Дэлгэрэнгүй
Татаж авах Docx
Дэлгэрэнгүй уншаарай
Үнэндээ би тэгээд л тэр өдөр дуусаж, хатагтай Дийн түүх өндөрлөлөө гэж бодсон юм. Гэтэл тэр надтай ямар нэг байдлаар дахин холбогдсон. Тэгээд би түүнээс ийм амьдралдаа сэтгэл хангалуун, аз жаргалтай байдаг эсэхийг нь асуув. Тэр “Үгүй.” гэж хариулсан. Би гайхаад “Юунд нь сэтгэл дундуур байгаа юм бэ?” гэж асуухад Тэр “Амгүй болчихсон болохоор идэж чадахгүй байна.” гэсэн. Би “Өө, энэ мэдээж үнэхээр аймшигтай хэрэг, би ойлгож байна. Гэхдээ чиний хувьд ингээд явж, амьдарч, тэгээд ч болоогүй ийм жижигхэн биеэсээ ийм том гэрэл цацруулж чадаж байгаа нь үнэхээр гайхамшигтай. Яаж чаддагийг чинь мэдэхгүй юм. Надад хэлж өгч болох уу?” гэв. Анх түүнийг хараад би хэрхэн дуудахаа мэдэхгүй, “Өөрийн тань төрөл зүйлийн талаар би сайн мэдэхгүй л дээ. “Чи эр үү, эм үү?” гэж асуусан юм. Эхлээд тэр “Эр.” гэж хэлсэн болохоор би “Аан, эр юм байна.” гэж бодоод “Тэр (эр)” гэх мэтээр ярьж байлаа. Гэтэл дараа нь надад илүү олон үг тодорч сонсогдсон. Тэр “Эрчүүдийг уруу татагч” гэж хэлсэн. Ээ, Бурхан минь, ямар сонин үгээр өөрийгөө илэрхийлдэг юм бэ дээ. Тэр өөрийгөө эмэгчин гэдгийг арай хошин хэлбэрээр илэрхийлж байгаа нь тэр байх л даа, үнэхээр хошин мэдрэмжтэй юм. Тэр ийм сайхан мэдээг надад дуулгахаар тэгж их тэмүүлэн, өөрөө зорин ирсэн гэдэгт үнэхээр итгэж чадахгүй нь. Өөр нэг аалз ч бас ирсэн. Өдөр бүр л хэн нэгэн ирдэг юм. Харин өнөөдөр бол энх тайвны мэдээ, тайвшруулах үгсийг дамжуулахаар өт ирсэн анхны тохиолдол байлаа. “Чи энэ мэдээг хаанаас сонссон юм бэ? Надад хэлж өгөөч?” гэж би түүнээс асуусан. “Өө, дэлхийн хүмүүс энэ талаар маш их ярьж байна.” гэж хариулав. Тэр ингэж сонссон аж. “Чиний англи хэл үнэхээр сайн юм. Надад маш гайхалтай сэтгэгдэл төрлөө. Бас хошин шогийн мэдрэмж чинь их таалагдлаа.” гэж түүнд хэлсэн. “Энх тайвны үйлийн үр Танд үнэхээр хүнд байна.” “Өө, баярлалаа. Би мэднэ, мэднэ. Гэхдээ яалтай билээ? Яалтай ч билээ? Энэ дэлхий ийм л юм. Би хүмүүсийн төлөө энх тайвны үйлийн үрийг үүрэхээс татгалзахгүй. Гэвч тэдний төлөө юу ч, хэчнээн их зүйл хийсэн ч тэд үйлээс мултарч чадахгүй. Учир нь тэд... тэд миний хэлсэнд итгэдэггүй байх. Тиймээс миний санал болгож, зөвлөснийг дагадаггүй.” “Тэд Таны үгийг сонсдог ч зуршлаа тийм амархан хаяж чаддаггүй байх.” “Тийм ээ, чиний зөв. Энэ ч бас нэг шалтгаан гэдгийг би мэднэ. Хийх боломжтой зүйл байхад үнэхээр харамсалтай, дэндүү харамсалтай. Энх тайвны үйлийн үр, аллагын үйлийн үрээс сэргийлж болно. Гэвч ойрын үед тийм зүйл болох шинжгүй байна. Зарим хүн 2026 оныг дэлхий веган болох жил гэж хэлдэг. Хүн бүр веган болно гэдэг ч би тийм өргөн цар хүрээтэй өөрчлөлт олж хараагүй. Гэхдээ дэлхий веган амьдралын хэв маягийг улам бүр хүлээн зөвшөөрснөөр сайжирч, веган хүнс олноор үйлдвэрлэгдэн, хүмүүс боломжийн үнээр хялбархан авах болсон. Харин олон хүн худалдан авах тусам веган бизнес улам тэлнэ. Эрэлтийн дагуу нийлүүлэлт бий болно. Би энэ дэлхийг үнэхээр аврахыг хүсдэг учраас одоогийн байдлаар миний санаанд хүрээгүй л байна. Би хүмүүсийн сүнсийг аврахыг хүсдэг. Тэднийг зовлонгоос үүрд чөлөөлөгдөөсэй гэж хүсдэг. Гэхдээ би юу хийж чадах вэ? Хүмүүний ертөнцөд би бол ердөө л нэг жижигхэн эмэгтэй. Үйлийн үр намайг ажилтнууд, хүмүүс, хайртай амьтан-хүмүүсээс минь, мөн амьдрахад тухтай, амар байсан газраас минь салгасан. Тийм нэг орон гэртэй ч байж болохгүй. Өчүүхэн төдий хамгаалалт, аюулгүй байдлын асуудал хүртэл үргэлж эмзэг тогтворгүй байдаг. Би өөрийгөө ч бараг хамгаалах боломжгүй. Миний дэргэд буу, хутгатай, эсвэл кунфу мэддэг хүн байхгүй. Тиймээс чи идэж чадахгүйдээ гунигладаг ч олон тооны хүн олон зүйлээс болж гунигладаг. Харин би өөрийгөө энэ гаргийн хамгийн гунигтай хүн гэж боддог. Учир нь миний харж буй олон зүйлс буруу байна. Үнэхээр харгислал, догшин авир, зэрлэг балмад үйлдлээс ч хол давсан зүйлс. Зүгээр л... Уй гашууд зүрх зүсэгддэг байсан бол миний зүрх зүсэгдчихсэн. Харагдахгүй л болохоос олон удаа эмтэрч зүсэгдсэн. Энэ дэлхийг тэсвэрлэнэ гэдэг маш хэцүү. Гэхдээ чам шиг даруухан, өчүүхэн шавж буюу цох үйлийн үрийн талаар ийм ихийг мэддэгийг чинь би биширч, бүр цочирдож байна. Чи энэ бүхнийг яаж мэддэг юм бэ? Энэ зүйлийг зөвхөн би л мэднэ гэж боддог. Хүмүүс ч мэддэг л дээ. Гэхдээ энх тайвны үйлийн үр надад, миний ажил, амьдрал, аз жаргал, амар амгалан гээд энэ бүхэнд хэр гүн нөлөөлдгийг мэдэхгүй байх. Тийм байхад чи энэ тухай яаж мэддэг юм бэ? Чиний амьдрал богино, хэрэгцээ чинь ч бүрэн хангагддаггүй. Энх тайвны үйлийн үр надад хүнд гэдгийг яаж мэдэв? Чи яаж мэдсэн юм бэ? Надад хэлж өгч болох уу?” “Хүмүүс бие биедээ болон бусад төрөлтөнд там шиг харгис ханддаг нь сайхан биш.” “Хөөх, чиний англи хэл үнэхээр сайн. Мэдлэг, гүн ухаан, билиг ухаан чинь үнэхээр гайхамшигтай юм аа.” Тэр цааш нь “Хүмүүс бараг л дэлхийг аварч, аюулгүй байлгаж чадаагүй.” гэлээ. “Тийм ээ, чиний зөв. Чиний зөв. Чи үүнийг маш зөөлөн, эелдгээр хэллээ. Харин үүний эсрэгээр нь үйлдэж, хүмүүсийг болон энэ дэлхийг аварч, бие биедээ туслах амархан. БУРХАН маш элбэг дэлбэгээр хангадаг тул бид зөвхөн өөрсдийнхөө дэлхийг төдийгүй олон дэлхийг ч тэжээх боломжтой. Хэрэв бүгд биеэ зөв авч явж, бие биеэ хайрладаг бол дэлхий дээр Диваажинг цогцлоох маш амархан. Тийм биз дээ, Ди?” “Тийм ээ, би ч бас тэгж бодож байна.” Тэр ингэж хэлсэн. “Надад хэл дээ, чи яаж ийм цэцэн мэргэн болсон юм бэ? Ямар сургуульд сурсан бэ? Манай ертөнцөд бид тодорхой мэдлэг эзэмшиж, гэрчилгээ аваад, ажилтай болж, нийгэмд хүндлүүлэхийн тулд сургууль, коллеж, их сургуульд сурдаг. Чи ямар сургуульд сурсан бэ? Дөнгөж сая илэрхийлсэн шигээ ийм билиг ухаан, гүн ухааныг хэрхэн эзэмшсэн юм бэ? Бидэнд хэлж өгч болох уу?” “Тийм ээ, хэлж чадна.” “Та бол Билиг Ухааны Их Багш бөгөөд маш олон шавь, дагагч нартай. Гэхдээ Та залуу биш болсон.” “Үүгээрээ чи юу хэлэх гээ вэ? Би залуухан хэвээрээ шүү.” “Тийм болохоор сөрөг хүчийг ялах хангалттай хүч Танд байхгүй.” “За, маш их баярлалаа. Надад чи үүнээс илүү сайхныг хүссэн ч болоосой. Гэхдээ чи намайг баярлуулах гэж үнэнийг нуухгүй, чин сэтгэлээсээ үнэнч, шударгаар ярьж байгаад чинь би баяртай байна. Гэхдээ сая илэрхийлсэн бодолтой чинь бага зэрэг зөрөх нэг зүйлийг хэлж болох уу? Эерэг, сөрөг хүчний энэ тулаан бөхийн дэвжээ, боксын ринг шиг биш. Бид дотоод сүнслэг хүч, мэдлэг, билиг ухаан, мөн хүн төрөлхтөн болон хамаг төрөлтнийг энэрэх сэтгэлээр тэмцдэг. Бидний тэмцэх зорилго энэ. Бид зугаацах гэж, алдарших гэж, хайрлуулах, шүтүүлэх гэж тэмцдэггүй. Нас ахих тусам би өөрийгөө улам мэргэн болсныг мэдэрдэг. Зөв зүйлийн төлөө тэмцэж, там болон бусад доод ертөнцийн зовлонгоос сүнснүүдийг аврах зориг шийдвэр зүрхний минь гүнд улам батаждаг. Энэ зорилго намайг үргэлж урагш, дээш тэмүүлэхэд түлхдэг. Мэдээж бид ялна гэж найдаж байна. Там бол үнэхээр там. Тэнд орсон хэн бүхэнд зовлон нь дэндүү их, ялангуяа мөнхийн тамын хаалгаар орвол хэзээ ч гарч чадахгүй. Өөрөө тэнд байна гэж төсөөл дөө. Хүүхэд, нөхөр, эсвэл хайртай хүн чинь тамд унавал тэднийг аврахын тулд бүх хүчээ дайчлахгүй гэж үү? Ийм мөнхийн зовлонг хэн тэвчиж чадах билээ? Хэдхэн жил, бүр арван жил байсан ч аймшигтай. Хэрэв бидэнд зүрх сэтгэл, мэдрэмж, өрөвдөх сэтгэл, хайр, энэрэл байдаг бол тэднийг аврахын тулд чадах бүхнээ хийнэ. Тийм биз дээ? Тэгэхээр энэ тэмцэлд булчингийн хүч хэрэггүй тул нас хамаагүй. Би амьд, ухаан саруул хэвээрээ. Өдөр бүр найман цагаас ч илүү, заримдаа бараг өдөр, шөнөгүй ажилладаг. Маш бага унтаж, өчүүхэн амраад, таарснаа иддэг. Энд бид биеийн хүчний тухай яриагүй. Бид сүнслэг хүч, БУРХАН чанараас, бүх Бүтээлийн Эх Сурвалжаас, бүхий л Хайр, Амьдралын Эх Сурвалжаас ирэх хүчний тухай ярьж байна. Энэ бол сайн үйлсийн төлөө, ноомой, сул дорой, харанхуй мунхаг хүмүүсийг аврахын тулд нөхцөл болзолгүйгээр өөрийгөө золиослох хүч. Тэд БУРХАНЫ Хайр, Билиг Ухаантай төрсөн ч нүдийг нь боож, гар хөлийг нь хүлээд, сэл гэж далайд шидсэнтэй адил. Бусад ямар ч төрөлтөн хэчнээн өрөвдөлтэй байхыг төсөөл дөө.” Тиймээс би үхэх гэж байсан ч, одоогийнхоосоо өтөлсөн ч тэдний төлөө тэмцсээр байна, тэгээд ялах болно. Одоо надад ингэж санагддаг. Photo Caption: “Нэгдмэл Хөрш/ Цэвэр Агаарын Дэмжлэг”
