Амар амгаланг алдуулагч ертөнцийг ялсан ялалт, лекцийн 11-ын 10-р хэсгийг

Би өөрийгөө илүү азтай, хуучны хаадаас, эртний хаадаас илүү хүчтэй гэж боддог, учир нь эрт дээр үед хаадад интернэт байгаагүй, утас байгаагүй, дэлхийд болон эх оронд нь эсвэл бүр нийслэл хотод нь юу болж буйг ч мэддэггүй байсан. Тэдэнд мэдээлэл хүрэх гэж их хугацаа ордог байв. Орчин үед бол интернэт асаагаад хэсэгхэн хайхад л харахыг хүссэн бүх мэдээлэл байж байдаг. Олон нарийн бичгүүд ч шаардлагагүй, олон тайган ч хэрэггүй, юмс хийлгэх олон хамгаалагч ч шаардлагагүй. Бүхнийг ганцаараа хийчихнэ. Хоолонд тань хор байгаа эсэхийг шалгахын тулд эхлээд амтлах тайган ч хэрэггүй. Тиймээс олон талаараа үнэхээр амгалан тайван.

Гэхдээ мэдээж би үргэлж болгоомжтой байж, санаа зовж, эргэн тойрноо сонсож, аюулгүй эсэхээ шалгаж байдаг. Гэвч нэг талаараа би жаргалтай байгаа. Хотод байхаас илүү хувийн орон зайтай байгаа. Харин Бурханы Тааллаар би явах ёстой болбол явна. Гэвч сонголт байвал үүрд үлдэх болно. Тэрнээс биш би та нарыг, Бурханы шавь нараа санаж байна, яагаад гэвэл та нар намайг маш их санаж, над руу хайр илгээж, миний төлөө залбирч буйг би бүгдийг нь мэдэрдэг. Энэ бүхнийг хүлээн авдаг. Энэ нь намайг та нарыг илүү санахад хүргэдэг, материаллаг байдлаар гэх гэсэн юм, манай дэлхийд хүмүүний байдлаар. Бусдаар бол сүнсээрээ бид үргэлж ойр, хамт байдаг, хэзээ ч хол байдаггүй.

Гэвч материаллаг байдлаар бид сэтгэл хөдлөлтэй, уйтгар гунигтай, аз жаргалтай, айдас хүйдэс, гуниг зовлон, өрөвдөх сэтгэлтэй төрдөг. Тиймээс бидний сэтгэл санаа заримдаа үүний дагуу байдаг. Би эдгээрээ хянахыг хүсдэггүй. Яагаад гээч? Би яах гэж тэнд суугаад сэтгэл хөдлөлөө хянах ёстой гэж? Та нарыг санаж байвал санаг. Би нохой(-хүмүүсээ) маш их санадаг, шувуу(-хүмүүсээ) маш их санадаг. Үүнийг хянахыг хүсэхгүй байна. Би зүгээр л ажлаа хийхэд энэ нь алга болдог ч, би санаатайгаар хянадаг гэсэн үг биш. Мэдээж би хэт их санахыг хүсдэггүй, яагаад гэвэл би Суприм Мастер Телевизийн ажлаа хийхэд төвлөрөх ёстой. Олон нэвтрүүлгүүдийг би өдөр болгон шалгаж, хянах ёстой болж бас нэмж, устгаж, өөрчлөх гэх мэт шаардлага гардаг. Би тусалдаг.

Та нарыг бас санадаг, бүгдийг тань, авшигтнуудаа, номын ах эгч нараа маш их санадаг. Та нарт би үнэхээр их хайртай. Надад цаг гарах болгонд, мөн та нарыг дурсах бүрдээ би үнэхээр их санаж, хамтдаа ахиад цагийг, зугаатай мөчийг өнгөрүүлж, утгагүй юмс ярьж, хамт хооллож, зүгээр л хамт байж, нэгэнтэйгээ ойрхон, нэг дор буйгаа мэдэж, яг нэг нэгнээ харахгүй ч хамт байж, гэр бүлийн халуун дулаан мэдрэмжийг мэдрэхийг хүсдэг, ийм хайр энэ дэлхийд тун ховор, маш ховор. Бидний нэгнээ гэх ийм төрлийн хайр тун ховор. Үнэхээр нандин, би бол эрхэмлэдэг, бид хамт байсан бүх цаг мөчөө би нандигнадаг. Та нарын төлөө, хайртай бүхний тань төлөө, мөн дэлхийн төлөө ажиллаасаар байхын тулд би та нарын хайрыг зүрхэндээ

хадгалдаг. Мэдээж надад зарим тийм хайрын мэдрэмж хэрэгтэй. Надад та нар хэрэггүй гэж та нарын хайр хэрэггүй гэж хэлж чадахгүй - үгүй, хэрэгтэй байдаг юм. Би асууж хүсдэггүй ч, тийм хайр байдаг ба надад үнэхээр хэрэгтэй мэт санагддаг. Энэ нь надад хүнд бэрх ажлаа, дотоод болон гадаад ажлаа үргэлжлүүлэхэд тусалдаг. Надад илүү цаг хугацаа байсан ч болоосой. Орхиод явах илүү сонголт, эрх чөлөө байсан ч болоосой. Гэвч одоогоор бол бид үүндээ сэтгэл хангалуун байх ёстой. Бурхан бас намайг хараахан гарахыг хүсэхгүй байгаа. Би илүү сайн туслахын тулд өөрийн хүч, энергиэ илүүтэй сэргээж, буцаан олж авахын тулд би илүү төвлөрөх шаардлагатай байгаа, үгүй бол би аль эрт живээд, үхчихсэн байх байсан.

Би шинэ зүйлс олж мэдсэн, дэлхийн юмсыг зохицуулах мөн өөрийгөө харж хандах шинэ сүнслэг аргуудыг олж мэдсэн, Сүнслэг Тойргууд гэх мэт зүйл байдгийг олж нээсэн. Өмнө нь Сүнслэг Адислалт Шулуун болон бусад зүйлс байдгийг мэдэж байсан. Энэ шинэ нээлт нь Сүнслэг Тойргууд ба үүнээс би нэмж асар их хүч татах боломжтой. Та нарт зориулагдаагүй учраас та нар боломжгүй. Бурхан зөвшөөрөхгүй. Би та нарт өгөхийг хүслээ ч боломжгүй. Энэ нь зөвхөн надад ажлаа хийхэд минь зориулагдсан, би баян эсвэл Херкулес ч юм уу болоход зориулагдаагүй. Надад ажлаа хийхэд илүү сүнслэг хүч хэрэгтэй.

Удирдагч байна гэдэг боол байхыг хэлдэг. Хүн бүрийн төлөө ажиллах ёстой болно. Би хүн бүрийг харж ханддаг. Бизнес хүртэл уналт босолттой байдаг бөгөөд миний амар амгалан байдалд асуудал тарьдаг. Гэхдээ зүгээр ээ. Зохицуулж болохуйц. Би бол супер эмэгтэй, санаж байгаа биз дээ? Би өөртөө сануулаад л байдаг. Та нар санах эсэх нь хамаагүй би тийм байх ёстой. Би хийх ёстой.

Би эрүүл байгаа, санаа зоволтгүй. Магадгүй хаа нэгтээ жаахан юм нээж орхисноос болоод, эсвэл хүйтэн газар хэт удаан сууснаас болж, эсвэл халаагуураа хангалттай асаагүйгээс болж заримдаа ханиалгадаг. Гэвч орчин үед үнэхээр амар болж. Японоос ирдэг хэдэн халдаг уут байхад л дулаан байх боломжтой. Спорт эдлэлийн дэлгэрүүдээс авч болох байх. Тэд надад ихээр нь авч өгсөн ч урьд нь ашиглаж байгаагүй, одоо бол би маш их талархаж

байгаа. Биеийн тань хаа нэгтээ өвдөж байвал тэр дулаан уутыг тэр газраа наахад, хэсэг хугацааны дараа өвдөлт нь намжина.

Хэрэв та нарт дээр нь хэвтэх цахилгаан дэр, хөнжил байхгүй бол тийм халдаг уутыг ашиглаарай, жижигхэн уутанд савласан байдгийг нь. Тэгээд хэсэг сэгсэрч байгаад нээж бие дээрээ тавиарай, гэхдээ арьсан дээрээ биш шүү. Эхлээд алчуур юм уу тавих хэрэгтэй, эсвэл дотуур хувцсан дээрээ ч юм уу жаахан даавуугаар ороож байгаад өвдөж байгаа газраа тавиарай. Арьсан дээрээ шууд тавих хэрэггүй. Загатнаж эсвэл арьсыг тань түлж мэднэ, хэт халуун. Бид үнэхээр их адислалтай, орчин үед маш их ая тухтай зүйлс байдаг болж. Тиймээс аглагт амьдарч байгаагаа би маш азтайд боддог.

Би бас нэг хүн маш энгийн байранд, энгийн нэг өөрөө барьсан урцанд ганцаараа амьдарч байгааг харсан, өөр олон байрыг өөр өөр барьсан байдаг. Нэг англи хүн бас аглагт ганцаараа амьдардаг. Тэр ийш тийш хоёр залуу морь- болон хоёр нохой- хүмүүстэй хамт явдаг ч, түүнд хоёр дугуйтай жижиг тэрэг бий. Тэр нийтлэлийг хуулбарыг нь би мэдээний бүлэгт илгээсэн байгаа, магадгүй тэд шалгаад та нарт үзүүлж болох байх, зүгээр л гэрэл зураг, эсвэл богинохон бичлэг.

Тэр англи хүн. Өндөр том биетэй. Настай хүн, магадгүй 50-тай эсвэл 50 гарсан. Тэр энэ амьдралаа юугаар ч солихгүй гэсэн. Нэг тэрэгтэй. Урьд нь гэрт нь байсан ч юм уу орны хүрээгээр өөрөө хийж, хоёр дугуй зоосон. Хаа явсан газраа тэр үүнийгээ авч явдаг. Шөнөөр тэр үүнийгээ хучаад доор нь унтдаг, бороо ус орохоос хамгаалсан хучилт хийдэг. Үнэхээр, маш зоригтой. Гэхдээ тэр нь хоосон, майхан шиг биш. Майхан шиг хамгаалалт болдоггүй.

Тэр майхан худалдаж аваад тэргээ бүхэлд нь бүрэх хэрэгтэй, ядаж л шөнөөр, тэгээд майхандаа орж болно. Эсвэл майхнаа тэр тэргэн дээрээ барьж болно, тэргэн дээрээ хавтан тавиад, тэгээд майхнаа барьж болно. Майхан нь том байлаа ч илүү нарийхан болгож болно, минийх шиг. Аль аль талд нь эсвэл дөрвөн талд нь ийм жижигхэн багана босгож бэхэлж болно. Майхныхаа хоёр буланг аль аль талд нь уяхад болно тэгвэл майхан илүү нарийсаж, нэг хүн дотор нь аяны хөнжилтэй унтахад хангалттай, бас миний ярьсан халдаг багцтай унтахад хангалттай. Тэгвэл шөнө бүр Диваажин руу явж, бүрэн бүтэн эргээд ирнэ.

Үнэхээр амьдрахад их зүйл шаардлагагүй. Би хэдийнээ их зүйлтэй амьдардаг гэж боддог. Шалтгаан нь миний ажил л даа, үгүй боол би утсаа хаях байсан. Компьютероо болон бусад зүйлсээ бусдад өгчхөөд зүгээр л амьдарна. Эсвэл нэг жижиг машинтай ч юм уу үлдэнэ. Орчин үед хаанаас ч хоол худалдан авах боломжтой. Нэг газраа ч байх шаардлагагүй. Гэхдээ аюулгүй байгаарай. Намайг дуурайх хэрэггүй. Бас эрсдэлтэй шүү, зөвхөн амьтан(-хүмүүс) ч гэлтгүй хүмүүс бас аюултай. Ганцаараа байвал үнэхээр өөрийгөө харж хандах ёстой. Явуулын амьдрал бас сул талтай, гэвч орчин үед хавьгүй илүү таатай болсон. Зарим хүмүүс гэр бүлийн том машинд явуулын амьдарч, жаргалтай байхыг би харсан. Үнэхээр орчин үед юмс маш амар болж. Би ийм амьдрал мэддэг болсондоо баяртай байна.

Photo Caption: Том Жишээ Авч, Зүгээр л Өс, Тийм Том Байх Шаардлагагүй. Зүгээр л Өсөж Томроорой!s

Зураг татаж авах