Дэлгэрэнгүй
Татаж авах Docx
Дэлгэрэнгүй уншаарай
Бид энгийн амьдрах учиртай. Үйлийн үр бага байх тусмаа амьдрал тань илүү тухтай байна. Ачаа тээш бага байх тусам илүү дээш, илүү хол явах боломжтой. Ууланд авирч буй хүний хувьд мөн адил. Хэрэв тэр хэт их зүйл авч явбал авирч чадахгүй. Гэвч байнга нам дор газар шигдээтэй байхыг хүсвэл бас хамаагүй. Та нар ямар нэг зүйл хүсэхдээ маш хүчирхэг цахилгааны долгион бий болгодог. Бидний хүсэл зорилго хүчтэй байх тусам илүү хүчтэй энергийн талбайг бүтээнэ. Хэрэв тэр бодолдоо ахин дахин хүч нэмээд байвал энэ нь үнэхээр хүчирхэгжин нэг л өдөр биеллээ олдог. Эсвэл олон хүн бидэнтэй адилхан хүсэлтэй, бодолтой байвал бүр ч хурдан биеллээ олно. Хүмүүсийн юм уу бусад төрөлтнүүдийн бий болгосон бодол хангалттай хуримтлагдах үед биеждэг. Нэгэнт хэлбэр дүрсээ олбол сарниж үгүй болох хүртлээ хэсэг хугацаа, нэлээд хугацаа орно. Энэ нь үл үзэгдэх хүч рүүгээ буцах ёстой. Тийм л юм. Бид юмс хүсэж болохгүйдээ биш юм. Хүссэнээ хүсэх эрх чөлөөтэй. Гэвч юу л хүснэ эрт орой хэзээ нэгэн цагт биелнэ гэдгийг мэдэх хэрэгтэй. Тэгээд та өөртэйгөө адил зүйл хийсэн хүмүүстэй учирч... Жишээ нь бид зарим нэг муу юм бодвол, аяндаа л бидэн шиг муу хүмүүс ирж бидэнтэй нөхөрлөнө. Тэгэхээр таталцал нь улам бүр хүчирхэгжиж, бидний хүслийг эрчимжүүлж, улмаар бодит болдог, сайн ч бай, муу ч бай бидний хүссэн бүхэн биеждэг. Ямар нэг муу зүйл биеллээ олсон л бол уйлаад байх хэрэггүй. Тийм л юм. Учир нь та нарын хүссэн бүхнийг Диваажин ба Газар дэлхий өгөх болно. Сайн ч бай муу ч бай... Яагаад гэвэл та нар бол бурхан - хүссэн бүхнээ та нар авна. “Би зүгээр л зугаацан бодлоо” гэж болохгүй. Үгүй. Зүгээр л зугаацан бодож болохгүй! Энэ тухайгаа аяндаа л ахин дахин бодоод байдаг. Гурав, дөрөв, тав, зургаан удаа- тэгээд хэсэг хугацааны дараа аяндаа биеллээ олно. Нэгэнт биеллээ олбол бүх зүйл нурж, бүх зүйлс... Тэгээд бид хүсэхээ болих үед буцаахад хэт оройтсон байх болно. Тийм ээ, оройтно. Тийм учраас бодол, үг хэл, үйлдлээ ариун байлгах ёстой. Хэн нэгэн та нарыг хүчилж байгаадаа биш юм шүү. Тэгвэл үр дүн нь сайн байж, бид зовохгүй. Бусдаар бол бүх зүйл нүдэнд харагддаггүй. Бидэнд байгаа энэ бие хүртэл бидний өөрсдийн хүслээс болж оршин бий болсон. Эсвэл бид тодорхой багшийг хүсвэл бидний хүсэл түүнийг амьдралд маань авчирна. […] (Бид авшиг хүртэхээсээ өмнө алдаа гаргавал яах вэ? Тэгээд авшиг хүртээд үүнийг хэр муу байсныг, хэр хор хөнөөлтэй байсныг ойлгодог. Арьяабалын Аргаар бясалгаж дадуулбал энэ цэвэрлэгдэх болов уу?) Тийм ээ, цэвэрлэгдэнэ. (Эсвэл үйлийн үрийг нь хүртэх үү?) Үгүй, цэвэрлэгдэнэ. Гэвч заримдаа үүнийг арилгах хүртэл жаахан хугацаа ордог. Жишээ нь машин аль хэдийнээ газрын уруу өнхөрч байхад та нар эргүүлэхийг хүсвэл эхлээд доош буулгах хэрэгтэй. Хамгийн шилдэг жолооч байлаа ч, шилдэг зааварчилгааг радиогоор авч байлаа ч үүнийг зогсоох боломжгүй. Шууд буцаад өгсөх боломжгүй. Эхлээд доошоо өнхөрч буугаад дараа нь буцаад авирна. Зүгээр дээ. Ядаж л та одоо зүг чигээ мэдсэн. (Баярлалаа. Маш их баярлалаа.) Гэвч авшиг хүртэхээс өмнөх зарим муу үр дагаврыг Их Багш бас зохицуулдаг, Тэр чадахаар бол шүү дээ. Ямартай ч Их Багш чадахаар бол бүхнийг зохицуулдаг. Гэвч зарим зүйлс амаргүй учраас зохицуулах боломжгүй. Энэ нь хэт олон хүн оролцуулах учраас зүгээр л болдгоор нь болгоод эргэсэн дээр. Тэгэхээр үйлийн үрээс хамаарна. Хэрэв Их Багш зохицуулаад цэвэрлээд өгч чадахаар бол тэгнэ. Хэрэв болохооргүй бол, болдгоор нь болгосон дээр бол Багш болгоод өнгөрөөнө. Гэсэн ч үр дагаврыг нь хамгийн бага байхаар зохицуулж, тосолж, та нарыг хэт их зовохооргүй болгодог. Гэхдээ та нар үнэхээр эргэж, зүгээ өөрчлөхийг хүссэн тохиолдолд л тэгдэг. Хэрэв үгүй бол хүссэн газар руугаа яв. (Баярлалаа. Энд байгаа бүгдэд туслах гэж цаг хугацаагаа зориулж байгаад баярлалаа.) Зүгээр дээ. Зүгээр. Энэ бол миний ажил. Гэртээ үлдвэл тайван байх боломжгүй байсан учраас ирлээ. Би үнэнээ хэлэх ёстой. Олон зуун хүн намайг ийш нь татаад байхад яах вэ? Гадаад оронд л биш бол үүнийг тэсэх амаргүй. (Багш аа, надад бясалгалын асуудал байна. Зүүн чихэн дээр нэг төрлийн аялгуу намайг их үймүүлэх юм. Бясалгалын үеэр ч, бясалгаагүй байхад ч ингэдэг. Хэт их үйлийн үрээс болдог уу? Эсвэл үүнээс зайлсхийх юм уу багасгах ямар нэг шийдэл бий юу?) Та зүгээр л анхаарлаа илүүтэй баруун чих рүүгээ төвлөрүүл. Зүүн талаа бүү тоо. Унтахдаа баруун талаараа унт. Зүүн талаараа бүү унт, санах бүрдээ хэрэгжүүлээрэй. (За.) Зүгээр л анхаарлаа шилжүүлж, бүү тоо. Баруун тал руугаа анхаарлаа шилжүүлбэл зөв болно. (За. Баярлалаа.) Зүгээр ээ. Та нар унтахдаа зүүн тал руугаа хэт их харж унтаад байвал аялгуу бас зүүн тийш шилжинэ. Чихнээс болдоггүй. баруун ч юм уу зүүн чихнээс үнэндээ болдоггүй, бидний анхаарал л чихнээс, чихээр юмс сонсоод дадчихсан байдаг. Тиймээс хэзээ ч, юу ч сонссон анхаарал тань тийш шилждэг. Хэрэв та зүүн талаараа хэт их унтдаг бол аялгуу илүүтэй зүүн талаас ирнэ, учир нь тагласан үед зүүн талд аялгуу илүү чанга байдаг. Тиймээс анхаарал тань автоматаар илүү зүүн тал руугаа шилждэг. Тэгж л илүү чангардаг юм. Баруун тал руугаа шилжүүлэхийг хичээгээрэй. Зүүн талдаа сонсох бүрдээ анхаарлаа баруун тийш нь шилжүүл. Аялгуу нь баруун талд байх эсэх нь хамаагүй. Эсвэл ийш нь толгой орой руугаа шилжүүл. Тэгвэл тустай. (Баярлалаа.) Ахиад байна уу? Дууссан уу? (Тийм.) (Асуулт маань бас (дотоод Диваажингийн) Аялгууны бясалгалтай холбоотой. Лос Анжелест очиж байсан нэг Элч багш биднийг хүнтэй хамт байгаа үедээ (дотоод Диваажингийн) Аялгууны бясалгалаа хийхдээ илүү болгоомжтой байх ёстой гэж хэлсэн. Авшигтан бус хүмүүс ч гэлтгүй Сахилаа сайтар сахидаггүй авшигтнуудаас ч болгоомжлох ёстой гэсэн. Өөрсдийгөө бүтээн халхалж хамгаалах шаардлагатай.) Үгүй, нөмрөг хамгаалахгүй. (Тийм, Багш бичлэг дээр ингэж хэлж байхыг би сонсоогүй.) Үгүй, нөмрөг та нарыг хамгаалдаггүй. Харин хүмүүс... Арьяабалын бясалгалын үеэр илүү аюулгүй, тусдаа буй мэт санагддаг. (Тэгвэл нийтийн бясалгалын үеэр хамаагүй байх нь, зүгээр.) Хамаагүй, хамаагүй. (Баярлалаа.) Хэрэв хэн ч, ямар ч хүн ирэхгүй бол зүгээр. Зөвхөн танихгүй хүмүүс зочлон ирэх үед л тэд магадгүй таны юу хийж буйг их сониучирхаж мэднэ. Тэгвэл их зүйл тайлбарлах ёстой болно. Заримдаа тэд таныг сэгсэрч, цочоон самадигаас гаргаж мэднэ, тэгвэл тийм ч таатай байхгүй. (Хайрт Багш аа, эрхэм номын ах эгч нар аа, би Багшаас нэг асуулт асуух гэсэн юм. Авшгийн дараа бидний өмнөх төрлийн үйлийн үрийг Багш цэвэрлэж, зөвхөн энэ төрлийн үйлийн үр л үлддэг. Хэрэв авшигтан Гуравдугаар Түвшинд хүрвэл тэдний үйлийн үр цэвэрлэгдсэн гэсэн үг. Гэтэл Гурав ба түүнээс дээш Түвшнээс ирсэн хүмүүс үйлийн үрийн өвчин бас тусдаг гэж судраас уншиж байсан. Үүнд л жаахан толгой эргээд байна. Багш тайлбарлаад өгч болох болов уу. Гурав, Дөрөвдүгээр Түвшинд хүрсэн бол бидний үйлийн үр цэвэрлэгдсэн байх учиртай; тийм байхад энэ төрөлдөө яагаад үйлийн үрийн өвчин тусдаг юм бэ?) Та ямар судар уншсан юм? Гуравдугаар Түвшний хүмүүс үйлийн үртэй байдаг гэж та ямар судраас уншаа вэ? (Вималакирти Сударт бичсэн байдаг, жишээ нь Патриарх эхлээд өнгөрсөн үйлийн үрээ төлөх ёстой болсон. Тэгээд ойлгоогүй, би...) Гэхдээ Гуравдугаар Түвшин гэсэн үү? (Тийм.) Гуравдугаар Түвшин хүртэл гэсэн үү. Тэдгээр хүмүүс? Тэд яг таг тэгж хэлсэн үү? (Үгүй. Тэгээгүй.) Хэрэв бичигдээгүй бол зүгээр. Та утгагүй юм асуулаа. (За.) Та буруу уншиж ойлгочхоод надаас утгагүй зүйл асуух юм. (Хайрт Багш аа, тэгвэл бид Гуравдугаар Түвшинд хүрч давсны дараа үйлийн үрийн өвчнөөр зовох уу?) Үгүй. Гэхдээ та нар цааш бясалгах ёстой, Гуравдугаар Түвшин хангалтгүй. (За.) Та уншсан ч ойлгоогүй байна, тэгээд өөрөө бодлоо ээдрээтэй болгож. Тэр сударт Гуравдугаар Түвшин, Дөрөвдүгээр Түвшин гэж хэлээгүй, тийм үү? (Тийм.) Март даа, одоо та нар хөгширч, сүнслэг дадал бясалгалаа түргэсгэхийг хичээж, хэт их асуулт бүү асуу. Судрууд уншиж байхад эртний үг хэллэг нь ойлгоход бэрх болгодог. Тэгээд бас орчуулга байна, гурав, дөрөв, тав дахин орчуулсны дараа буруу болчихдог. Нэг хүн нь энд нэг зүйл буруу орчуулж, өөр нэг хүн хаа нэгтээ өөр нэг зүйл буруу орчуулчихна. Орчуулагч нар нь гэгээрээгүй байсан учраас тэр. Санскрит хэлнээс аулак (вьетнам) хэлэнд орчуулах үед ахиад өөр болчихдог. Тэгээд заримдаа аулак (вьетнам) лам нар ойлголгүй бүр хятад хэлнээс орчуулдаг. Тэд санскрит хэлнээс хятад руу орчуулж, дараа нь хятадаас аулак (вьетнам) хэл рүү орчуулна. Жишээ нь “самади” гэдэг үг санскрит үг бөгөөд “оюун төвлөрлийн хамгийн дээд төлөв” гэсэн утгатай. Хэн нэгэн үүнийг “Tam Muội” гэж орчуулсан. Өөр нэг нь “Tam Diệu” гэж орчуулсан. Гэвч тэд “Tam Muội” болон “Tam Diệu” гэж юу болохыг мэдээгүй. Тиймээс зүгээр л утгагүй “Tam muội, Tam Diệu, Tam bồ đề” гэж уншсан. Тэд огт юу ч ойлгоогүй! “Tam” гэдэг нь “Sam” гэсэн үг. “Samadhi” бол “Sam” биш. эсвэл “Three” биш, гэх мэт. Зарим хүмүүс үүнийг огт ойлголгүй “Tam Muội”-г “Гурав” гэж бичсэн. “Samadhi”, “самади”-г хятад хэлнээс орчуулахдаа “Xam-ma-đi” гэсэн. Хятадаар “Xam” гэдэг нь “гурав” гэсэн утгатай. Адилхан сонсогддог болохоор тэд “Xam-ma-đi” гэсэн. Тэгээд аулак (вьетнам) хүмүүс “Самади” гэж уншчихаад “Tam Muội” гэж орчуулса. “Tam” гэдэг нь “гурав” гэсэн үг биш, гэх мэт. Тэд нааш цааш нь орчуулсан. Үүнийг уншиж яах вэ? Зүгээр л Хатагтай Чин Хайн судрыг л унш, ойлгоход хялбар. Үйлийн үргүй болно гэдэг нь өнгөрсний үйлийн үргүй болохыг хэлдэг. Гэвч үйлийн үр бий болгомоор байвал байсаар байна. Гуравдугаар Түвшинд хүрвэл юу хүссэнээ хийж, ямар ч үйлийн үр хүртэхгүй гэсэн үг биш. Учир нь Гуравдугаар Түвшинд хүрвэл та нар аюулгүй, тэгвэл би “бясалгаж дадуулах шаардлагагүй.” гэнэ. Та бясалгаж дэвших ёстой, за юу, ах аа? Сурч болох маш их зүйл бий. Эцэст төгсгөл үгүй. (Хайрт Багш аа, үүнээс болоод би Танаас олж мэдсэн зүйлээ асуух гэсэн юм... Сударт Багш хэлэхдээ Гурваас ба түүнээс дээш Түвшинд бидний үйлийн үр цэвэрлэгддэг гэсэн. Тиймээс би тогтсон үйлийн үрээс ямар ч өвчлөл тусахгүй гэж бодож байлаа. Гэтэл хуучны судруудад яагаад тэгж бичсэнийг гайхаж байна. Тиймээс би олон хүнээс асууж...) Үгүй. Тэнд тэгж бичээгүй. (... энэ тухай асуухад тэд үйлийн үр өвчин байсаар байна гэсэн. Сүрьеэ гэх мэт тогтсон үйлийн үрийн өвчин тусах хэвээр.) Энэ бол өвчин, үйлийн үр биш. (За.) Бидний бие махбод өвдөж байгаа өвчин, гэхдээ өвчин болгон дандаа үйлийн үр байдаггүй. (Хайрт Багш аа, сүрьеэ ч юм уу хорт хавдар гэх мэт зарим өвчин үйлийн үрээс болдог уу?) Өвчин тусах нь бол хэвээрээ. Бие махбод тань хөгшрөх үед бид өвчилдөг. (За.) Эрүүл бус хоол идэх үед бид өвчилдөг. Агаар бохирдолтой байвал бид өвчилнө. Үйлийн үрийн шаардлагагүй. (За.) Будда хүртэл өвдсөн. Түүнд үйлийн үр байгаагүй гэсэн үг биш. Буддагийн гэдэс өвдөөд нас барсныг та мэдэхгүй юу? Би байнга л өвддөг. Надад ямар ч үйлийн үр байхгүй ч би байнга өвддөг. Үнэхээрийн төвөгтэй! Би зөвхөн веган хоолтой байж, өдөр бүр бясалгахыг л ойлгодог, тэгээд л гүйцээ. (За.) Иймхэн зүйлсийг хэрэгжүүлж чадахгүй юм. Энэ тэр зүйлийг ойлгох тухай ярина. Будда аль хэдийн 2700 жилийн өмнө нас барсан, гэсэн ч та тэнд суучхаад Түүнийг ухаж гаргах юм. Түүний бүх яс нь задарчихсан. Вималакирти хамаг төрөлтнүүдийн үйлийн үрийг авсан болохоор өвдсөн. Тэр, “Хамаг төрөлтнүүд өвчтэй байгаа болохоор би бас өвдөх ёстой.” гэж хэлдэг. Тэр ингэж хэлсэн байхад та ойлгохгүй юм. Үнэхээр амархан! Бурхан минь. Ийм ганц өгүүлбэр ойлгож чаддаггүй. Толгойг минь үймүүлэх гэж гурав дөрвөн судар ухаж гаргах яах гээ вэ? Photo Caption: “Дэлхийг Хамгаалах нь Өөрийгөө Хамгаалахтай Адил”
