Дэлгэрэнгүй
Татаж авах Docx
Дэлгэрэнгүй уншаарай
Олон бясалгагчид, олон йогч нар ууланд, ойд эсвлэ хүйтэн Гималайн уулст ямар ч байшингүй, юу ч үгүй ганцаар байхыг сонгодог. Туммо (дотоодын гал) дулаанаар юм уу сэтгэл зүйн хүчээрээ үүнийг зохицуулах эсвэл өөрсдийгөө хэрхэн харж хандахаа мэддэг. Эрэгтэйчүүдийн хувьд энэ нь илүү хялбар, харин эмэгтэйчүүдэд санал болгохгүй. Хатуу амьдрал. Эмэгтэйчүүд илүү эмзэг, эрсдэлд өртөх магадлал өндөр.Энэтхэгт ганцаараа явж байхдаа би үүнийг олонтоо мэдэрсэн. Эрсдэлтэй байсан шүү. Олон удаа би эрсдэлтэй нөхцөл байдалтай тулгарч байсан. Азаар Бурхан намайг дэндүү “тэнэг” гэж бодоод намайг харж хандах ёстой болсон. Би хэлгүй, сохор, дүлий байж, Бурханд дэндүү гүн дурлаж, дэлхий дэндүү ихээр өрөвдөж байсан болохоор Энэтхэг рүү ганцаар явахдаа итгэл бишрэлдээ найдсан. Огтхон ч аюулгүй биш. Та нар битгий тэгээрэй, гуйя. Мөн аглагт ганцаараа амьдарвал, зөвхөн Бурхан л байдаг, зөвхөн Бурханд л найдахаас өөр аргагүй. Хаа ч юу ч аюулгүй биш, ойд ганцаараа, хүйтэнд энэ тэр байх талаар ярилтгүй.Би маш жижигхэн, эмзэг бөгөөд халуун орны цустай төрсөн болохоор хүйтэн улс оронд төрж, өссөн хүмүүстэй харьцуулахад би илүү даардаг. Хэсэг хугацааны дараа үүндээ дасчихдаг ч хэзээ ч битгий эрсдэл гарга. Гэрээс тань энэ нь өөр. Арын тань талбай ойн хэсгээс тань өөр. Гэвч надад бас нэг их сонголт байдаггүй. Төвлөрөхийн тулд, боломж гарах бүрд бясалгахын тулд, илүү энгийн амьдарч, юмсыг хийж, Бурханы Тааллыг гүйцэлдүүлж, Бурханы зорилгыг хэрэгжүүлэхэд илүү хүчтэй байхын тулд сонголтгүй. Бусдаар бол би бас илүү аюулгүй газрыг илүүд үзнэ, эсвэл ашрамд очиж, тэнд ажил хийж бас та нартай уулзана. Одоохондоо бол хөтөлбөр тийм биш байна. Өөр өөр цаг үед би хийх ёстой зүйлсээ хийх ёстой. Яг л гэрээсээ ажиллаж байгаа хүмүүс шиг.За би зүгээр л та бүхэнтэй ялалтын баяр хөөрийг хуваалцахыг хүссэн юм. Хэрэв надад хэлэхийг зөвшөөрвөл та нартай хуваалцах олон ялалт байгаасай гэж хүсэж байна. Олон зүйлийг хэлэхийг надад зөвшөөрдөггүй. Мөн олон зүйл та бүхэнд хамаагүй байх юм уу санааг тань хэт их зовоох хэрэггүй байдаг. Эсвэл дэндүү эрт хэт их найдвар төрүүлдэггүй. Тиймээс би та нарт бүгдийг нь хэлж чадахгүй нь. Гэхдээ мэдэх хэрэгтэйг нь, хэрхэн үйлдвэл зохилтойг хангалттай хэлдэг. Иймд намайг уучлаарай.Өө, зүүн чих хэт чанга байгаа тохиолдолд зүгээр л алгаа дараад гүн амьсгаа ав, аль болох гүн аваарай, тэгээд орсон газар нь түгжээрэй, мөн амаа ангайж хацраа бөмбийтөл аль болох их агаар аваад алгаа, зүүн алгаараа зүүн чихэн дээрээ чанга дараарай. Амьсгаагаа гаргахаас өөр аргагүй болтлоо барьж байгаад гаргаарай. Ийм байдлаар хэд хэдэн удаа давт, эсвэл нэг удаа байсан ч болно.Тэгвэл зүүн чихний асуудал тарьж буй чимээ алга болно. Одоо хэлснийг минь ойлгов уу? Зүүн алгаараа зүүн чихэн дээрээ чанга дар, тэгвэл гаднын юу ч сонсогдохгүй, зөвхөн бүүм, бүүм, бүүм гэх чимээ л чихэндээ сонсоно. Амьсгаагаа гаргасныхаа дараа алгаа суллаарай. Зүүн алгаа, гарынхаа дотор алгыг дарна,_ гаднах ястай хэсэг нь биш, дотор алгаараа зүүн чихэн дэрээ чанга дараад амьсгаа авсан чигээр нь байлгана. Тэгээд амьсгаагаа гаргаад алгаа суллана. Тэгвэл тэр үймүүлэгч чимээ алга болно. Зүүн чихэнд саад болж буй чимээ хэзээ ч сайн байхгүй. Алга болсон үед нь та нар алгаараа дахин тэгж дарах шаардлагагүй. Гэхдээ юмыг яаж мэдэх вэ, баталгаажуулж ахиад хэд хэдэн удаа давтаж болох юм, тэгээд дараа нь давтах хэрэггүй. Та нар зүүн болон баруун алгаа хоёуланг нь нэгэн зэрэг хоёр чихэн дээрээ дараад, амьсгалтайгаа зэрэг суллаж болно. Энийг би сая та нарт хэлье гэж саналаа - зарим шинэ хүмүүст. Маш гүн амьсгалаад амьсгаагаа бариарай. Амаараа бас давхар амьсгаа авч, аль болох их агаар оруулан бүр хацраа бөмбийлгөөд, эсвэл тэгэхгүй байсан ч болно, тэгээд хоёр алгаараа хоёр чихэн дээрээ маш чанга дарж, амсгаагаа гаргахдаа зэрэг суллаарай. Амьсгаагаа их удаан түгжсэний дараа эцэст нь амьсгаагаа гаргаж байхдаа хоёр алгаа суллаарай. Зөвхөн зүүнийг нь биш.Гэвч хэт завгүй үедээ олон удаа хийх цаг завгүй бол зүгээр сууж байгаад амьсгалаа аваад зөвхөн зүүн гараараа дарахад бас болно. Тэгээд дараа нь баруун чихээрээ гар утас энэ тэрээ ашиглах юм уу эсвэл юмс бичиж болно. Заримдаа би тэгдэг. Хэт завгүй байвал би зүүн гараараа өөр юмс хийж, хөлөөрөө бас өөр зүйлс хийдэг. Эсвэл нэг л гараа ашиглан халбагаар хоолоо иднэ, тэр үедээ нөгөө гараараа ажиллаж байдаг. Супер!Хааяа нэг, гүн амьсгаа авдаг. Санаарай. Тэгээд заримдаа цэвэр агаарт алхаарай. Хэт хол явах хэрэггүй, майхнаасаа юм уу дулаан газраас гарахаасаа өмнө дулаан хувцаслах хэрэгтэй.Өөр нэг зүйл гэвэл шөнөөр халаагуураа асааж орхих хэрэггүй, үнэхээр сайн зохицуулж, жишээ нь майхныхаа зөвхөн төрөн хаалгыг хааж задгай агаар орж ирэхээр байлгавал хамаагүй. Харин майхны гадна тал зөөлөн, тунгалаг гялгар хулдаас юм уу даавуугаар халхлагдсан байх хэрэгтэй. Энэ бол үнэхээр эрх чөлөөтэй амьдрал, гэвч та нар өөрсдийгөө сайн харж хандах хэрэгтэй. Шөнөөр халаагуураа унтраах юм уу сэрүүлэг тавиарай, тэгж байж өөрийгөө хэт гүн унтсан эсэхээ, эсвэл хэт гүн бясалгасан эсэхээ шалгаж болно, бас майхны тань дотор тал, эсвэл өрөө тань хэт халахаас сэргийлэх юм. Сэрээд унтраах юм уу, градусыг нь багасгах ч юм уу сэрүүлэг тавиарай.Үргэлж дулаан хөнжил, халдаг уут байлгаарай, учир нь халаагуур заримдаа хэт халж, сайн хянах боломжгүй байдаг. Хэрэв унтраачихвал, эсвэл хэт бага дээр нь тавьчихвал биеэ өөр аргаар дулаацуулах ёстой болно. Халдаг уут байхгүй бол зүгээр л шилэнд халуун ус хийж, сайтар чангалаад, жижиг алчуураар ороогоорой, гараа арчдаг алчуураар, нүүрээ арчдаг дөрвөлжин алчуур биш, илүү урт, магадгүй 40 см урттай, нимгэн алчуураар орооно. Эсвэл гал тогооны алчуур их зүгээр, ойролцоогоор 40, 50 см урттай, 30 см өргөнтэй. Тэр шилээ ороовол хэт халуун санагдахгүй. Арьсандаа бүү хүргээрэй, цамцныхаа гадна талд, унтдаг хэсэгтээ ойрхон, хоёр талдаа байршуулаарай. Зүгээр л бүлээн ус хийгээд тэгээд тавихад, та нарыг шөнөжин дулаан байлгана. Тэгээд өглөө нь тэр усаа уусан ч болно, бүлээнээрээ байх болно.Үнэндээ амьдрах олон арга бий, өрөөтэй байхаас арай л илүү хэцүү. Гэвч сайн зохион байгуулбал амьдрал тань сайхан. Талархалтай байгаарай. Би тэгж чадаж байгаадаа талархдаг. Заримдаа боломжгүй байдаг. Зарим нөхцөл байдалд тэгэхийг зөвшөөрч, Бурхан хамгаалж байдаг. Бид өдөр бүр залбирч, Бурханд талархах учиртай. Хэрэв аз таарвал бид эрх чөлөөтэй, амар амгалан амьдрах боломжтой. Яг л 70 жил аглагт амьдарсан эмэгтэй болон 20 жил амьдарсан нөгөө эрэгтэй шиг.Нөгөө англи эр одоо ч тэгээд амьдарч байгаа, гэхдээ надаас тав тух муутай. Тэр хоёр дугуйтай тэрэгтэй, ердөө л модон дугуй. Үүнийгээ хаа явсан газраа чирч явдаг, яг л цэцэрлэгтээ тэрэг түрдэг шиг. Гэхдээ тэр тэргэн дээрээ хувцас энэ тэрээ тавьсан байдаг. Шөнөөр тэр тэргэн доороо, гялгар хучлагаар бүтээж, борооноос халхлаад унтана. Ай даа, үнэндээ би түүнийг яаж тэгж амьдардгийг мэдэхгүй. Энэ нь аюулгүй эсэхийг, бороо нэвтэрдэггүй эсэхийг ч мэдэхгүй юм. Хангалттай аюулгүй харагддаггүй ч, аадар бороо орж байгаа үед тэр хаа сайгүй халхалдаг байх. Тэр майхан худалдаж аваад тэргэн дээрээ тавьчих хэрэгтэй, тэрэгнийхээ хажууд тавьсан ч болно. Тэгвэл гайхалтай.За өнөөдөр хангалттай ярилаа. Би та бүхэнд эдгээрийг хэлэхдээ баяртай байна. Хэд хоногийн өмнө хэлэхийг хүссэн ч хэтэрхий завгүй, дэндүү завгүй байлаа. Өнөөдөр би шууд л эхлээд бүх ажлаа хойшлуулж, та бүхэнтэй ярилцсан тул одоо ажилдаа орох ёстой. Одоо шөнө орой болжээ. Гэсэн ч би ажиллаж чадна. Бурхан бид бүгдийг ивээн, хамгаалж, мөнхөд хайрлах болтугай. Амен. Хайртай шүү, залуус аа. Бурхан та нарт хайртай. Би та нартаа хайртай шүү.
