Манай гарагт тулгарсан яаралтай нөхцөл байдлыг дэлхийн олон удирдагч аль хэдийн ухаарсан. Веган Хуулиар дамжуулан эерэг өөрчлөлтийг хурдасгах эр зориг, тууштай байдал одоо хэрэгтэй.

Вьетнам буюу Ау Лак-аас Хоанг Бак-ийн аулак (вьетнам) хэл дээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

ХАМГААС ХАЙРТ ИХ БАГШ – ТИМ КО ТҮ – ТӨГС ХҮЧИТ БУРХАН МИНЬ, “СУРГААЛ НЬ МЭДРЭХҮЙТ ТӨРӨЛТНҮҮДИЙГ АВРАХЫН ТУЛД ТООЛШГҮЙ ОЛОН ДҮР ТӨРХ, ХЭЛБЭРЭЭР ИЛЭРДЭГ УЧИР БИД ТЭДНИЙ ДУНД АМЬДАРЧ, АЖИЛЛАХ ЁСТОЙ. ИЙМЭЭС БОДИСАДВА НАРТАЙД Ч, БОРООТОЙД Ч ЭНЭ ЗУУРДЫН АМЬДРАЛЫН ҮЙЛИЙН ҮРД БАРИГДАН, БҮХНИЙГ ТЭВЧИХ ЁСТОЙ!” Таны удирдамжийг даган би БУРХАН-ы аминч бус, тустай зэмсэг болохын тулд чадах бүхнээ хийхийг үргэлж хичээсэн! Манай гэр бүлд хамгийн агуу Адислалаа байнга соёрхдог Тандаа гялайлаа. Би сүнслэг үнэнийг чин сэтгэлээсээ ямагт эрэлхийлж, олон сүм хийдээр явсан ч Үнэнийг олж чаддаггүй байлаа. Аз болоход Ау Лак (Вьетнам)-ийн өмнөд хэсэгт Таны шавь болсон ах маань нутагтаа ирж, Веган амьдралын хэв маяг, Авшиг, Тантай хамт сүнслэг дадал бясалгал хийх талаар бидэнд байнга ярьдаг байв. Гэвч 15 жилийн дараа л манай гэр бүлийн дөрвөн гишүүн бүгд Танаас Авшиг хүртэх хувь ерөөлтэй болсон юм. (2009 онд)

2010 онд манай гэр бүл бусад авшигтантай хамт Веган зоогийн газар ажиллуулахад туслахаар нүүсэн. Бид мөр зэрэгцэн ажиллаж, хотын өнцөг булан бүрд Веган хоол бэлтгэн хүргэдэг байлаа. Ердөө 2,000-10,000 вьетнам донг (8-38 америк цент)-ийн үнэтэй олон мянган хайрцаг Веган хоол хот даяарх хүмүүст хүргэсэн. 2011 онд манай гэр бүл өөрсдийн Веган зоогийн газрыг нээсэн. Арьяабалын бясалгалын даяанаас буцаж ирсний дараа Таны энэрэлт Адислалаар манай гэр бүл бүхэлдээ амттай олон Веган хоол бүтээх урам зоригтой болсон. Арван таван жилийн дараа манайх өргөжиж, хоёр Веган зоогийн газартай болсон. Веган хоол сонгох үйлчлүүлэгчдийн тоо тасралтгүй өсөж, олон түмэнд нийлүүлдэг веган хоолны хэмжээ ч нэмэгдсээр байна. Их Багш аа, энэхүү баярт мэдээг Тантай хуваалцахдаа баяртай байна. Нийслэлд өдгөө 400 орчим Цагаан хоолны болон Веган зоогийн газар байгаагаас цэвэр Веган зоогийн газрын тоо 40 орчмоор нэмэгдсэн юм. Хамгийн азтай нь манай гэр бүлийн Веган хоолыг Ерөнхий Нарийн Бичгийн Дарга бөгөөд Ерөнхийлөгч То Лам-ыг Энэтхэгт Буддын мөргөл хийх үеэр дагалдах төлөөлөгчдөд үйлчлүүлэхээр саяхан сонгосон!

Сүнслэг бясалгал хийсэн 27 жилийн хугацаанд чин сэтгэлийн олон хүсэл минь биелэхийг үзлээ! Одоо би нийтийн бясалгалын төв ажиллуулж, 20 гаруй авшигтан нөхдөө халамжлахад тусалдаг. Манай гэр бүлд мөн хагас авшиг хүртсэн гурван Веган ач бий. Өдөр бүр ач нараа сургуульд нь хүргэж, Веган хоол аваачихдаа багш, сургуулийн ажилтнуудад Веган амьдралын хэв маягийг танилцуулах олон боломж надад гардаг байсан.

Засгийн газар болон боловсролын салбарын удирдагчид Веган амьдралын хэв маягийн ач тусыг ухаарч, сургуулиудад Веган хооллолтыг нэвтрүүлэн, nрээдүй хойч үеийнхний дунд, сэтгэлд нь Нигүүлслийн үрийг ургуулан төлөвшүүлээсэй гэж би чин сэтгэлээсээ хүсэж байна. Би үргэлж Таны зохистой шавь хэвээр байх болтугай гэж залбирдаг. Та мөнхөд эрүүл саруул, амар амгалан, аюулгүй байх болтугай! ВЕГАН ДЭЛХИЙ, ЭНХ ТАЙВАН ДЭЛХИЙ удахгүй цогцолж, ингэснээр бүх хүн төрөлхтөн өнөөдөр бидний аз завшаантайгаар эдэлж буй эв зохицол, адислал дүүрэн амьдралаар амьдрах болтугай! Шавь Хоанг Бак, Ау Лак (Вьетнам) улсаас

Аминч бус Хоанг Бак аа, Ау Лак (Вьетнам) улсад веган хоол улам хүртээмжтэй болж буйг харахдаа бид баяртай байна. Веган сонголтыг хялбар хүртээмжтэй болгох нь хүмүүсийг буянт замыг сонгоход дөхөм болгодог. Их Багш бодож тунгаасан энэ хариуг танд зориулж байна:

“Сайхан сэтгэлт Хоанг Бак аа, үнэт цагаа хүн төрөлхтөнд үйлчлэхэд зориулж байгаад тань гялайлаа. Арьяабалын бясалгалд үнэнч байдал тань хайртай хүмүүс болон эргэн тойрныхондоо хүргэдэг сайхан сэтгэл сайн сайхан үйлсээр тань дамжин таны гэрэл гэгээ тодрон гэрэлтдэг. Ийм бага наснаасаа энэрэнгүй амьдралыг сонгосон ач нараа миний өмнөөс халуун дотноор тэврээрэй. Манай гарагт тулгарсан яаралтай нөхцөл байдлыг дэлхийн олон удирдагч аль хэдийн ухаарсан. Веган Хуулиар дамжуулан эерэг өөрчлөлтийг хурдасгах эр зориг, тууштай байдал одоо хэрэгтэй. Тэнгэрт талархах сэтгэл таны ба зочломтгой Ау Лак (Вьетнам) ард түмний дотор зөөлөн атлаа хүчирхэг чанар болон мөнх орших болтугай. БУРХАН таныг үүрд хайрладаг. Мөн БУРХАН ИВЭЭЛЭЭР би ч бас танд хайртай.”