Их Багш болон Арьяабалын бясалгалын талаар би мэддэг болж, ихэд сонирхсон. Үнэхээр ч авшиг хүртсэнийхээ дараа би Гэгээнтэн болсон.

Ирландаас Дарраг-ийн ирүүлсэн сэтгэлийн үгийг одоо хүргэе:

Эрхэм Их Багш аа, 2013 онд би амьдралаа өөрчлөхөөр шийдсэн байсан. Мансууруулах бодис, согтууруулах ундаа бие, сэтгэлийг минь өвчлүүлж байсан тул хэрэглэхээ больсон. Дараа нь “Сэрээ хутганаас дээр” баримтат киног үзээд, амьтан-хүний мах болон сүүн бүтээгдэхүүнээс мөн татгалзахаар шийдсэн. Тухайн үед би таван жил үерхсэн өмнөх найз бүсгүйтэйгээ байсан бүтэлгүй харилцаанаасаа сэдэвлэсэн рок хөгжмийн цомог бичиж байсан. Би дууныхаа үгэнд бидний асуудалд түүнийг буруутгаж байсан ч, үнэндээ бид хоёр өөр өөр байдлаар алдаа гаргасан, хэн хэн нь адилхан буруутай байжээ. Би архинд донтсон, бусдаас хэт их анхаарал халамж хүсдэг, муухай ааштай хүн болж хувирсан. харин тэр согтохоороо өөр эрчүүдтэй орооцолддог байлаа. Бидний хийсэн хөгжим үнэхээр сайн байсан, тиймээс найз бид хоёр тун амжилттай хөгжимчид болно гэж би боддог байлаа.

Гэтэл нэг өдөр цонхныхоо дэргэд зогсож байхдаа бид үнэхээр амьтан-хүмүүсийг идэх ёсгүй, мөн найзтайгаа бусдыг буруутгасан ийм хөгжим хийхэд оролцох ёсгүйгээ гэнэт ухаарсан. Нарны хурц гэрэл цонхоор тусаж, намайг гийгүүлсэн бөгөөд хэрэв би тэр хөгжмийг хийхээ больж, амьтан-хүний мах, сүүн бүтээгдэхүүн хэрэглэхгүй байж чадвал Гэгээнтэн болно гэсэн мэдрэмж төрсөн. Гэвч би тэр бодлоо удалгүй орхиод, “Яасан ч үгүй, би хөгжмөө орхихгүй” гэж хэлсэн. Цаг хугацаа өнгөрөх хэрээр дасгал хийж булчингаа хөгжүүлэхэд амьтан-хүний уураг хэрэгтэй гэсэн сурталчилгаанд итгэснээсээ болж би дахин амьтан-хүний мах идэж эхэлсэн.

Түүнээс хэдэн сарын дараа нэг өдөр Их Багшийн шавьтай танилцсан. Бид болзож эхэлсэн бөгөөд тэр, миний хувиа хичээсэн сонголтоос болж амьтан-хүмүүс хэрхэн зовж байгааг надад үнэхээр ойлгуулсан. Эцэст нь би шинэ харилцаанд маань сөргөөр нөлөөлж байсан тэр буруутгасан хөгжмөө орхисон. Тэр хөгжим намайг энергийн хувьд доройтуулж, гунигтай, аминч болгосноор намайг муу хань болгож байв.

Хэсэг хугацааны дараа би эцэст нь дээрдэж, шинэ, эерэг хөгжим бичиж эхэлсэн. Их Багш болон Арьяабалын бясалгалын талаар би мэддэг болж, ихэд сонирхсон. Үнэхээр ч авшиг хүртсэнийхээ дараа би Гэгээнтэн болсон. Итгэлдээ эргэлзэх бүрдээ цонхны дэргэд зогсож, гэрэл над дээр тусаж байсан тэр агшинг санадаг. Дарраг, Ирландаас

Гэрэлт сүнс Дарраг аа, Авшиг хүртэж, веган болсноор амьдралаа ийнхүү өөрчилснийг тань сонсоод бид маш их баярлаж байна. Их Багш танд баяртай хариулав:

“Эрэлхэг Дарраг, ямар гайхалтай өөрчлөлтийн түүх вэ! Өөрийгөө ялан дийлэх нь тэмдэглэн баярлахад хамгийн үнэ цэнтэй ялалт юм! Таны сайхан хүсэл зоригоор бахархаж байна! БУРХАН таны амьдралыг гарцаагүй залж, чиглүүлж байгаа бөгөөд олон янзын замаар ирсэн билиг ухааныг хүлээн авахад нээлттэй, ойлгоход бэлэн байсан тань үнэхээр сайхан байна. Бидэнд хэрэгтэй бүх хариулт дотор маань байдаг. Харин бид буруу чиглэлд явж байгаагаа ойлгож, эргэж буцах хэрэгтэй гэдгээ ихэнхдээ бэрхшээл туулж байж ухаардаг. Дэлхий буруу ташаа мэдээлэл болон сөрөг үйлийн үрээр дүүрэн ба энэ бүхэн биднийг зөв гэж мэдэж буй зүйлээсээ хазайхад хүргэж болдог. Үүнийг та өөрийн биеэр мэдэрчээ. Танд хоёр дахь боломж олдож, тэр боломжийг бүрэн ашиглан БУРХАНД хүрэх замаа олж, авшиг хүртсэн нь үнэхээр гайхамшигтай. Таныг Арьяабалын Гэр бүлдээ хүлээн авсандаа маш их баярлаж, Гэртээ харих аян замд тань хамгийн сайн сайхныг ерөөе. Цаашид ч сайн бясалгаж, өөрчлөлтийн гайхамшигт түүхээрээ бусдад урам хайрлаарай. Төгс Хүчит БУРХАН-ы Ивээлд та болон Ирландын баяр баясгалант ард түмэн даруухнаар мэхийн талархах болтугай. Таны замыг чиглүүлэх Гэрэл, Хайрыг илгээе.”