ਮਾਤਮਾ ਨੂੰ ਜਾਣਨ ਲਈ, ਸਾਨੂੰ ਪ੍ਰਮਾਤਮਾ ਹੋਣਾ ਚਾਹੀਦਾ ਹੈ, ਗਿਆਰਾਂ ਹਿਸਿਆਂ ਦਾ ਪੰਜਵਾਂ ਭਾਗ।

ఈ ఎపిసోడ్‌లో, మనలో కొలువై ఉన్న దేవునితో మనం ఎలా అనుసంధానం కాగలమో సుప్రీమ్ మాస్టర్ చింగ్ హై వివరిస్తారు.

ਪ੍ਰਮਾਤਮਾ ਨੂੰ ਜਾਣਨ ਨਾਲ, ਅਸੀਂ ਈਸਾਈ ਹੋਵਾਂਗੇ, ਅਸੀਂ ਸੰਤ ਹੋਵਾਂਗੇ, ਆਪਣੀ ਜ਼ਿੰਦਗੀ ਦੇ ਸਫ਼ਰ ਵਿੱਚ ਚੁੱਪ-ਚਾਪ। ਅਤੇ ਅਸੀਂ ਲੋਕਾਂ ਨੂੰ ਆਸ਼ੀਰਵਾਦ ਦੇਵਾਂਗੇ, ਚੁੱਪਚਾਪ ਵੀ। ਕਿਸੇ ਨੂੰ ਇਸ ਬਾਰੇ ਪਤਾ ਵੀ ਨਹੀਂ ਲਗੇਗਾ। ਕਿਉਂਕਿ ਸਾਡੇ ਵਿੱਚੋਂ ਬਹੁਤਿਆਂ ਦੀਆਂ ਪਹਿਲਾਂ ਹੀ ਪਰਿਵਾਰਾਂ, ਦੋਸਤਾਂ ਪ੍ਰਤੀ ਜ਼ਿੰਮੇਵਾਰੀਆਂ ਹਨ, ਅਸੀਂ ਉਨ੍ਹਾਂ ਦੀ ਦੇਖਭਾਲ ਕਰਦੇ ਰਹਾਂਗੇ ਅਤੇ ਆਪਣੇ ਕਿਸੇ ਵੀ ਅਜ਼ੀਜ਼ ਨੂੰ ਛੱਡੇ ਬਿਨਾਂ ਆਪਣਾ ਫਰਜ਼ ਨਿਭਾਵਾਂਗੇ। ਇਸ ਲਈ ਅਸੀਂ ਪ੍ਰਮਾਤਮਾ ਦੇ ਗਿਆਨ ਦਾ ਅਭਿਆਸ ਕਰ ਸਕਦੇ ਹਾਂ, ਸੰਸਾਰ ਨੂੰ ਅਸੀਸ ਦੇ ਸਕਦੇ ਹਾਂ, ਆਪਣੇ ਆਪ ਨੂੰ ਅਸੀਸ ਦੇ ਸਕਦੇ ਹਾਂ, ਪਰ ਇੱਕ ਬਹੁਤ ਹੀ ਸ਼ਾਂਤ, ਆਮ ਜੀਵਨ ਜੀ ਸਕਦੇ ਹਾਂ।

ਪ੍ਰਭੂ ਯਿਸੂ ਨੇ ਸਾਡੇ ਨਾਲ ਵਾਅਦਾ ਕੀਤਾ ਹੈ ਕਿ ਉਹ ਜੋ ਵੀ ਕਰਦਾ ਹੈ, ਅਸੀਂ ਉਹ ਕਰ ਸਕਦੇ ਹਾਂ। ਇਹ ਬਾਈਬਲ ਵਿੱਚ ਹੈ। ਇਹ ਮੇਰਾ ਕਹਿਣਾ ਨਹੀਂ ਹੈ। ਉਨਾਂ ਨੇ ਕਿਹਾ, "ਜੋ ਮੈਂ ਕਰ ਸਕਦਾ ਹਾਂ, ਤੁਸੀਂ ਵੀ ਕਰ ਸਕਦੇ ਹੋ।" ਉਨਾਂ ਨੇ ਇੱਥੋਂ ਤੱਕ ਕਿਹਾ, "ਤੁਸੀਂ ਬਿਹਤਰ ਕਰ ਸਕਦੇ ਹੋ।" ਤਾਂ ਮੈਂ ਤੁਹਾਨੂੰ ਦਿਖਾਉਣ ਜਾ ਰਹੀ ਹਾਂ ਕਿ ਕਿਵੇਂ। ਕਿਉਂਕਿ ਪ੍ਰਭੂ ਯਿਸੂ ਦੀ ਸਿੱਖਿਆ ਅਜੇ ਵੀ ਇਸ ਦੁਨੀਆਂ ਵਿੱਚ ਕਾਇਮ ਹੈ - ਅਣਕਹੀ ਸਿੱਖਿਆ। ਅਤੇ ਮੈਂ ਤੁਹਾਨੂੰ ਦਿਖਾਵਾਂਗੀ ਕਿ ਉਸ ਸਿੱਖਿਆ ਨੂੰ ਕਿਵੇਂ ਮੁੜ ਪ੍ਰਾਪਤ ਕਰਨਾ ਹੈ।

ਮੈਂ ਤੁਹਾਨੂੰ ਦਿਖਾਵਾਂਗੀ ਕਿ ਸਾਡੇ ਪ੍ਰਭੂ ਯਿਸੂ ਨਾਲ ਸਿੱਧੇ ਤੌਰ 'ਤੇ ਕਿਵੇਂ ਗੱਲ ਕਰਨੀ ਹੈ, ਕਿਉਂਕਿ ਉਨਾਂ ਦੇ ਮੁੜ ਜੀ ਉੱਠਣ, ਪੁਨਰ-ਉਥਾਨ ਤੋਂ ਬਾਅਦ, ਉਨਾਂ ਨੇ ਸਾਨੂੰ ਕਦੇ ਨਹੀਂ ਛੱਡਿਆ। ਅਸੀਂ ਅਜੇ ਵੀ ਉਨਾਂ ਨਾਲ ਗੱਲ ਕਰ ਸਕਦੇ ਹਾਂ। ਉਹ ਅਜੇ ਵੀ ਸਾਡੀ ਅਗਵਾਈ ਕਰ ਸਕਦੇ ਹਨ। ਪਰ ਕਿਉਂਕਿ ਉਨਾਂ ਨੇ ਇਸ ਭੌਤਿਕ ਵਾਈਬ੍ਰੇਸ਼ਨ, ਗ੍ਰਹਿ ਦੀ ਇਸ ਭੌਤਿਕ ਊਰਜਾ ਨੂੰ ਛੱਡ ਦਿੱਤਾ ਹੈ, ਅਤੇ ਉਹ ਹੋਂਦ ਦੀ ਉੱਚ ਬਾਰੰਬਾਰਤਾ ਵਿੱਚ ਹਨ, ਸਾਨੂੰ ਖੁਦ ਪ੍ਰਭੂ ਨੂੰ ਇੱਕ ਵੱਖਰੇ ਆਯਾਮ ਵਿੱਚ ਮਿਲਣ ਲਈ ਥੋੜ੍ਹਾ ਉੱਚਾ ਉੱਠਣਾ ਪਵੇਗਾ। ਅਤੇ ਫਿਰ ਅਸੀਂ ਉਨਾਂ ਤੋਂ ਸਿੱਧੇ ਤੌਰ 'ਤੇ ਸੱਚੀ ਸਿੱਖਿਆ ਨੂੰ ਜਾਣਾਂਗੇ। ਅਤੇ ਅਸੀਂ ਵੀ ਉਨਾਂ ਦੇ ਰਾਹ ਤੇ ਚੱਲ ਸਕਦੇ ਹਾਂ ਅਤੇ ਇਸ ਦੁਨੀਆਂ ਵਿੱਚ ਪਿਆਰ ਅਤੇ ਦਿਆਲਤਾ ਲਿਆ ਸਕਦੇ ਹਾਂ।

ਮੈਂ ਤੁਹਾਨੂੰ ਇਹ ਵੀ ਦਿਖਾਵਾਂਗੀ ਕਿ ਬਾਈਬਲ ਵਿੱਚ ਜ਼ਿਕਰ ਕੀਤੇ ਗਏ ਸ਼ਬਦ ਨਾਲ ਕਿਵੇਂ ਸੰਪਰਕ ਬਣਾਇਆ ਜਾਵੇ, ਜੋ ਕਹਿੰਦਾ ਹੈ, "ਸ਼ਬਦ ਪ੍ਰਮਾਤਮਾ ਦੇ ਨਾਲ ਸੀ, ਅਤੇ ਸ਼ਬਦ ਅਸਲ ਵਿੱਚ ਪ੍ਰਮਾਤਮਾ ਸੀ।" ਇਹ ਕਹਿੰਦਾ ਹੈ ਕਿ ਹਰ ਚੀਜ਼ ਜੋ ਬਣਾਈ ਗਈ ਹੈ, ਇਸ ਸ਼ਬਦ ਦੁਆਰਾ ਬਣਾਈ ਗਈ ਹੈ। ਇਸ ਲਈ ਜੇਕਰ ਅਸੀਂ ਇਸ ਸ਼ਬਦ ਦੁਆਰਾ ਜਾਂ ਇਸ ਪ੍ਰਮਾਤਮਾ ਦੁਆਰਾ ਬਣਾਏ ਗਏ ਹਾਂ, ਇਸ ਨਾਲ ਸੰਪਰਕ ਕਰਕੇ, ਇਸ ਨਾਲ ਦੁਬਾਰਾ ਜੁੜ ਕੇ, ਅਸੀਂ ਪ੍ਰਮਾਤਮਾ ਨਾਲ ਇੱਕ ਹੋ ਜਾਵਾਂਗੇ। (ਅੰਦਰੂਨੀ ਸਵਰਗੀ) ਸ਼ਬਦ ਸੁਣਨਾ ਹੀ ਪ੍ਰਮਾਤਮਾ ਨੂੰ ਸੁਣਨਾ ਹੈ। (ਅੰਦਰੂਨੀ ਸਵਰਗੀ) ਰੌਸ਼ਨੀ ਨੂੰ ਵੇਖਣਾ ਪ੍ਰਮਾਤਮਾ ਨੂੰ ਵੇਖਣਾ ਹੈ। ਪ੍ਰਭੂ ਯਿਸੂ ਨੂੰ ਅੰਦਰ ਵੇਖਣਾ ਵੀ ਪ੍ਰਮਾਤਮਾ ਨੂੰ ਵੇਖਣਾ ਹੈ। ਇਹ ਸਾਰੇ ਅਨੁਭਵ ਅਸੀਂ ਇਸ ਗ੍ਰਹਿ 'ਤੇ ਰਹਿੰਦੇ ਹੋਏ ਇਸ ਸਮੇਂ ਅਨੁਭਵ ਕਰ ਸਕਦੇ ਹਾਂ। ਅਸੀਂ ਸਵਰਗ ਨੂੰ ਦੇਖ ਸਕਦੇ ਹਾਂ, ਅਤੇ ਅਸੀਂ ਇਸ ਸੰਸਾਰ ਵਿੱਚ ਉਸੇ ਸਮੇਂ ਰਹਿ ਸਕਦੇ ਹਾਂ, ਇਹ ਜਾਣਦੇ ਹੋਏ ਕਿ ਮੌਤ ਤੋਂ ਬਾਅਦ ਅਸੀਂ ਕਿੱਥੇ ਜਾ ਰਹੇ ਹਾਂ। ਤੁਸੀਂ ਆਪਣੀ ਬਾਈਬਲ ਨੂੰ ਅੰਦਰੋਂ ਬਾਹਰੋਂ, ਉਲਟਾ, ਮੂੰਹ-ਜ਼ਬਾਨੀ ਜਾਣਦੇ ਹੋ, ਇਸ ਲਈ ਮੈਨੂੰ ਤੁਹਾਨੂੰ ਬਾਈਬਲ ਯਾਦ ਕਰਾਉਣ ਦੀ ਲੋੜ ਨਹੀਂ ਹੈ। ਮੈਂ ਇੱਥੇ ਸਿਰਫ਼ ਉਹ ਵਿਹਾਰਕ ਅਨੁਭਵ ਪੇਸ਼ ਕਰਨ ਲਈ ਹਾਂ ਜਿਸਦਾ ਬਾਈਬਲ ਨੇ ਵਾਅਦਾ ਕੀਤਾ ਹੈ।

ਬਾਈਬਲ ਵਿੱਚ ਦੱਸੇ ਗਏ ਪੁਰਾਣੇ ਸੰਤਾਂ ਦੇ ਕਿਸੇ ਵੀ ਅਨੁਭਵ ਨੂੰ, ਅਸੀਂ ਅਨੁਭਵ ਕਰ ਸਕਦੇ ਹਾਂ। ਅਸੀਂ ਇਸਦਾ ਇੱਕ ਸੁਆਦ ਲੈ ਸਕਦੇ ਹਾਂ, ਅਤੇ ਅਸੀਂ ਇਸਨੂੰ ਹਰ ਰੋਜ਼ ਆਪਣੀ ਸੈਕਟਰੀ ਦੀ ਨੌਕਰੀ ਕਰਦੇ ਹੋਏ, ਜਾਂ ਇੱਕ ਟੈਕਸੀ ਚਲਾਉਂਦੇ ਹੋਏ, ਜਾਂ ਇੱਕ ਕੌਫੀ ਪਰੋਸਦੇ ਹੋਏ, ਜੋ ਵੀ ਹੋਵੇ, ਲੈਦੇ ਰਹਿ ਸਕਦੇ ਹਾਂ। ਸਰਲ - ਇਸ ਮਾਸ ਦੇ ਮੰਦਰ ਨੂੰ ਛੱਡ ਕੇ ਅਤੇ ਅੰਦਰ ਜਾ ਕੇ, ਅੰਦਰਲੇ ਅਸਲ ਮਾਲਕ ਨਾਲ ਸੰਪਰਕ ਕਰਕੇ। ਇਸਨੂੰ ਕਰਨ ਦਾ ਇੱਕ ਤਰੀਕਾ ਹੈ, ਜਿਵੇਂ ਕਿ ਹੋਰ ਸਭ ਕੁਝ ਕਰਨ ਦਾ ਇੱਕ ਤਰੀਕਾ ਹੈ। ਅਸੀਂ ਬਸ ਸਿੱਖਦੇ ਹਾਂ ਕਿ ਕਿਵੇਂ, ਫਿਰ ਅਸੀਂ ਕਰ ਸਕਦੇ ਹਾਂ।

ਅਤੇ ਪ੍ਰਮਾਤਮਾ ਨੂੰ ਜਾਣਨਾ ਸਭ ਤੋਂ ਆਸਾਨ ਚੀਜ਼ ਹੈ ਜਿਸਦੀ ਮੈਂ ਕਲਪਨਾ ਕਰ ਸਕਦੀ ਹਾਂ - ਸਭ ਤੋਂ ਆਸਾਨ ਚੀਜ਼ ਜੋ ਸਾਡੇ ਵਿੱਚੋਂ ਕਿਸੇ ਨਾਲ ਵੀ ਇਸ ਜਨਮ ਅਤੇ ਅਗਲੇ ਜਨਮ ਵਿੱਚ ਵਾਪਰਦੀ ਹੈ। ਅਤੇ ਇਹ ਹੁਣ ਤੱਕ ਦਾ ਸਭ ਤੋਂ ਰਹੱਸਮਈ, ਸਭ ਤੋਂ ਚਮਤਕਾਰੀ, ਸਭ ਤੋਂ ਸ਼ਾਨਦਾਰ ਅਨੁਭਵ ਹੈ ਜੋ ਅਸੀਂ ਕਦੇ ਜਾਣ ਸਕਦੇ ਹਾਂ। ਇਹ ਬਹੁਤ ਸੌਖਾ ਹੈ; ਇਸੇ ਕਰਕੇ ਸਾਨੂੰ ਇਹ ਨਹੀਂ ਪਤਾ। ਅਸੀਂ ਕਦੇ ਸੋਚ ਵੀ ਨਹੀਂ ਸਕਦੇ ਕਿ ਇਹ ਇਸ ਤਰ੍ਹਾਂ ਹੈ। ਇਸੇ ਲਈ ਬਾਈਬਲ ਹਰ ਸਮੇਂ ਕਹਿੰਦੀ ਹੈ: ਅਸੀਂ ਸਿਰਫ਼ ਮੰਦਰ ਹਾਂ, ਇਹ ਸਰੀਰ ਸਿਰਫ਼ ਮੰਦਰ ਹੈ, ਅਤੇ ਪ੍ਰਮਾਤਮਾ ਸਾਡੇ ਅੰਦਰ ਵੱਸਦਾ ਹੈ। ਪਰ ਅਸੀਂ ਕਦੇ ਵੀ ਇਸ 'ਤੇ ਵਿਸ਼ਵਾਸ ਨਹੀਂ ਕਰਦੇ। ਅਸੀਂ ਸੋਚਿਆ ਸੀ ਕਿ ਪ੍ਰਮਾਤਮਾ ਕਿਤੇ ਹੋਰ ਸੀ। ਬਾਈਬਲ ਵਿੱਚ ਇਹ ਇੰਨਾ ਸਪੱਸ਼ਟ ਤੌਰ 'ਤੇ ਲਿਖਿਆ ਹੈ ਕਿ, "ਤੁਸੀਂ ਪ੍ਰਮਾਤਮਾ ਦਾ ਮੰਦਰ ਹੋ, ਅਤੇ ਪਵਿੱਤਰ ਆਤਮਾ ਤੁਹਾਡੇ ਅੰਦਰ ਵੱਸਦੀ ਹੈ।" ਇੰਨਾ ਸਰਲ, ਇੰਨਾ ਸਿੱਧਾ, ਇੰਨਾ ਸਪੱਸ਼ਟ, ਪਰ ਸਾਡੇ ਵਿੱਚੋਂ ਬਹੁਤ ਸਾਰੇ ਨਹੀਂ ਜਾਣਦੇ ਕਿ ਉਹ ਆਤਮਾ ਕਿੱਥੇ ਹੈ। ਅਤੇ ਅਸੀਂ ਇੱਕ ਦੁਖੀ ਜ਼ਿੰਦਗੀ ਜੀਉਂਦੇ ਰਹਿੰਦੇ ਹਾਂ, ਇੱਕ ਭਿਖਾਰੀ ਵਾਂਗ ਜ਼ਿੰਦਗੀ, ਚਮਤਕਾਰਾਂ ਦੀ ਭੀਖ ਮੰਗਦੇ ਹੋਏ, ਅਸੀਸਾਂ ਦੀ ਭੀਖ ਮੰਗਦੇ ਹੋਏ, ਕੁਝ ਵੀ ਮੰਗਦੇ ਹੋਏ। ਪਰ ਪ੍ਰਮਾਤਮਾ ਹਰ ਵੇਲੇ ਉੱਥੇ ਮੌਜ਼ੂਦ ਹੁੰਦਾ ਹੈ। ਅਤੇ ਅਸੀਂ ਕੋਈ ਵੀ ਅਸੀਸ ਪ੍ਰਾਪਤ ਕਰ ਸਕਦੇ ਹਾਂ ਜੋ ਅਸੀਂ ਚਾਹੁੰਦੇ ਹਾਂ ਜੇਕਰ ਸਾਨੂੰ ਪਤਾ ਹੋਵੇ ਕਿ ਉਹ ਕਿੱਥੇ ਹਨ। ਜੇਕਰ ਅਸੀਂ ਉਨਾਂ ਨਾਲ ਸੰਪਰਕ ਕਰਦੇ ਹਾਂ, ਤਾਂ ਜੋ ਵੀ ਸਾਨੂੰ ਚਾਹੀਦਾ ਹੈ ਉਹ ਮਿਲਦਾ ਹੈ। ਪ੍ਰਾਰਥਨਾ ਕਰਨ ਦੀ ਕੋਈ ਲੋੜ ਨਹੀਂ, ਭੀਖ ਮੰਗਣ ਦੀ ਵੀ ਕੋਈ ਲੋੜ ਨਹੀਂ। ਕਿਉਂਕਿ ਸਾਡੇ ਅੰਦਰ ਪ੍ਰਮਾਤਮਾ ਹੈ। ਅਸੀਂ ਪ੍ਰਮਾਤਮਾ ਹਾਂ।

ਪਰ, ਅਜਿਹੀ ਹੀ ਸਾਡੀ ਭੁੱਲ ਹੈ, ਜਦੋਂ ਪ੍ਰਭੂ ਯਿਸੂ ਸਾਨੂੰ ਯਾਦ ਦਿਵਾਉਣ ਲਈ ਇੱਥੇ ਆਏ ਸਨ ਕਿ ਅਸੀਂ ਪ੍ਰਮਾਤਮਾ ਦੇ ਬੱਚੇ ਹਾਂ, ਅਸੀਂ ਉਨਾਂ ਨੂੰ ਮਾਰ ਦਿੱਤਾ। ਜਦੋਂ ਉਨਾਂ ਨੇ ਐਲਾਨ ਕੀਤਾ ਕਿ ਉਹ ਪ੍ਰਮਾਤਮਾ ਦਾ ਪੁੱਤਰ ਹੈ - ਜੋ ਕਿ 100% ਪੂਰਨ ਸੱਚ ਹੈ - ਤਾਂ ਉਹਨਾਂ ਨੇ ਉਸਨੂੰ ਮਾਰ ਦਿੱਤਾ। ਉਨ੍ਹਾਂ ਨੇ ਉਸਨੂੰ ਕਾਫ਼ਰ ਕਿਹਾ।

ਤਾਂ, ਅਸਲ ਵਿੱਚ, ਇਸ ਦੁਨੀਆਂ ਦੇ ਲੋਕ - ਅਸੀਂ ਖੁਦ - ਬਹੁਤ ਵਧੀਆ ਹਾਂ। ਅਸੀਂ ਇਹ ਮੰਨਣਾ ਪਸੰਦ ਕਰਦੇ ਹਾਂ ਕਿ ਅਸੀਂ ਪਾਪੀ ਹਾਂ, ਕਿ ਅਸੀਂ ਸ਼ੈਤਾਨ ਤੋਂ ਹਾਂ, ਇਹ ਮੰਨਣ ਨਾਲੋਂ ਕਿ ਅਸੀਂ ਕਿਰਪਾ ਤੋਂ, ਪਿਆਰ ਤੋਂ, ਪ੍ਰਮਾਤਮਾ ਤੋਂ ਹਾਂ। ਭਾਵੇਂ ਸਾਡੇ ਕੋਲ ਇਸ ਗੱਲ ਦਾ ਕੋਈ ਸਬੂਤ ਨਹੀਂ ਹੈ ਕਿ ਅਸੀਂ ਪ੍ਰਮਾਤਮਾ ਦੇ ਬੱਚੇ ਹਾਂ, ਪਰ ਸਾਡੇ ਕੋਲ ਇਸ ਗੱਲ ਦਾ ਵੀ ਕੋਈ ਸਬੂਤ ਨਹੀਂ ਹੈ ਕਿ ਅਸੀਂ ਸ਼ੈਤਾਨ ਦੇ ਬੱਚੇ ਹਾਂ। ਤਾਂ ਫਿਰ ਇਸ ਵਿੱਚ ਵਿਸ਼ਵਾਸ ਕਿਉਂ ਕਰੀਏ ਅਤੇ ਉਸ ਵਿੱਚ ਵਿਸ਼ਵਾਸ ਨਾ ਕਰੀਏ? ਭਾਵੇਂ ਪ੍ਰਭੂ ਯਿਸੂ ਮਸੀਹ ਕੋਲ ਕੋਈ ਸਬੂਤ ਨਹੀਂ ਸੀ ਕਿ ਉਹ ਪ੍ਰਮਾਤਮਾ ਦਾ ਪੁੱਤਰ ਹੈ, ਉਨ੍ਹਾਂ ਕੋਲ ਕੋਈ ਸਬੂਤ ਨਹੀਂ ਸੀ ਕਿ ਉਹ ਸ਼ੈਤਾਨ ਦਾ ਪੁੱਤਰ ਹੈ। ਤਾਂ ਉਸਨੂੰ ਕਿਉਂ ਮਾਰਿਆ? ਮੈਨੂੰ ਇਨਸਾਨਾਂ ਦੀ ਸਮਝ ਨਹੀਂ ਆਉਂਦੀ।

ਪਰ ਉਨਾਂ ਨੇ ਸਾਬਤ ਕਰ ਦਿੱਤਾ ਹੈ ਕਿ ਉਹ ਪ੍ਰਮਾਤਮਾ ਦਾ ਪੁੱਤਰ ਹੈ। ਉਨਾਂ ਨੂੰ ਧਰਤੀ ਉੱਤੇ ਰਾਜ ਦੀ ਕੋਈ ਪਰਵਾਹ ਨਹੀਂ ਸੀ। ਉਨਾਂ ਨੇ ਉਸ ਸਮੇਂ ਦੀ ਸਰਕਾਰ ਨਾਲ ਕਿਸੇ ਅਹੁਦੇ, ਕਿਸੇ ਪ੍ਰਸਿੱਧੀ, ਜਾਂ ਕਿਸੇ ਪੈਸੇ ਲਈ ਵੀ ਮੁਕਾਬਲਾ ਨਹੀਂ ਕੀਤਾ। ਉਨਾਂ ਨੇ ਲੋਕਾਂ ਨੂੰ ਸਿਖਾਇਆ ਕਿ ਆਪਣੀ ਮਹਿਮਾ ਕਿਵੇਂ ਲੱਭਣੀ ਹੈ, ਆਪਣੇ ਪ੍ਰਮਾਤਮਾ ਨੂੰ ਕਿਵੇਂ ਲੱਭਣਾ ਹੈ, ਤਾਂ ਜੋ ਉਹ ਧਰਤੀ 'ਤੇ ਖੁਸ਼ ਰਹਿ ਸਕਣ, ਧੰਨ ਹੋ ਸਕਣ। ਅਤੇ ਜੋ ਕੋਈ ਵੀ ਉਸ ਕੋਲ ਆਉਂਦਾ ਹੈ, ਉਹ ਉਨ੍ਹਾਂ ਨੂੰ ਪ੍ਰਮਾਤਮਾ ਨੂੰ ਜਾਣਨ ਬਾਰੇ ਸਿਖਾਏਗਾ। ਉਹ ਉਨ੍ਹਾਂ ਨੂੰ ਤੁਰੰਤ ਸਬੂਤ ਦੇਵੇਗਾ। ਜੇਕਰ ਉਹ ਇੱਕ ਕੇਕ ਬਣਾਉਂਦਾ ਹੈ ਅਤੇ ਤੁਹਾਨੂੰ ਇਸਦਾ ਸੁਆਦ ਲੈਣ ਲਈ ਕਹਿੰਦਾ ਹੈ, ਅਤੇ ਤੁਸੀਂ ਇਸਦਾ ਸੁਆਦ ਨਹੀਂ ਲੈਂਦੇ, ਅਤੇ ਤੁਸੀਂ ਸਿਰਫ਼ ਆਸ ਪਾਸ ਖੜ੍ਹੇ ਰਹਿੰਦੇ ਅਤੇ ਸਬੂਤ, ਗੁਣਵੱਤਾ, ਅਤੇ ਕੇਕ ਦੇ ਸੁਆਦ ਲਈ ਪੁੱਛਦੇ ਹੋ, ਅਤੇ ਤੁਸੀਂ ਇਸਨੂੰ ਖਾਂਦੇ ਵੀ ਨਹੀਂ ਹੋ, ਤਾਂ ਉਹ ਕਿਵੇਂ ਸਾਬਤ ਕਰ ਸਕਦਾ ਹੈ ਕਿ ਕੇਕ ਚੰਗਾ ਹੈ?

ਪਰ ਸਬੂਤ ਪਹਿਲਾਂ ਹੀ ਬਹੁਤ ਸਪੱਸ਼ਟ ਹੈ। ਕਿਉਂਕਿ ਪ੍ਰਭੂ ਯਿਸੂ ਹੋਰਾਂ ਨੇ ਸਿਰਫ਼ ਚੰਗਿਆਈ, ਸ਼ਾਂਤੀ, ਪਿਆਰ ਅਤੇ ਦਿਆਲਤਾ ਸਿਖਾਈ । ਸ਼ੈਤਾਨ ਦਾ ਪੁੱਤਰ ਜਾਂ ਕੋਈ ਵੀ ਦੁਸ਼ਟ ਇਸ ਤਰ੍ਹਾਂ ਦੀ ਗੱਲ ਕਿਵੇਂ ਸਿਖਾ ਸਕਦਾ ਹੈ, ਅਤੇ ਇਨ੍ਹਾਂ ਸਾਰੇ ਅਪਮਾਨਾਂ ਨੂੰ ਪੂਰੇ ਪਿਆਰ ਨਾਲ ਕਿਵੇਂ ਸਹਿ ਸਕਦਾ ਹੈ, ਅਤੇ ਇੱਥੋਂ ਤੱਕ ਕਿ ਪ੍ਰਮਾਤਮਾ ਤੋਂ ਆਪਣੇ ਅਖੌਤੀ ਦੁਸ਼ਮਣਾਂ ਨੂੰ ਮਾਫ਼ ਕਰਨ ਲਈ ਵੀ ਕਹਿ ਸਕਦਾ ਹੈ? ਇਹ ਚੀਜ਼ ਸਿਰਫ਼ ਉਸ ਪ੍ਰਮਾਤਮਾ ਦੇ ਗੁਣ ਤੋਂ ਹੀ ਆ ਸਕਦੀ ਹੈ, ਸਿਰਫ਼ ਪ੍ਰਮਾਤਮਾ ਦੇ ਪੁੱਤਰ ਤੋਂ ਹੀ ਆ ਸਕਦੀ ਹੈ। ਇਹ ਪਹਿਲਾਂ ਹੀ ਕਾਫ਼ੀ ਸਬੂਤ ਹੈ। ਪਰ ਮਨੁੱਖਜਾਤੀ ਇੱਕ ਅਜੀਬ ਨਸਲ ਹੈ। ਜਲਦੀ ਹੀ ਤੁਸੀਂ ਅਰਮੀਨੀਆ ਵਿੱਚ ਇੱਕ ਰਾਸ਼ਟਰੀ ਧਰਮ ਵਜੋਂ ਈਸਾਈ ਧਰਮ ਦੇ 1700 ਸਾਲ ਮਨਾਓਗੇ। ਮੈਨੂੰ ਉਸ ਮੌਕੇ 'ਤੇ ਉੱਥੇ ਸੱਦਾ ਦਿੱਤਾ ਗਿਆ ਸੀ, ਪਰ ਮੇਰੇ ਕੋਲ ਸਮਾਂ ਨਹੀਂ ਹੋਵੇਗਾ, ਇਸ ਲਈ ਮੈਂ ਪਿਛਲੇ ਹਫ਼ਤੇ ਪਹਿਲਾਂ ਉੱਥੇ ਆਈ ਸੀ। ਮੈਂ ਉਹ ਬਰਛਾ ਦੇਖਿਆ ਜੋ ਉਨ੍ਹਾਂ ਨੇ ਯਹੋਵਾਹ ਨੂੰ ਦੁੱਖ ਦੇਣ ਲਈ ਵਰਤਿਆ ਸੀ, ਅਤੇ ਮੈਂ ਬਹੁਤ ਹੀ ਰੋਈ।

Photo Caption: "ਮੁਸਕਰਾਓ ਅਤੇ ਸਾਰੇ ਪਾਸੇ ਦੁਨੀਆ ਨੂੰ ਰੌਸ਼ਨ ਕਰੋ"

ਫੋਟੋ ਡਾਊਨਲੋਡ ਕਰੋ