Дэлгэрэнгүй
Татаж авах Docx
Дэлгэрэнгүй уншаарай
Эрхэм Дээдэс Ей Хаан бидний уулзалтыг ингээд хайр, адислал дүүрэн өндөрлүүлэх хүсэлтэйгээ илэрхийлэв. Эрхэм Дээдэс миний дэргэдээс явахыг хэзээ ч хүсдэггүй гэж айлдсан. Гэвч бидний хэн хэнд маань гүйцэлдүүлэх үүрэг бий. Дэлхийд хамаг анхаарлаа бүрэн төвлөрүүлэхийн зэрэгцээ энэхүү өндөр энергитэй орчинд байхын тулд ихээхэн хүч гаргасны дараа миний бие махбод амрах хэрэгтэйг Эрхэм Дээдэс нэвт харж байгаа. Тиймээс өдөр бүр намайг хүлээдэг өөр олон ажлаа хийхийн өмнө бага зэрэг амраасай хэмээн Эрхэм Дээдэс Хаан одоохондоо салах ёс гүйцэтгэхийг хүслээ. Ийм сайхан сэтгэл гаргасанд баярлалаа, Эрхэм ээ. Баярлалаа, баярлалаа. Бид өнөө өглөө арай эрт уулзсан бол хичээл зүтгэл минь бага ядраах байж дээ. Би энэ ертөнцөөс юу ч хүсдэггүй бөгөөд миний хүч чармайлтын энерги Танд болон Таны бараа бологсдод ямар нэгэн байдлаар саад болж, дарамт учруулахгүй байг. Хаан “Өө, үгүй, үгүй, үгүй. Бүх зүйл сайн, саадгүй, хөнгөн таатай байна.” гэлээ. Тэрээр богино хугацаанд айлчилж байгаа учраас энэ ертөнцийн юу ч Түүнд болон Түүний бараа бологсдод огт дарамт болж чадахгүй. Түүний болон бараа бологсдынх нь хүч энэ ертөнцийн сөрөг хүчний аливаа таагүй нөлөөг зайлуулахад хангалттай. Өө, үүнийг сонсоод бид үнэхээр баяртай байна, Эрхэм Дээдэс ээ, үнэхээр баяртай байна. Нэгэн өдөр энэ дэлхийн төрөлтөн бүр ийм хүчтэй болж, эдүгээгээс өнө мөнхөд үзэсгэлэнтэй, гайхамшигтай, эрх чөлөөт амьдралаар амьдраасай. БУРХАН Танд бүх зүйлийн төлөө мөн Адислал, Хайраараа өнөөдрийн уулзалтыг болгоосонд баярлалаа. Танд болон Танай ард түмэнд хамгийн сайн сайхныг хүсье, Эрхэм ээ. Боломжтой бол жаахан удаан саатаж, энэхүү зовлон бэрхшээлт ертөнцийн хүмүүс, бүх төрөлтнийг адисална уу. Тэднийг дэвшүүлж, тайтгаруулан, нүд болон сэтгэл зүрхийг нь нээж, Гэрт нь хөтлөх илүү сайн зам яг өмнө нь байгааг харуулж болгооно уу. Гэр хаана ч байсан ялгаагүй, тэнд үргэлж баясал, аз жаргал, эрх чөлөө байдаг. Айлчлан ирсэнд баярлалаа, Эрхэм ээ. Энд хүрэлцэн ирсэн Таны бүх бараа бологсдод ч баярлалаа. Одоо бид салах ёс гүйцэтгэж байвч хэзээ ч тусдаа биш. Танд хайртай, Эрхэм ээ. Ей Хаан Танд хайртай. Энд хүрэлцэн ирсэн Таны бараа бологсод болон Бурханы баясалт Паи Орны бүх ард түмэнд хайртай. Өнөөдөр эцэст нь Ей Хаан болон Түүний ард түмэнтэй уулзсандаа би туйлын баяртай байна. Хаан болон Түүний ард түмэнтэй уулзахаас илүүтэй уулзалтыг хүлээж, горьдон, энергиэ нөөцлөх нь хамаагүй илүү их ядаргаатай байлаа. Ингээд эцэст нь бид уулзаж чадлаа. Санаа амран уужуу амьсгаа авч болно. Одоо надад жаахан амралт хэрэгтэй байна. Үнэнийг хэлэхэд би энэ уулзалтыг хийж чадна гэж бодоогүй. Өнөөдөр энх тайвны үйлийн үр, дэлхийн үйлийн үртэй хэдийн тэмцэж, туйлдаа хүртэл ядарсан байсан юм. БУРХАН намайг Паи Орны Хаантай ярилцаж чадахаар асар их адисалсанд би маш баяртай байна. БУРХАНЫГ санаж яваарай. Өөрийн оршихуйн бүхнээ БУРХАНД бүрэн даатгаарай. БУРХАНААР өөрийгөө хамгаалуулаарай. БУРХАНААР өөртөө туслуулаарай. БУРХАНЫ хүүхдүүдэд зохих амар тайван, чөлөөлөгдсөн амьдралаар амьдрахын тулд хийх ёстой бүхнийг та нар дотооддоо ч, гадна талдаа ч БУРХАНААР заалгаарай. Бүгд одоо сэрэх болтугай. Үндэстнүүдийн бүх удирдагчид аа, та нар юу ч золиослох шаардлагатай байсан, ердөө ард түмнээ л халамжлаарай. Дайн дахин бүү гарга, зөвхөн энх тайван, хайр, харилцан туслалцаа байг. Хүн, сайн хүн, Ертөнц даяар үлгэрлэх гэгээнтэн байхын тулд зөвхөн үүнийг хийхэд л болчихно. Хичээж байгаад тань баярлалаа. Би та нарт хайртай. Сайн, муу, буянтай, нүгэлтэй бүгдэд тань би хайртай. БУРХАН та бүхнийг мөнхөд адислан, тусалж, ӨӨРИЙН Хайрыг мэдрүүлж байг. Амен. Эрхэм Дээдэс Ей Хаан бидэн рүү эргэж харсны дараа би Түүнд “Гуйя, надад нэг тус болооч. Хүмүүст БУРХАНЫ нэрийн өмнөөс санаж, хэрэгжүүлж явах ямар нэгэн зүйл зааж өгнө үү.” гэж хэлсэн юм. Тэгэхэд Эрхэм Дээдэс Ей Хаан “Тэдний мэдэх ёстой бүхнийг Та хэдийн заасан.” гэв. Би “Баярлалаа, Хаантан минь. Гэвч гуйя, Та Өөрөө айлдвал өөр шүү дээ. Дэлхий дээр үүнийг ‘хоёр дахь хүний санал’ гэж нэрлэдэг юм. Тэдэнд ямар нэгэн зүйл айлдаж хайрлана уу. Тэдэнд юу тустай сайн болохыг хэлж, оюун ухаанд нь сайтар хоногшуулж өгнө үү, гуйя.” гэлээ. Тэгэхэд Ей Хаан бидэн рүү бүтэн эргэж, хэдхэн метрийн цаанаас хараад, “Үүнийг танай дэлхийн удирдагчдад зориулан хэлье: Юуны өмнө, энэ дэлхий дээрх ийм өндөр дээд, хүндтэй эрхэм байр сууринд томилогдсон та нар бол үнэхээр их хувьтай, бас эрхэм, нэр төртэй хүмүүс юм. Хоёрдугаарт, тийм учраас сайн удирдагч, эрхэм удирдагч, нэр төртэй удирдагч, одоо байгаагаасаа ч илүү сайн удирдагч болоорой. Учир нь та ард түмнээ зөвхөн тэргүүлэн залж, зөвхөн удирдан засаглаж байгаа хэрэг биш билээ. Та тэднийг зөв шударга зам руу хөтөлж, бие биедээ, хөрш орныхоо иргэдэд, мөн Бурханы тааллаар энэ гараг дээр амьдарч буй хамаг төрөлтөнд амгалан бөгөөд энэрэнгүй ханддаг болгон төлөвшүүлэх БУРХАНЫ үйл хэргийг гүйцэлдүүлж байгаа хэрэг юм. Гуравдугаарт, БУРХАНЫ Таалал хэмээн мэддэг бүхнээ хэрэгжүүл. Дайны үед ч, энхийн цагт ч ил далд аливаа аллагыг, ялангуяа өөрийн удам, мах цусны тасархай гэм зэмгүй үр ургаа хэвлийд нь хөнөөх явдлыг бүрмөсөн хал. Гараг дэлхийнхээ ямар ч төрөлтнийг алж хөнөөх явдлыг бүрмөсөн хал. Та нар мэдээж ойлгож байгаа. Дэлхий дээр амьтан-хүмүүсийг нядалдгаа хойшид зогсоо. Тэд та нарт тусалж, адислан, улам илүү мэдлэг, эв зохирол, нөхөрлөлийг соёрхохын тулд энд байгаа юм. Дараагийнх нь гэвэл бие биеийнхээ улс орон руу халдан довтлохоо зогсоож, хөрш орондоо амьдарч буй БУРХАНЫ хүүхдүүдийг харгис хүчээр дарангуйлахаа боль. Ард олноосоо тиймэрхүү зөв хандлага, сэтгэхүй хүлээхээсээ өмнө та нар өөрсдөө зөв шударга, энэрэнгүй, мэргэн удирдагчийн үлгэр дуурайл бол. БУРХАНЫГ шүтэж, удирдамж хүсэн, мөн сүнсээ гэтэлгэхийн төлөө БУРХАНД залбир. Хэрэв та нар энэ бүхнийг хийвэл одоогийнхоосоо илүү эрх мэдэл, илүү өндөр байр суурь хүртэнэ. Дэлхий дээрх Багш, Төгс Гэгээрсэн Их Багш Чин Хайг сонс. Тэгвэл та амьд буй төгс төрөлтөн болж, одоогийн байр сууриндаа ч, хойд насандаа ч үлгэр жишээ гэгээнтэн болно. Ард түмний удирдагчийн үүргээ биелүүлэх хичээл зүтгэлд тань хамгийн сайн сайхныг хүсье. БУРХАН та бүхнийг улам их адислах болтугай.” гэв. Тэгээд бид “Амен” гэлээ. Түүний бараа бологсод ч мөн “Амен” гэв. Үүний дараа Ей Хаан болон Түүний бараа бологсод алгаа хавсран, толгой бөхийн мэндчилээд биднээс алслан одлоо. Тэднийг явсны дараа ямар нэгэн зүйл дутагдах мэт бидэнд санагдсан. Гэвч яалтай билээ? Бид бүгд хийх ажилтай. Бид бүгд гүйцэтгэх үүрэгтэй. Бид тэдэнтэй хаа нэгтээ, хэзээ нэгэн цагт дахин дахин уулзана гэж найдаж байна. Photo Caption: “Хайр Татам бөгөөд Хайрлам Ач Тустай
