Дэлгэрэнгүй
Татаж авах Docx
Дэлгэрэнгүй уншаарай
Таны хэр их мөнгөтэй чинь хамаагүй. Тэр аймшигт тамуудад та эрх чөлөөг худалдан авч чадахгүй. Та хэзээ ч гарч чадахгүй. […] Гол нь энэ бүхнийг, энэ бүх тамыг энэ гараг дээр болж буй бүх зүйлээс хамаагүй дор гэдгийг мэдэж байгаа учраас л намайг маш их шаналгаж байна. Уур амьсгалын өөрчлөлттэй тэмцэн, энэ бөмбөрцгийг, энэ үзэсгэлэнт дэлхийг там болгохгүйн тулд, бүр устаж үгүй болгохгүйн тулд бүхнийг хийх ёстой талаар ярих ч юм биш. Мөн таны үр хүүхэд, ач зээ, гуч нар энэ галд орох болно. Та аль хэдийн хөгширч, аль хэдийн адил зүйл амссан байлаа ч тамд үүнээс дор. […]
Дэлхийн хүндэт удирдагчид аа. Дайн та нарт зугаатай байдаг. Тийм ээ, яагаад үгүй гэж? Та нар энэ бүх дайтах тоглоомыг ТВ-ээр үзээд л аюулгүй нуувчиндаа, эсвэл сая, тэрбум долларынхоо орд харшид бие хамгаалагчид, хамгаалалтын албаныхнаа тойруулаад аюулгүй, тайван сууж байгаа. Тэр тасарч унасан толгой ямар та нарынх биш. Тэгэхээр юунд нь санаа зовох вэ? Ядуу зүдүү орны хүүхдийнх юм чинь. Амь үрэгдсэн тэр эр нөхөр таных биш юм чинь. Эхнэрээ үлдээгээд амь үрэгдсэн тэр хүн та биш юм чинь. Та нарын тушаалаар аюултай нүүр тулсан хөөрхий хэдэн цэрэг. Та нарт энэ бүхэн ердөө зугаа. Тэгчхээд та нар ням гарагт сүмд очиж, цуст мөнгөөрөө Бурханыг хахуульдаж болох юм шигээр маш олон санваартнуудад хялбархан гэгч нь мөнгө төлж, нүглээ наманчлахаар нүгэл чинь арилчихна гэж бодоогүй байлтай. Урьд шөнө нь бэлгийн дорд хүсэл тачаалаасаа болж бас нэг хүүхдийг багалзуурдаж боосон ч байж болзошгүй санваартны гарт цуст мөнгөө өгдөг.Та нар энэ бүхнийхээ төлөөсийг төлөх л болно. Диваажинд очих хувь тохиодог юм гэхэд Бурханд “Олон үрсийг чинь би хөнөөсөн.” гэж хэлэхэд хүрнэ. Та нар өөрсдийгөө ингэж амьдрах ёстой гэж бодож байна уу? Тэг л дээ, хэн ч та нарыг зогсоохгүй. Та нарт дайнд зориулж үрэн таран хийх, татвар төлөгчдийн бараг л хязгааргүй их мөнгө бий. Танай олон сая иргэн дараагийн аяга хоолондоо санаа зовж буйг та нар тоодоггүй, мөн зарим хүмүүс бензинийг хяналтдаа авч, үнийг нь тэнгэрт хадааж, тэсрэх бөмбөг, сум, боомилох зэвсэг гэх мэтийг үйлдвэрлэж буйн улмаас иргэд тань хэрхэн маргаашийнхаа шатахууны мөнгийг олох тухай бодож шаналж байгааг ч тоодоггүй. Та нарт энэ бүхэн ердөө зугаатай тоглоом. Гэтэл жинхэнэ эгэл хүмүүст зугаатай юм алга байна. Тэд та нарт мөнгө төлдөг. Бүр хэтэрхий их төлдөг. Гэтэл та нар тэр мөнгөөр нь, тэр эрх мэдлээр нь харин хүмүүсийг алж байна. Та нарын төлөө цаашид юу гэж залбирахаа би мэдэхгүй байна. Бурханаас та нарыг өршөөгөөч гэж гуйхдаа би ямар шалтгаан хэлэх ёстойгоо мэдэхгүй нь. Бурханаас та нарт өршөөл гуйх шалтаг надад үлдсэнгүй. Амьсгал хураасны чинь дараа та нарыг Диваажинд хүргээч гэж Бурханаас гуйх үг надад алга.Бурхан минь, та нарын тамд үзэх зүйлийг бодох төдийд дагжин чичирмээр авч та нарт учирлах аргагүй. Та нарын төлөө бид залбирч ч чадахгүй. Олон талаар даварч, эрх ямба эдэлсэн хүний төлөө Бурхан ямар ч шалтаг хүлээж авахгүй гэдгийг бид маш сайн мэддэг учраас ийм залбиралд биднээс үг гарахгүй. Хэмжээлшгүй баян байж, тэр бүх давуу талаа, улс орныхоо хамаг мөнгийг зөвхөн дайнд зориулсаар л байдаг. Хүмүүсийн орон гэрийг, хүүхдүүдийн бие махбодыг амьдаар нь хүртэл шатааж, эр нөхрүүдийг, эхнэрүүдийг, шатаадаг. Тэд нэгэн дээвэр дор үр хүүхэдтэйгээ амьдарч, тэднийгээ сургуульд нь хүргэж өгөн, ирээдүйг нь бүтээж, тэднийгээ цэцэрлэгт хүрээлэнд аваачиж, далай тэнгист сэлэхийг харан, жаргалтайяа хамт байх ёстой байсан. Та нарын дарангуйлал дор ийм боломжгүй болжээ.Доторх бүх зүйлтэйгээ шатаж, газрын хөрстэй тэгширсэн тэдгээр орон гэр та нарынх биш юм хойно. Маш олон тэсрэх бөмбөг суурилуулсан тэр талбай та нарын талбай биш юм хойно. Энэ бол бүхэл дэлхийтэй, хэрэгцээтэй хүн бүртэй хуваалцдаг хөөрхий тариаланчдын амин зуулгаа залгуулдаг газар нь. Тэд хэчнээн ихийг алдлаа ч та нарын гарз биш. Мина, тэсрэх бөмбөгөөр дүүрсэн талбай та нарынх биш. Тиймээс тариачин талбайгаа арчлахаар гараад шууд л хэдэн хэсэг болж хийсэх нь та нарт хамаагүй. Та нар тоох ч үгүй. Учир нь та нарт “цаг ямагт” хоол хүнс байдаг, хамгийн сайн бүхэн нь шүү! Та нар ингэж бодож байгаа л даа. Хэн мэдэх билээ. Хэрэв танай улсад дайн гарвал та нэг хохирогч нь ч болж магадгүй. Та нарыг хүлээж байгаа тамыг дурдах ч юм биш.Мөн өдөр бүр чөтгөрүүд та нарыг тоос шиг болтол чинь нүдэж балбана. Тэгээд үүнийгээ ахин дахин уйгагүй давтана! Харин та нар үүнийг хэзээ ч зогсоож чадахгүй, хаашаа ч зугтаж чадахгүй, хэр удахыг бүү мэд – үүрд ч байж магадгүй. Яагаад гэвэл та нарын нүгэл ямар ч өршөөлт Хүчинд нимгэрэх аргагүй дэндүү хүнд. Тэд шууд л гаргаад хаячихна. Өөрөөр хэлбэл та нарын хийсэн шиг зүйл, тарьсан шиг нүгэл хилэнц хэзээ ч Хайрын Хүч, Өршөөлд нимгэрэхгүй. Маш хүнд. Та нарыг наманчилбал нүгэл хилэнц чинь даруй нимгэрэн арилах эсэхийг би мэдэхгүй юм. Гэхдээ ядаж л оролдоод үз. Дайныг зогсоохоор аль чадахаараа хичээ. Үргэлжлүүлэхийг, шинээр өдөөх гэж чадлаараа бүү хичээ. Хэрэв та нар бусдад зовлон удсаар байх юм бол дараа нь хэн ч та нарт тусалж чадахгүй.Худалдааны зах бүхэлдээ та нарын бөмбөгт дэлбэрнэ. Өөрсдөө та нар ямагт хоол хүнстэй байх тул огтхон ч санаа зовдоггүй. Та бол удирдагч. Танд үйлчилдэг, хэрэгтэй бүхнийг чинь гарын чинь дор авчрах хүмүүс ямагт байж байдаг. Дэлхийн хаанаас ч, юу л хүснэ хэчнээн хол байсан ч та ганц товч дарахад л танд хүрээд л ирнэ. Бас та одоогийн байшингаа алдлаа гэхэд өөр хаа нэгтээ дахин нэг орд харш авчихна. Гэхдээ энэ бүхэн таны л бодол. Бурханд заримдаа өөр төлөвлөгөө байдаг. Та нар гайхширах болно. Та нарын үнэлэмжээр болсон, гэм зэмгүй хохирогчдод учруулж байгаа бүх зүйл та нарт олон нугарч ирэх болно. Бүр энэ насанд чинь ч эргэн ирж магадгүй. Орост, дайны гүрү нарын шилдэг нь дайны бүх төрлийн стратегийн талаар ерөнхийлөгчид зөвлөдөг байсныг та нар санаж байгаа даа. Гэтэл түүний охин дайны бусад хохирогчдын адил гудамжинд алуулчихсан шүү дээ!Дараагийнх нь таны охин байж мэднэ. Өөдөө хаясан чулуу өөрийн чинь толгой дээр бууж мэднэ. Одоо хараахан болоогүй байлаа ч хэр гашуун байхыг та төсөөлж байгаа байх.Би бол таны дайны хөл дэх олон эмэгтэйн нэгэн адил настай, сул дорой эмэгтэй. Гараад хэн нэгнийг хамгаалчих ямар ч зэвсэг надад алга. Та нарын сүйтгэгч хүч чадалтай дүйх юм байхгүй. Хөөрхий ядарсан, гэм зэмгүй хүүхдүүд, бэлэвсэрч хоцорсон хүмүүс, залуу сайхан эрс, хөгшид, нохой-, муур-, үнээ-, шувуу-, гахай-хүмүүс... та нарын сүйтгэгч зэвсэгт алагдаж, тахир дутуу, эрэмдэг болсон хүмүүсийг л өрөвдөж чадна. Одоо би яаж ч их залбирсан, зүрх сэтгэлээ шаналал, хайр хоёрт урсган байж, зовсон хүн төрөлхтний төлөө бүхэлд нь багтаан залбирлаа ч Бурхан намайг цаашид сонсохыг хүснэ гэж бодохгүй байна. Тэр одоо биднийг цаашид дахин сонсохыг хүсэхгүй байх. Гэхдээ би хичээсээр байгаа.Намайг юу ч гэж хэлсэн ихэнх хүн ойлгодоггүй гэж бодож байна. Маш энгийн, таван настай хүүхэд ч ойлгохоор зүйл байлаа ч тэд сонсдоггүй. Учир нь тэд сургуулиас сурсан аргаараа ярьсаар, ярьсаар л байдаг. Тэд интернэтээс хэрхэн ярихыг сурсан байдаг ч ойлгодоггүй. Тэд ярих зүйлээ сургуулилдаг ч үгүй. Өөрсдийнх нь яриа байсан ч сургуулилдаггүй. Энэ талаараа тэд нэг их зүйл ойлгодоггүй. Тэд “Би чамд хайртай” гэж хэлдэг ч үнэндээ тийм утгатай хэлдэггүй. Тэд хайр гэж юу болохыг ч мэддэггүй. Иймд та нарт хэрэггүй л ярьж сууна даа. Тэгээд яваад дайт, дайт. Учир нь та хорон санаатай, хор хөнөөлтэй амьдрахыг сонгож. Гэхдээ таны төлөө миний хэр их харамсаж байгааг мэдэхгүй. Учир нь та тамд ганцаархнаа чөтгөрүүдийн хамт төсөөлөхийн аргагүй хүнд шийтгүүлнэ. Хэн ч таныг сонсохгүй, хэн ч танд туслахгүй.Таны хэр их мөнгөтэй чинь хамаагүй. Тэр аймшигт тамуудад та эрх чөлөөг худалдан авч чадахгүй. Та хэзээ ч гарч чадахгүй. Мэдээж хэрэг та ойлгохгүй байгаа юм чинь надад итгэхгүй л дээ. Гол нь энэ бүхнийг, энэ бүх тамыг энэ гараг дээр болж буй бүх зүйлээс хамаагүй дор гэдгийг мэдэж байгаа учраас л намайг маш их шаналгаж байна. Уур амьсгалын өөрчлөлттэй тэмцэн, энэ бөмбөрцгийг, энэ үзэсгэлэнт дэлхийг там болгохгүйн тулд, бүр устаж үгүй болгохгүйн тулд бүхнийг хийх ёстой талаар ярих ч юм биш. Мөн таны үр хүүхэд, ач зээ, гуч нар энэ галд орох болно. Та аль хэдийн хөгширч, аль хэдийн адил зүйл амссан байлаа ч тамд үүнээс дор.Тийм ч олон хүн сонсохгүй учраас хэлэх нэг их олон үг надад алга даа. Одоо хэр нь амьд байж, энэ дэлхийг аврахын тулд найдвар тээн, чадах бүхнээ хийж байгаадаа би Бурханд талархдаг. Гэтэл би хэдийнээ хөгширчээ. Олон хүн надаас ч залуу байхдаа өөд болдог. Тиймээс би өөд боллоо ч харамсах зүйл алга. Харин та нар шиг этгээдүүдийн тарьсан үйлийн үрийг, мөн энэ үйлийн үрд чинь өртөж, илүү гэм зэмгүй, сайхан хүмүүс дайнд чирэгдэн орж, тарьсан муу үйлийн үрийг бүгдийг нь устгаж чадах хангалттай хүч чадал, цаг хугацаа энэ насанд минь байгаагүйд л би харамсах байх. Энэ бүхэн нийлээд үйлийн үрийг хэмжээлшгүй болгож, энэ дэлхийг бүрхэн устгаж чадна! Тэд тодорхой хэмжээний шийтгэл хүртэх учиртай. Та нарынхаас бага байх. Гэхдээ тэд үүнийг хүртэх учиргүй байсан. Гэвч яалтай билээ? Тэд та нарын гарт байна. Тэдэнд тийм их хүч байхгүй. Ихэнхэд нь очих газар байхгүй. Хэрэв тэднийг ам нээвэл та нар амыг нь таглаж орхино. Тэгээд тэднийг чирээд, шоронд хийчихнэ.Бурхан минь. Яах гэж та нар сүмд очдог юм бэ? Учир нь та нар Бурханы сургаалаас юу ч ойлгодоггүй. Сүмийн тэр санваартан ч бас ямар нэг зүйл ойлгодог гэдэгт би эргэлзэж байна. Та нарыг ямар гээч тамаас ирснийг би мэдэхгүй ч удахгүй та нар тийшээ эргээд явах болно. Бид энэ гараг дээр үүрд амьдардаггүй. Гэхдээ тэр тамд бид үүрд байх болж мэднэ. Харин энэ удаад жинхэнээсээ шүү. Ээ, Бурхан минь, энэ бүх муу ёрын удирдагчдаас гэм зэмгүй хохирогчдыг хамгаалаач.
