Дэлгэрэнгүй
Татаж авах Docx
Дэлгэрэнгүй уншаарай
((Дотоод Диваажингийн) Аялгуу хийж байхдаа би заримдаа үүнийг зүүн талаас байна уу, эсвэл... сонсогдож байгааг ялгадаггүй.) Санаа зоволтгүй дээ. Тэгвэл дээрээс сонс, толгой дээрээс. (Тэгэхээр, ... ирж байгааг нь эхлээд мэдэх ёстой...) Мэдэх шаардлагагүй, бүү тоо, за юу? Зүгээр л сонс. (Зүгээр сонс.) Тийм. Та сүнсээрээ сонс, чихээрээ биш. (За, (дотоод Диваажингийн) Аялгуу үнэхээр сайхан ч зүүн талаас ирвэл жаахан айдаг.) Айх хэрэггүй дээ. Зүгээр. (Тэгвэл...) Би зүүн талаа битгий сонс гэдэг нь анхаарлаа зүүн тийш бүү хандуул гэсэн үг.Учир нь тархины зүүн тал... тархины зүүн тал тийм ч сайн биш гэсэн шинжлэх ухааны тайлан гарсныг та нар мэднэ. Ихэнх хүмүүс тархиныхаа зүүн талаар боддог ба улмаар тэнцвэргүй байдаг. Тийм учраас бид яг одоо баруун тал руугаа шилжих ёстой. (Дотоод Диваажингийн) Аялгуу баруун талаас орж ирснээр та нар авьяас чадвараа тэнцвэржүүлнэ. (Тэгвэл зүүн тал даа л анхаарал хандуулахгүй бол (дотоод Диваажингийн) Аялгуу зүгээр байх нь. Санаа зоволтгүй. Аяндаа ирнэ.) Тийм, тийм, тийм. (Аан за. Баярлалаа.) Зүүн талаас ирж байна гэж бодогдсон ч тоох хэрэггүй, энэ нь үнэн биш. Дэлхийн ихэнх хүмүүсийн адил таны хандлага илүү зүүн тал руугаа болоод л тэр. Тийм болохоор олон хүн тэнцвэргүй байдаг. (Маш их баярлалаа, Багш аа.)Бид баруун тархиа илүү ашиглах ёстой гэж эрдэмтэд бидэнд бас хэлдэг. Тэгэхээр үнэндээ бидний Арга бол үнэхээр шинжлэх ухаанч. Би бол шинжлэх ухаанд тийм сайн биш ч та нар илүү мэднэ. Би жаахан л сануулахад та нар санах болно, эсвэл ахиад судлаарай. Учир нь заримдаа хэт их шинжлэх ухааны тайлбар байвал амтаа алддаг. Тийм үү? (Тийм.) Та нар тэнд суучхаад эхнэрийнхээ хамрыг шулуун эсэхийг шинжилж, дунд нь хоёр нүх байгааг харж, нүд нь хүүхэн хараатай, хүүхэн хараа нь яаж бүтсэн юм бол гэж боддог? Дотор нь мах, нялцгай, зууралдсан зүйл. За тэгээд л гоо үзэсгэлэн үгүй болно. Хамар дотор нь заваан зүйл явж байдаг. Тийм, тэгээд л дуусаа. Тэгэхээр орчин цагт заримдаа хүмүүс манай Аргыг тун шинжлэх ухаанч байдлаар тайлбарлахыг хичээдэг. Тэр нь бас их сайн. Энэ нь шинжлэх ухааны хүмүүст илүүтэй хүрнэ. Тэр нь ч зүгээр, тэдэнд тустай. Гэвч тэд хэт энэ талбарт сургагдсан учраас тэдэнд л ийм шаардлагатай. Бусдаар бол бидний хувьд шинжлэх ухаанаар батлагдах эсэх нь хамаагүй. Зүгээр л сайхан санагддаг, энэ нь ач тустай, байнга болоод байдаг, бас ид шидийн бөгөөд үүнийг “нууцлаг” гэдэг. Нууцлаг төрлийн тээвэр, нууцлаг төрлийн туршлага, бас романтик, бас ер бусын ба бидний хувьд зүгээр.Гэвч шинжлэх ухаан нэмэртэй, Олж нээхэд... Хөөх, одоо маш олон эрдэмтэд “баяр баяслын цэг” гэх зүйл байдаг хэмээн олж нээсэн. Тархин дотор баяр баяслын цэг гэж байдаг ба бүр байршлыг нь тэд олсон байсан. Түүгээр бид хардаг юм. Урагшаа хардаг гэдэг ч үнэндээ бид нүдээ аниад дотогш хардаг. Учир нь тэр үед орон зай... урд гэж байхгүй, ард гэж байхгүй, хажуу тал гэж үгүй, зүүн тал, баруун тал гэж байхгүй. Зүгээр л дотоод орон зай, бидний дотоод орон бөгөөд бид дотогш хардаг. Тухайн үед бид “баяр баяслын” цэгээ эрж олохыг хичээх үедээ бид аз жаргал мэдэрдэг, бидний нэрлэдгээр бол Билгийн Мэлмий шүү дээ. Бид Билгийн Мэлмий гэдэг. Эрдэмтэд юу ч гэдэг билээ дээ... Их олон нэршилтэй: “Баяр баяслын цэг” гэх мэт өөр нэрстэй. “Билиг ухааны цэг”, “ой санамжийн төв”, гэх мэт төрөл бүрийн л нэршилтэй.Бидний хувьд бас ингэж батлагдах нь сайн, үгүй бол шаардлагагүй. Юу гээч, боловсрол багатай хүмүүс, жишээ нь тариачид ч юм уу энгийн амьдралтай уулын хүмүүс гайхалтай ахуй ойлголт хардаг. Эсвэл Хятад юм уу Ау Лак (Вьетнам) хүмүүс их багш гэгдэгчийг хараа ч үгүй, элч багшийг л харсан байдаг ба зарим нь үнэхээр ариун сэтгэлтэй учраас PhD энэ тэр зэрэгтэй та нараас илүү ахуй ойлголттой байдаг. Учир нь бид илүү суралцах тусмаа илүү ээдрээтэй болдог. Хотын хүмүүс бид бол үнэхээрийн ярвигтай төрөлтнүүд. Бидний хувьд төвлөрөх их хэцүү байдаг. Төвлөрөхөд мөнгө гараад ирнэ, “Өө” гээд л, эсвэл хөөрхөн охин гарч ирээд “Хөөх!” гэнэ. Буддагаас бусад төрөл бүрийн юмс гарч ирдэг. Гэвч энэ бүхэн өнгөрч, Будда гарч ирэх хүртэл бид улам бүр хичээсээр байх ёстой. Би дууслаа. Ингээд болсон уу? Та нарт хэлсэнчлэн эгэл ертөнцийн асуулт, бие махбодын асуулт, материаллаг асуулт л бүү асуу. Их бүү асуу. […](Сайн уу, Багш аа. Би асуулт асууж болох уу? Бясалгалаа хэрхэн тэнцвэржүүлэх тухай асуулт, эгэл ертөнцийн хариуцлагыг хэлсэн юм, учир нь Таны сургаал номлолын дагуу бол бид ямар нэг зүйл хийх бүрдээ чин сэтгэлээсээ хийх ёстой.) Тийм. (Бид ажилдаа хэт өөрсдийгөө зориулбал, юу л даа, өдөржин үүнийгээ бодож, бүр бясалгалын үеэр ч заримдаа ажлаа хийгээд байдаг.) Тийм ээ. Хэцүү. (Энэ бясалгалаа ажилтайгаа хэрхэн тэнцвэржүүлэх вэ?) Мэднэ ээ. Хичээх л хэрэгтэй. Өөр арга байхгүй. Хичээ. Хэсэг хугацааны дараа заримдаа болдог. Яг л сугалаа шиг. (Бид ажлынхаа сонирхлыг бууруулах уу, эсвэл бид ямар нэг...?) Бясалгалынхаа үеэр үү? (Тийм.) Үгүй, хэрэв ажилд тань том асуулт юм уу асуудал байвал мэдээж бясалгалынхаа үеэр та үүнийгээ хэсэг асууж, энэ тухай бодож болно. Эсвэл заримдаа асуух ч шаардлагагүй. Автоматаар болно. Заримдаа асуудал гарахад толгойн өвчин болж, хэрхэн шийдвэрлэхээ мэддэггүй, тиймээс би бол, “Өө хамаагүй, зүгээр март даа, би хэсэг бясалгах хэрэгтэй байна.” гэж хэлнэ. Тэгээд бясалгасны дараа, эсвэл бясалгалын үеэр шийдэл нь маш тодорхой орж ирдэг.(Тийм. гэхдээ ажил болгонд асуудал эцэс төгсгөлгүй байдаг. Хэзээ ч дуусахгүй.) Юу? (Ажилд үргэлж л байнга асуудал байдаг гэх гэсэн юм. Юу л даа...) Ажилд үргэлж асуудал байдаг аа? (Тийм.) Гэхдээ...(Үргэлж шийдэх зүйлс байдаг бөгөөд...) Тийм ээ, гэхдээ шийдэж чадахгүй үед бясалгалаар тань орж ирдэг. Санаатайгаар ч үйлддэггүй. За юу? Зүгээр л бясалгахыг хичээ, тэгвэл ирэх зүйл нь ирнэ. Хэрэв ирэхгүй бол ирэхгүй. Дэлхийг та мэднэ шүү дээ, шийдвэрлэгдээгүй мянга нэгэн асуудал байна. Тиймээс таных цорын ганц нь биш. Санаа зоволтгүй. Та энэ дэлхийн супермен биш шүү дээ. […]Их Багшид залбирахад үнэндээ ихэнхдээ биелэх эсэх нь өөрөөс тань хамаардаг. Их Багшаас биш. Тэр муу зүйлийг, эсвэл сайн зүйлийг та хүссэн эсэхээс үл хамааран биеллээ олно, учир нь залбирлын эзэн нь та өөрөө юм. Хүсэж байгаа хүн нь та. Мөн юу гээч, та бас Их Багш учраас тэр. Өөр ямар ч Их Багшийг бүү зэмлэ. Та өөрөө. Та юу хүсэж буйгаа мэднэ, билиг ухаан тань мэдэх ба та тийм зүйлийг туулахыг хүссэн учраас биелүүлж өгдөг. Магадгүй таны хувьд их л төлөөстэй туршлага байх ба, олон талаараа танаас өндөр төлөөс шаардах ч та тэгж хүнд замаар суралцахыг хүсвэл Их Багш тэгж сургана.Яагаад гэвэл Их Багш гэдэг тэнд суучхаад юу хийхийг тань хэлээд сууж байдаг дарангуйлагч биш. Харин та нарыг өсөж хөгжиж, өөрсдийгөө удирдаж, зөв цагтаа зөв сонголт хийдэг болоход тань л тусалдаг. Мөн заримдаа алдаагаар, заримдаа бэрхшээлээр гүйцэлдүүлж сурахад тань. Зүгээр дээ. Өөрөөс тань өөр таныг шүүх хэн ч байхгүй. Та, “За, энэ муу гэдгийг мэдэх ч би сул дорой байсан учраас үүнийг хүссэн. Өөрийнхөө хүслээ хянах хангалттай хүчтэй байгаагүй учраас би бүрэн хариуцлагаа хүлээнэ” гэдгээ л мэдэж байх хэрэгтэй. Ингээд гүйцээ. Дараагийн удаа ахиж бүү тэг, учир нь үүнийг муу гэдгийг аль хэдийн мэдсэн. Гэвч ямар нэг зүйл сайн гэдгийг мэдвэл, бас үнэхээр чин сэтгэлтэй байж, үүний төлөө бүрэн дүүрэн залбирч, тэр хүслийнхээ төлөө хэзээ ч бодлоо өөрчлөхгүй бол биеллээ олох болно.Гэвч заримдаа хугацаа ордог, яагаад гэвэл заримдаа хүссэн зүйлд тань бусад олон хүн оролцвол тэдний бодол санаа таны мессежийг ойлгож, таны хүсэлд зохицон нийцэх хүртэл хүлээх ёстой болно, тэд тийм ч хурдан зохицохгүй байх боломжтой ба эсвэл бүр огт зохицохгүй байж ч мэднэ. Бусад хүмүүсийн бодлыг өөрийнхөө хүсэлд нийцүүлэн өөрчилж чадахуйц хүчтэй эсэхээс тань хамаардаг. Тиймээс заримдаа хүсэл хурдан биеллээ олдог. Заримдаа аажмаар ирнэ, яагаад гэвэл хэмжээ хүрээнээс хамаардаг, хэчнээн хүн оролцсон, хүсэл тань биелэх нөхцөл байдал нь юу вэ гэдгээс хамаарна. Тийм байдаг. Гэвч та найз охинтой бол, тэр танд хайртай бол мөн та түүнтэй гэрлэхийг хүсдэг бол, бас тэр зөвшөөрөхөөр байвал, түүнд энэ санаагаа шингээж авах жаахан хугацаа өгч та хоёр ижил хүсэлтэй болбол хурдан биеллээ олох болно. Яагаад гэвэл үүнд хоёр хүн хамаарах бөгөөд хоёулаа бараг л адил хүсэлтэй байсан.Тийм учраас бүлгийн оролцоо болон бүлгийн ухамсар гайхамшиг бүтээнэ. Тийм учраас хүмүүс олуулаа хамт залбирахад Арьяабалын бясалгагч нар биш байлаа ч бодлоо нэгтгэн, хамтдаа чин сэтгэлээр залбирвал үйлчилдэг! Учир нь хүн бүр нэгэн зэрэг, адил зүйлийг хүсвэл үйлчилдэг юм. Эзэн Есүс хэлэхдээ “Хоёр ба түүнээс олон хүн миний нэрээр суувал би тэдэнтэй хамт байх болно.” гэсэн. “Хоёр” гэсэн нь ийм учиртай. Хоёр хүн нэг зүйлд санал нэгдвэл, эсвэл олон хүн нэг зүйлд санал нэгдвэл биеллээ олдог, үнэхээр тийм. Хэрэв тэд адилхан бодолтой, адилхан чин сэтгэлтэй, нэгдмэл байвал биеллээ олно. Гэхдээ хугацаа ордог. Зарим зүйлд хугацаа ордог. Хэрэв та (веган) бялуу хүсвэл залбирах ч юм уу шаардлагагүй, зүгээр л дэлгүүр ороод хараарай. Тэгвэл хурдан. (Баярлалаа, Танд.)Photo Caption: Олны Дундаас Онцгойрно, Яаж Гэдгийг Мэдэх Шаардлагагүй!
