਾ। ਉਨ੍ਹਾਂ ਨੇ ਕਿਹਾ ਉਹ ਇੱਕ ”ਕਾਫ਼ਰ” ਸੀ। ਜਦੋਂ ਇੱਕ ਔਰਤ, ਔਰਤ ਸੰਤ, ਅਰਮੀਨੀਆ ਆਈ, ਤਾਂ ਉਨ੍ਹਾਂ ਨੇ ਉਸਨੂੰ ਵੀ ਤਸੀਹੇ ਦਿੱਤੇ ਅਤੇ ਮਾਰ ਦਿੱਤਾ ਕਿਉਂਕਿ ਉਹ ਇੱਕ ਔਰਤ ਸੀ। ਤਾਂ ਸਾਨੂੰ ਕੀ ਕਰਨਾ ਚਾਹੀਦਾ ਹੈ? ਕੀ ਕੋਈ ਫਾਇਦਾ ਹੈ?

ਪ੍ਰਭੂ ਯਿਸੂ ਨੇ ਆਪਣਾ ਜੀਵਨ ਕੁਰਬਾਨ ਕਰ ਦਿੱਤਾ ਹੈ, ਅਤੇ ਨਾਲ ਹੀ ਹੋਰ ਸੰਤਾਂ ਨੇ ਵੀ ਆਪਣਾ ਜੀਵਨ ਕੁਰਬਾਨ ਕਰ ਦਿੱਤਾ ਹੈ, ਤਾਂ ਜੋ ਅਸੀਂ ਪਿਆਰ ਦਾ ਸਬਕ ਸਿੱਖ ਸਕੀਏ। ਜੇਕਰ ਅਸੀਂ ਪਿਆਰ ਅਤੇ ਸਮਾਨਤਾ ਦਾ ਇਹ ਸਬਕ ਸਿੱਖ ਸਕਦੇ ਹਾਂ ਅਤੇ ਬਿਨਾਂ ਕਿਸੇ ਭੇਦਭਾਵ ਦੇ ਸਾਰਿਆਂ ਨੂੰ ਪਿਆਰ ਕਰ ਸਕਦੇ ਹਾਂ, ਤਾਂ ਹੀ ਅਸੀਂ ਆਪਣੇ ਆਪ ਨੂੰ ਸੱਚੇ ਮਸੀਹੀ ਹੋਣ ਦਾ ਐਲਾਨ ਕਰ ਸਕਦੇ ਹਾਂ। ਕਿਉਂਕਿ ਪ੍ਰਭੂ ਯਿਸੂ ਨੇ ਆਪਣੇ ਜੀਉਂਦੇ ਜੀ ਸਾਰਿਆਂ ਨੂੰ ਸਵੀਕਾਰ ਕੀਤਾ, ਕਿਸੇ ਵੀ ਅਹੁਦੇ ਦੀ, ਕਿਸੇ ਵੀ ਪ੍ਰਸਿੱਧੀ ਦੀ, ਪਾਪ ਦੀ, ਜਾਂ ਉਸ ਵਿਅਕਤੀ ਦੇ ਗੁਣ ਦੀ ਪ੍ਰਵਾਹ ਕੀਤੇ ਬਿਨਾਂ।

ਅਤੇ ਜਿਸ ਤਰੀਕੇ ਨਾਲ ਇਤਾਲਵੀ ਲੋਕ ਆਪਣੀਆਂ ਜਿੰਦਗੀਆਂ ਜੀ ਰਹੇ ਹਨ, ਉਹ ਪ੍ਰਭੂ ਦੀ ਸਿੱਖਿਆ ਦੇ ਬਹੁਤ ਨੇੜੇ ਹੈ। ਮੈਂ ਤੁਹਾਡੇ ਲਈ ਬਹੁਤ ਖੁਸ਼ ਹਾਂ। ਜੇਕਰ ਤੁਸੀਂ ਅਜੇ ਵੀ ਪ੍ਰਮਾਤਮਾ ਨੂੰ ਨੇੜਿਓਂ ਜਾਣਨਾ ਚਾਹੁੰਦੇ ਹੋ, ਤਾਂ ਮੈਂ ਤੁਹਾਡੀ ਮਦਦ ਕਰ ਸਕਦੀ ਹਾਂ। ਕਿਉਂਕਿ ਪ੍ਰਮਾਤਮਾ ਨਾਲ ਗੱਲ ਕਰਨਾ ਵੀ ਵਧੀਆ ਲੱਗਦਾ ਹੈ। ਹਰ ਰੋਜ਼ ਉਨਾਂ ਦੀ ਸਿੱਖਿਆ ਨਿੱਜੀ ਤੌਰ 'ਤੇ ਵਧੀਆ ਲਗਦੀ ਹੈ। ਪ੍ਰਮਾਤਮਾ ਦੀ ਸਿੱਖਿਆ (ਅੰਦਰੂਨੀ ਸਵਰਗੀ)ਰੌਸ਼ਨੀ ਨਾਲ ਚੁੱਪ ਰਾਹੀਂ ਆ ਸਕਦੀ ਹੈ, ਸਵਰਗੀ ਸੰਗੀਤ ਨਾਲ ਚੁੱਪ ਰਾਹੀਂ ਆ ਸਕਦੀ ਹੈ, ਜਾਂ ਮਨੁੱਖੀ ਭਾਸ਼ਾਵਾਂ ਰਾਹੀਂ ਵੀ ਆ ਸਕਦੀ ਹੈ - ਇੱਥੋਂ ਤੱਕ ਕਿ ਇਤਾਲਵੀ ਭਾਸ਼ਾ ਵਿੱਚ ਵੀ। ਜਿਵੇਂ ਤੁਸੀਂ ਚਾਹੋ, ਪ੍ਰਭੂ ਉਸੇ ਤਰ੍ਹਾਂ ਪ੍ਰਗਟ ਹੋਵੇਗਾ ਜਿਵੇਂ ਤੁਸੀਂ ਚਾਹੁੰਦੇ ਹੋ। ਤੁਸੀਂ ਹੈਰਾਨ ਹੋਵੋਗੇ ਕਿ ਪ੍ਰਭੂ ਯਿਸੂ ਤੁਹਾਡੇ ਨਾਲ ਇਤਾਲਵੀ ਭਾਸ਼ਾ ਬੋਲੇਗਾ। ਹਾਂਜੀ । ਪ੍ਰਮਾਤਮਾ ਦੇ ਅੰਦਰੂਨੀ ਰਾਜ ਵਿੱਚ ਸਭ ਕੁਝ ਸੰਭਵ ਹੈ।

ਕੁਝ ਵੀ ਜੋ ਇਸ ਭੌਤਿਕ ਸੰਸਾਰ ਵਿੱਚ ਸੰਭਵ ਨਹੀਂ ਹੈ, ਉਹ ਉਦੋਂ ਸੰਭਵ ਹੈ ਜਦੋਂ ਅਸੀਂ ਅੰਦਰ ਜਾਂਦੇ ਹਾਂ। ਅਤੇ ਅੰਦਰਲੀ ਬਰਕਤ, ਇੱਥੋਂ ਤੱਕ ਕਿ ਉੱਪਰੋਂ ਵੀ ਡਿੱਗਦੀ ਹੈ ਅਤੇ ਇਸ ਭੌਤਿਕ ਸੰਸਾਰ ਵਿੱਚ ਵੀ ਪ੍ਰਗਟ ਹੋ ਸਕਦੀ ਹੈ। ਤਾਂ ਜੋ ਅਸੀਂ ਹੋਰ ਵੀ ਪਿਆਰ-ਕਰਨ ਵਾਲੇ, ਵਧੇਰੇ ਦਿਆਲੂ, ਵਧੇਰੇ ਬੁੱਧੀਮਾਨ, ਰੋਜ਼ਾਨਾ ਦੀਆਂ ਸਮੱਸਿਆਵਾਂ ਨਾਲ ਨਜਿੱਠਣ ਦੇ ਯੋਗ ਬਣ ਸਕੀਏ। ਅਤੇ ਕਿਸੇ ਵੀ ਮਨੁੱਖ ਵਿੱਚ ਜੋ ਵੀ ਨਿਰਾਸ਼ਾ ਅਤੇ ਗੁੱਸਾ ਹੈ, ਉਹ ਅਲੋਪ ਹੋ ਜਾਵੇਗਾ, ਅਤੇ ਨਫ਼ਰਤ ਦੀ ਊਰਜਾ ਪਿਆਰ ਵਿੱਚ ਬਦਲ ਜਾਵੇਗੀ। ਜੰਗ ਕਰਨ ਦੀ ਬਜਾਏ, ਉਹ ਸ਼ਾਂਤੀ ਬਣਾ ਰਹੇ ਹੋਣਗੇ।

ਜੇਕਰ ਇਸ ਧਰਤੀ 'ਤੇ ਹਰ ਕੋਈ ਪ੍ਰਮਾਤਮਾ ਨੂੰ ਜਾਣਦਾ ਹੈ, ਜਾਂ ਘੱਟੋ-ਘੱਟ ਅੱਧੀ ਮਨੁੱਖਤਾ ਪ੍ਰਮਾਤਮਾ ਨੂੰ ਜਾਣਦੀ ਹੈ - ਮੰਨ ਲਓ, ਠੀਕ ਹੈ, ਮਨੁੱਖਤਾ ਦਾ ਇੱਕ-ਤਿਹਾਈ ਹਿੱਸਾ ਪ੍ਰਮਾਤਮਾ ਨੂੰ ਜਾਣਦਾ ਹੈ, ਜਾਂ ਇੱਕ-ਚੌਥਾਈ ਹਿੱਸਾ ਵੀ ਪ੍ਰਮਾਤਮਾ ਨੂੰ ਜਾਣਦਾ ਹੈ - ਤਾਂ ਹੋਰ ਕੋਈ ਯੁੱਧ ਨਹੀਂ ਹੋਵੇਗਾ, ਹੋਰ ਕਾਲ ਨਹੀਂ ਹੋਵੇਗਾ, ਕਿਸੇ ਵੀ ਤਰ੍ਹਾਂ ਦੀ ਕੋਈ ਮੁਸੀਬਤ ਨਹੀਂ ਹੋਵੇਗੀ। ਇਹ ਗ੍ਰਹਿ ਸਵਰਗ ਬਣ ਜਾਵੇਗਾ। ਵੱਖ-ਵੱਖ ਧਰਮਾਂ ਵਿਚਕਾਰ ਜਾਂ ਇੱਕੋ ਧਰਮ ਵਿਚਕਾਰ ਵੀ ਹੋਰ ਧਾਰਮਿਕ ਲੜਾਈਆਂ ਨਹੀਂ ਹੋਣਗੀਆਂ। ਕਿਉਂਕਿ ਹਰ ਕੋਈ ਸਮਝ ਜਾਵੇਗਾ ਕਿ ਸਾਡੇ ਕੋਲ ਸਿਰਫ਼ ਇੱਕ ਹੀ ਪ੍ਰਮਾਤਮਾ ਹੈ, ਅਤੇ ਮਨੁੱਖੀ ਭਾਸ਼ਾਵਾਂ ਉਨਾਂ ਨੂੰ ਵੱਖ-ਵੱਖ ਨਾਵਾਂ ਨਾਲ ਬੁਲਾਉਂਦੀਆਂ ਹਨ, ਉਨਾਂ ਨੂੰ ਵੱਖ-ਵੱਖ ਪਿਆਰ-ਭਰੇ ਸ਼ਬਦਾਂ ਵਿੱਚ ਬਿਆਨ ਕਰਦੀਆਂ ਹਨ, ਇਸ ਵਿੱਚ ਕੋਈ ਸਮੱਸਿਆ ਨਹੀਂ ਹੈ। ਅਤੇ ਇਹ ਕਿ ਸਾਡਾ ਸਿਰਫ਼ ਇੱਕ ਪਿਤਾ ਹੈ, ਅਤੇ ਅਸੀਂ ਸਿਰਫ਼ ਇੱਕ ਹੀ ਵਿਸ਼ਵਵਿਆਪੀ ਭਾਸ਼ਾ ਬੋਲਦੇ ਹਾਂ, ਅਤੇ ਅਸੀਂ ਇੱਕ ਦੂਜੇ ਨੂੰ ਇੱਕ ਸ਼ਬਦ ਬੋਲੇ ਬਿਨਾਂ ਸਮਝਾਂਗੇ। ਅਸੀਂ ਸੰਚਾਰ ਦੀ ਇਹ ਸਾਰੀ ਅੰਦਰੂਨੀ ਯੋਗਤਾ ਗੁਆ ਦਿੱਤੀ ਹੈ, ਅਤੇ ਇਸੇ ਕਰਕੇ ਸਾਨੂੰ ਇੱਕ ਦੂਜੇ ਨੂੰ ਸਮਝਣ ਵਿੱਚ ਬਹੁਤ ਮੁਸ਼ਕਲ ਆਉਂਦੀ ਹੈ।

ਸਾਡੇ ਸਮੂਹ ਵਿੱਚ, ਜਦੋਂ ਲੋਕ ਇਕੱਠੇ ਹੁੰਦੇ ਹਨ - ਮੇਰੇ ਘਰ ਵਿੱਚ ਜਾਂ ਕਿਸੇ ਵੀ ਥਾਂ 'ਤੇ ਇਕੱਠੇ - ਸਾਡੇ ਕੋਲ ਹਰ ਤਰ੍ਹਾਂ ਦੇ ਧਾਰਮਿਕ ਪਿਛੋਕੜ ਹੁੰਦੇ ਹਨ, ਹਰ ਤਰ੍ਹਾਂ ਦੀ ਕੌਮੀਅਤ ਹੁੰਦੀ ਹੈ, ਹਰ ਤਰ੍ਹਾਂ ਦੀਆਂ ਆਦਤਾਂ ਹੁੰਦੀਆਂ ਹਨ, ਹਰ ਤਰ੍ਹਾਂ ਦੀਆਂ ਭਾਸ਼ਾਵਾਂ ਹੁੰਦੀਆਂ ਹਨ, ਪਰ ਅਸੀਂ ਆਪਣੇ ਆਪ ਹੀ ਇੱਕ ਵਾਂਗ ਹੋ ਜਾਂਦੇ ਹਾਂ। ਸਾਡੇ ਕੋਲ ਇੱਕ ਦੂਜੇ ਲਈ ਸਿਰਫ਼ ਪਿਆਰ ਅਤੇ ਵਿਸ਼ਵਾਸ ਹੈ। ਭਾਸ਼ਾ ਦੀ ਵੀ ਕੋਈ ਲੋੜ ਨਹੀਂ ਹੈ। ਅਸੀਂ ਸਾਰੇ ਸਰੀਰਕ ਤੌਰ 'ਤੇ ਅਜਨਬੀ ਸੀ, ਪਰ ਜਦੋਂ ਅਸੀਂ ਪਹਿਲੀ ਵਾਰ ਇੱਕ ਦੂਜੇ ਨੂੰ ਮਿਲੇ, ਇਹ ਇੱਕ ਸਿੱਧਾ, ਤੁਰੰਤ ਭਾਈਚਾਰਾ ਸੀ। ਕੋਈ ਸ਼ੱਕ ਨਹੀਂ, ਕੋਈ ਸਵਾਲ ਨਹੀਂ, ਕੋਈ ਮੁਕਾਬਲਾ ਨਹੀਂ, ਕੋਈ ਅਵਿਸ਼ਵਾਸ ਨਹੀਂ। ਹਮੇਸ਼ਾ ਆਤਮਵਿਸ਼ਵਾਸ ਹੁੰਦਾ ਹੈ। ਇਹ ਇਸ ਲਈ ਹੈ ਕਿਉਂਕਿ ਸਾਡੇ ਅੰਦਰ ਪ੍ਰਮਾਤਮਾ ਦਾ ਪਿਆਰ ਜਾਗ ਗਿਆ ਹੈ। ਇਹ ਇਸ ਲਈ ਹੈ ਕਿਉਂਕਿ ਅਸੀਂ ਆਤਮਾ ਦੀ ਭਾਸ਼ਾ ਨਾਲ ਗੱਲ ਕਰਦੇ ਹਾਂ। ਅਸੀਂ ਇੱਕ ਦੂਜੇ ਨੂੰ ਸਮਝਦੇ ਹਾਂ। ਜੇ ਅਸੀਂ ਸਾਰੇ ਕੋਸ਼ਿਸ਼ ਕਰੀਏ ਤਾਂ ਦੁਨੀਆਂ ਇਸ ਤਰ੍ਹਾਂ ਦੀ ਬਣ ਸਕਦੀ ਹੈ। ਕੋਸ਼ਿਸ਼ ਵੀ ਨਹੀਂ ਕਰਨ ਦੀ ਲੋੜ। ਬਸ ਪ੍ਰਮਾਤਮਾ ਨੂੰ ਜਾਣੋ, ਅਤੇ ਸਭ ਕੁਝ ਆਪਣੇ ਆਪ ਆ ਜਾਂਦਾ ਹੈ।

ਪ੍ਰਮਾਤਮਾ ਨਾਲ ਮੁੜ ਜੁੜਨ ਤੋਂ ਬਾਅਦ, ਜਿਸ ਨੂੰ ਦੀਖਿਆ ਕਿਹਾ ਜਾਂਦਾ ਹੈ, ਸਭ ਕੁਝ ਸਪਸ਼ਟ ਹੈ। ਸਭ ਕੁਝ ਪਹਿਲਾਂ ਵਰਗਾ ਨਹੀਂ ਰਿਹਾ। ਸਾਨੂੰ ਬਸ ਪਤਾ ਹੈ। ਕਿਉਂਕਿ ਇਹ ਬਹੁਤ ਵਧੀਆ ਹੈ, ਇਹ ਬਹੁਤ ਪ੍ਰਭਾਵਸ਼ਾਲੀ ਹੈ, ਅਤੇ ਇਹ ਬਹੁਤ ਅਸਲੀ ਹੈ, ਮੇਰੇ ਲਈ ਅਤੇ ਉਨ੍ਹਾਂ ਸਾਰੇ ਲੋਕਾਂ ਲਈ ਜੋ ਗਿਆਨ ਸਾਂਝਾ ਕਰਦੇ ਹਨ। ਇਸੇ ਲਈ ਮੈਂ ਇੱਥੇ ਤੁਹਾਡੇ ਨਾਲ ਇਹ ਸਾਂਝਾ ਕਰਨ ਆਈ ਹਾਂ। ਇਹ ਆਪਣੇ ਲਈ ਰੱਖਣਾ ਬਹੁਤਾ ਵਧੀਆ ਹੈ। ਇਸ ਲਈ ਤੁਹਾਡਾ ਇਸ, ਬਿਨਾਂ ਕਿਸੇ ਸ਼ਬਦ ਦੇ ਸ਼ਾਂਤੀ, ਬਿਨਾਂ-ਸ਼ਰਤ ਪਿਆਰ-ਕਰਨ ਵਾਲੇ ਪਰਿਵਾਰ ਵਿੱਚ ਸ਼ਾਮਲ ਹੋਣ ਲਈ ਬਹੁਤ ਸਵਾਗਤ ਹੈ। ਅਤੇ ਤੁਹਾਡਾ ਸਵਾਗਤ ਹੈ ਕਿ ਤੁਸੀਂ ਮੈਨੂੰ ਕੁਝ ਵੀ ਪੁੱਛ ਸਕਦੇ ਹੋ - ਕੋਈ ਵੀ ਸੇਵਾ ਜੋ ਮੈਂ ਤੁਹਾਨੂੰ ਦੇ ਸਕਦੀ ਹਾਂ - ਤਾਂ ਜੋ ਤੁਸੀਂ ਪ੍ਰਮਾਤਮਾ ਨੂੰ ਦੁਬਾਰਾ ਜਾਣ ਸਕੋ ਅਤੇ ਖੁਸ਼ ਹੋ ਸਕੋ।

ਤੁਹਾਡਾ ਧੰਨਵਾਦ। ਜੇਕਰ ਤੁਹਾਡੇ ਕੋਈ ਸਵਾਲ ਹਨ, ਮੈਂ ਜਵਾਬ ਦੇਣ ਲਈ ਤਿਆਰ ਹੋਵਾਂਗੀ। ਕਿਰਪਾ ਕਰਕੇ ਉਨ੍ਹਾਂ ਨੂੰ ਲਿਖਣ ਲਈ ਕਹੋ। (ਇੱਕ ਸਵਾਲ ਹੈ, ਸਤਿਗੁਰੂ ਜੀ।) ਹਾਂਜੀ, ਕਿਰਪਾ ਕਰਕੇ। (ਇੱਥੇ, ਮੇਰਾ ਇਹ ਸਵਾਲ ਹੈ। ਕੋਈ ਚਾਹੁੰਦਾ ਹੈ...) ਤੁਸੀਂ ਪਹਿਲਾਂ ਇਤਾਲਵੀ ਵਿੱਚ ਪੜ੍ਹੋ ਅਤੇ ਅੰਗਰੇਜ਼ੀ ਵਿੱਚ ਅਨੁਵਾਦ ਕਰੋ, ਭਾਵੇਂ ਕੋਈ ਵੀ ਭਾਸ਼ਾ ਹੋਵੇ। (ਠੀਕ ਹੈ।)

(“ਮੈਂ ਪਰਮ ਸਤਿਗੁਰੂ [ਚਿੰਗ ਹਾਈ] ਜੀ ਨੂੰ ਪੁੱਛਣਾ ਚਾਹੁੰਦੀ ਹਾਂ ਕਿ ਕਿਉਂ ਕਿਸੇ ਨੂੰ ਕਿਸ ਕਾਰਨ ਆਪਣੇ ਅੰਦਰ ਕਿਸੇ ਚੀਜ਼ ਦੇ ਪਿੱਛੇ ਭੱਜਣ ਲਈ ਮਜਬੂਰ ਕੀਤਾ ਜਾਂਦਾ ਹੈ, ਭਾਵੇਂ ਉਹ ਗਿਆਨ ਹੋਵੇ, ਸ਼ਾਂਤੀ ਹੋਵੇ, ਜਾਂ ਖੁਸ਼ੀ ਹੋਵੇ, ਅਤੇ ਉਹ ਕਦੇ ਵੀ ਉਸ ਤੱਕ ਨਹੀਂ ਪਹੁੰਚਦਾ?”) ਉਹ ਆਪਣੇ ਅੰਦਰ ਕਿਸ ਕਾਰਨ ਕਰਕੇ ਦੌੜਦਾ ਹੈ? (ਨਹੀਂ, ਆਪਣੇ ਅੰਦਰ ਕਿਸੇ ਚੀਜ਼ ਪਿਛੇ (ਦੌੜਨ) ਤੋਂ ਬਾਅਦ, ਖੁਸ਼ੀ ਜਾਂ ਅਨੰਦ ਜਾਂ ਗਿਆਨ ਤੋਂ ਬਾਅਦ, ਅਤੇ ਉਹ ਕਦੇ ਵੀ ਉਸ ਤੱਕ ਨਹੀਂ ਪਹੁੰਚਦਾ। ਉਸਨੂੰ ਇਹ ਕਦੇ ਨਹੀਂ ਮਿਲਦਾ।) ਉਸਨੂੰ ਕਦੇ ਵੀ ਆਨੰਦ, ਗਿਆਨ, ਅਤੇ ਇਹ ਸਭ ਕੁਝ ਨਹੀਂ ਮਿਲਦਾ? (ਹਾਂਜੀ।) ਖੈਰ, ਉਸਨੂੰ ਸਾਡੇ ਨਾਲ ਕੋਸ਼ਿਸ਼ ਕਰਨੀ ਪਵੇਗੀ। ਪਿੱਛੇ ਰਹਿ ਕੇ ਸਾਡੇ ਨਾਲ ਕੋਸ਼ਿਸ਼ ਕਰ ਸਕਦੇ ਹੋ। ਹੋ ਸਕਦਾ ਹੈ ਕਿ ਤੁਸੀਂ ਗੱਲ ਭੁੱਲ ਗਏ ਹੋ।

(ਠੀਕ ਹੈ। ਮੈਂ ਇਸਦਾ ਅੰਗਰੇਜ਼ੀ ਵਿੱਚ ਅਨੁਵਾਦ ਕਰਦੀ ਹਾਂ।) "ਇਹ ਅਧਿਆਤਮਿਕ ਮਾਰਗ ਕਿਵੇਂ ਸਿਖਾਇਆ ਜਾ ਸਕਦਾ ਹੈ? ਅਧਿਆਤਮਿਕ ਮਾਰਗ 'ਤੇ ਕਿਵੇਂ ਚੱਲੀਏ ਵੱਖ-ਵੱਖ ਸੱਭਿਆਚਾਰਾਂ ਨਾਲ ਸਬੰਧਤ ਲੋਕਾਂ ਲਈ? ਮੈਡੀਟੇਸ਼ਨ ਦਾ ਅਰਥ ਵੱਖਰਾ ਹੋ ਸਕਦਾ ਹੈ, ਜਾਂ ਸ਼ਾਇਦ ਗ੍ਰਹਿ 'ਤੇ ਵੱਖ-ਵੱਖ ਥਾਵਾਂ 'ਤੇ ਮੌਜੂਦ ਨਾ ਵੀ ਹੋਵੈ। ਤਾਂ ਅਸੀਂ ਇਹ ਕਿਵੇਂ ਸਿਖਾ ਸਕਦੇ ਹਾਂ? ਅਸੀਂ ਤੁਹਾਡੇ ਸੰਦੇਸ਼ ਨੂੰ ਹਰ ਕਿਸੇ ਨੂੰ ਕਿਵੇਂ ਸਮਝਾ ਸਕਦੇ ਹਾਂ, ਇੱਕ ਵਿਅਕਤੀ ਦੁਆਰਾ ਸਿੱਖੇ ਗਏ ਵੱਖ-ਵੱਖ ਵਰਗਾਂ ਦੇ ਮਨਾਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ - ਉਦਾਹਰਣ ਵਜੋਂ, ਅਫਰੀਕਾ ਵਿੱਚ ਇੱਕ ਵਿਅਕਤੀ ਜਾਂ ਐਮਾਜ਼ਾਨੀਆ ਵਿੱਚ ਇੱਕ ਆਦਿਵਾਸੀ ਵਿਅਕਤੀ?") ਜਿੱਥੋਂ ਤੱਕ ਭੌਤਿਕ ਪਿਛੋਕੜ ਦਾ ਸਵਾਲ ਹੈ, ਤੁਹਾਡਾ ਸਵਾਲ ਸਹੀ ਹੈ।

ਪਰ ਇਹ ਨਾ ਭੁੱਲੋ ਕਿ ਅਸੀਂ ਸਰੀਰ ਨਹੀਂ ਹਾਂ, ਅਸੀਂ ਮਨ ਨਹੀਂ ਹਾਂ, ਅਸੀਂ ਪ੍ਰਮਾਤਮਾ ਦੀ ਆਤਮਾ ਹਾਂ। ਅਤੇ ਉਹ ਆਤਮਾ ਮੇਰੀ ਗੱਲ ਸਮਝੇਗੀ। ਮੈਂ ਸਿਰਫ਼ ਤੁਹਾਡੇ ਮਨ ਨਾਲ ਨਹੀਂ ਬੋਲ ਰਹੀ, ਸਗੋਂ ਇਸ ਦੌਰਾਨ, ਤੁਹਾਡੀ ਆਤਮਾ ਪ੍ਰਤੀ ਚੁੱਪਚਾਪ ਬੋਲ ਰਹੀ ਹਾਂ। ਅਤੇ ਜੇਕਰ ਤੁਸੀਂ ਤਿਆਰ ਹੋ - ਤੁਹਾਡੀ ਆਤਮਾ ਤਿਆਰ ਹੈ, ਅਤੇ ਜਾਣਨਾ ਚਾਹੁੰਦੀ ਹੈ - ਤਾਂ ਤੁਹਾਨੂੰ ਪਤਾ ਲੱਗ ਜਾਵੇਗਾ। ਕਿਉਂਕਿ ਅੰਦਰਲੀ ਆਤਮਾ ਸਰਬ-ਗਿਆਤਾ ਹੈ। ਜਦੋਂ ਉਹ ਜਾਗਣਾ ਚਾਹੁੰਦਾ ਹੈ, ਉਹ ਸਭ ਕੁਝ ਸਮਝਦਾ ਹੈ; ਉਹ ਪ੍ਰਮਾਤਮਾ ਕੋਲ ਵਾਪਸ ਜਾਣ ਲਈ ਸਭ ਕੁਝ ਕਰੇਗਾ।

Photo Caption: “ਪ੍ਰਮਾਤਮਾ ਦੇ ਪਿਆਰ ਨਾਲ ਕਿਤੇ ਵੀ ਪ੍ਰਫੁੱਲਤ ਹੋਣਾ”

ਫੋਟੋ ਡਾਊਨਲੋਡ ਕਰੋ