Ахлагч Фил Лэйн Жуниор (веган) хиймэл оюун ухааны салбарын удирдагчдад дэлхийн энх тайвны төлөө ажиллах талаар уриалга хүргэж байна.

Эрхэм хүндэт Ахлагч Фил Лэйн Жуниор (веган)-ы дэлхий нийтэд хандан гаргасан “Энх тайвныг сонго. Энх тайвнаар амьдар. Дайныг зогсоо” хэмээх уриалга. Эрхэм хүндэт Ахлагч Фил Лэйн Жуниор (веган) “Энх тайван тогтоох боломжтой гэдгийг батлах арван нэгэн өдөр” нэртэй дэлхий даяарх арга хэмжээг зохион байгуулсан бөгөөд уг арга хэмжээ 2026 оны 9-р сарын 11-нд эхэлж, 2026 оны 9-р сарын 21-нд дуусна. Энэ нь НҮБ-ын Олон улсын энх тайвны өдөртэй давхцаж байна.

Ахлагч Лэйн нь Ихэнктонван Дакота болон Чикасо Үндэстний бүлгийн гишүүн юм. 1982 онд тэр Дөрвөн Ертөнцийн Олон улсын Институтийг байгуулсан бөгөөд тус байгууллага нь Уугуул иргэдийн нийгэмлэгүүдийн цогц хөгжлийн чиглэлээр дэлхийд тэргүүлэгч байгууллага болжээ. “Арван нэгэн өдөр” арга хэмжээний хүрээнд Ахлагч Лэйн “Удам залгамжилсан ахлагчийн хиймэл оюун ухааны салбарын удирдагчид болон хөрөнгө оруулагчдад хандсан дэлхий нийтийн уриалга: Дайныг эцэслэхэд хүн төрөлхтөнд тусалъя” нэртэй видео бэлтгэн, дэлхий нийтэд хүргэхийг хүсэж байна. Одоо түүний утга төгөлдөр уриалгын хэсгээс толилуулъя.

Ахан дүүс минь. OpenAI, Anthropic, Google DeepMind, Meta, Microsoft, xAI компанийн Эрхэм удирдагчид аа, мөн хиймэл оюун ухааны (ХОУ) ирээдүйд хөрөнгө оруулж буй та бүхэнд хандан би

чин сэтгэлээсээ ярьж байна: Танай компаниуд руу орж буй хөрөнгө, нөөц асар их бөгөөд улам бүр нэмэгдэж, 2026 онд 1 их наяд ам.доллароос давах төлөвтэй байна. Үүний зэрэгцээ засгийн газрууд жил бүр дайнд 3 их наяд ам.доллар буюу өдөр бүр 8 тэрбум гаруй ам.доллар зарцуулж байхад — бидний эрхэм хүн төрөлхтний гэр бүлийн бараг тал хувь нь өдөрт 8 ам.доллар хүрэхгүй орлогоор ядуурлын нөхцөлд амьдарч байна. Зөвхөн сүүлийн хэдхэн сарын хугацаанд л гэхэд, дайны шууд үр дагаврын улмаас бидний эрхэм хүн төрөлхтний гэр бүлийн 20 сая гаруй хүн ядууралд өртсөн байна.

Хиймэл оюун ухаан болон дайны үйл ажиллагааны тасралтгүй өсөлт цаашид үргэлжилж болохгүй. Энх тайвны төлөө зүтгэгчид болон олон нийтийг дэмжиж, есдүгээр сарын 21-нд дэлхий даяар 24 цаг байлдааны ажиллагааг зогсоож, хүчирхийллээс ангид өдрийг хэрэгжүүлэн энх тайван тогтоох боломжтойг бодитоор харуулахын тулд хамгийн чадварлаг хиймэл оюун ухааны шинэчлэл, технологио энхийн үйлсэд зориулахыг та бүхний хүн нэг бүрээс уриалж байна.

“Энх тайван тогтоох боломжтой гэдгийг батлах арван нэгэн өдөр”-ийн талаарх элгэрэнгүй дмэдээллийг дараах хаягаар авна уу: CompassionGames.org