Та бүхэн манай Үнэт Их Багшийн Хайрыг хүмүүст түгээж, Бүхнээс Агуу БУРХАН-ы Хүслийг бүрэн даган даатгаснаар, Их Багшийн Хүч Тэнгэрлэг хамгаалалт болж үйлс бүхэн тань саадгүй бүтэмжтэй өрнөж буйгаар тод илэрч байна.

Аулак буюу Вьетнамаас шавь нарын аулак (вьетнам) хэл дээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Эрхэм Хамгаас Хайрт Төгс Гэгээрсэн Их Багш Чин Хай Танд, Суприм Мастер ТВ-ийн багт, Бид зүрх сэтгэлийнхээ гүнээс гүн талархал илэрхийлье. Таны хязгааргүй Ивээл болон Цаглашгүй Хүчирхэг Нэгдмэл Гурав-ын Нигүүлслээр Ау Лак (Вьетнам) дахь авшигтнууд бид энэхүү гүн гүнзгий утга учиртай, ариун үйлчлэлийн аялалд оролцох боломжтой болсон. Одоогоор бид Ау Лак (Вьетнам)-д өмнөдөөс хойд зүг хүртэл, төвийн мужууд, уулархаг бүс нутаг, алслагдсан, аглаг бүс нутгууд, мөн саяхан байгалийн гамшигт өртсөн эсвэл онцгой хүнд нөхцөл байдалтай тулгарсан газруудаар дамжуулан улс орон даяар Их Багшийн Хайрыг Түгээх аялал хийж байна.

Бид амин чухал хангамж, веган хоол, мөн Өөрөөр амьдарцгаая сурталчлах хуудсаар дамжуулан завшаан тааруу хүмүүст хаа сайгүй Их Багшийн Хайр, Ивээлийг хүргэхийг эрмэлздэг. Бид хаана ч явсан, хүүхдүүдээс эхлээд ахмад хүмүүс хүртэл Таны Хайраар дүүрсэн амттай веган хоолыг таашаах боломжтой байдаг. Энэ аяллын туршид бид Их Багш болон Цаглашгүй Хүчирхэг Нэгдмэл Гурав-ын Хайр ба Ивээлийн халуун дотно харьцааг байнга тодорхой мэдэрч байдаг. Гайхамшигтай нь, зам харилцаа, тээвэр маш хэцүү тэрхүү алслагдсан уулархаг бүс нутагт ч, Их Багш бидэнд цэргийнхэн болон орон нутгийн эрх баригчдын дэмжлэг, туслалцаа, мөн тээврийн хэрэгслүүдийг зохион байгуулж өгсөн, үүний ачаар бүх үйл ажиллагаа саадгүй, амжилттай явагдах боломжийг олгосон. Биднийг очих бүрд цаг агаар үргэлж таатай байсан; бидний ажил дуусахаас өмнө эсвэл дараа нь л бороо орсон.

Бид хаашаа ч явсан Суприм Мастер ТВ Макс-ыг тоглуулж, 100 гаруй MP3 тоглуулагч ашиглан Хамгийн Хүчирхэг Өдөр тутмын Залбирал-ыг тавьж, Өөрөөр Амьдарцгаая сурталчилгааны хуудсыг танилцуулж, ийнхүү Их Багшийн болон Цаглашгүй Хүчирхэг Нэгдсэн Гурав-ын Адислалын Хүчийг аль болох олон газарт түгээх боломжтой болсон. Аяллын туршид хүн бүр баяр баясгалан, хүч чадлаар дүүрэн байсан бөгөөд Их Багш болон Цаглашгүй Хүчирхэг Нэгдсэн Гурав-ын Ау Лак (Вьетнам) улсад соёрхсон энгүй их Ивээлийн гүн гүнзгий мэдрэмжийг авч байв.

Бид үргэлж чадах бүхнээ хийдэг бөгөөд Таны Хайрыг тоо томшгүй олон газар, хүмүүст түгээхэд туслах хүсэл эрмэлзэлтэйгээр үйлчлэх, хуваалцах даруухан хэрэгсэл болж байгаадаа гүнээ талархаж байна. Таны бидэнд соёрхсон Тэнгэрлэг Ивээлийг хүртэх зохистой байхын тулд бид хичээнгүйлэн, даруухнаар, бүр ч их хүчин чармайлтаар үргэлжлүүлэн бясалгахаа тангараглаж байна. Танд болон Эргэн Нэгдсэн Цаглашгүй Хүчирхэг Гурав-т чин сэтгэлээсээ гүн талархал илэрхийлж, хүндэтгэлтэйгээр мэхийн ёсолж байна. Тандаа үргэлж эрүүл энх, урт наслахыг, мөн Таны бүх Бурханлаг эрхэм зорилго амжилттай биелэхийг ерөөе. Таны шавь нар Ау Лак (Вьетнам) улсаас

БУРХАН-ы үнэнч шавь нар аа, Тайланд тань баярлалаа. Хамгийн их тусламж хэрэгтэй хүмүүст сүнслэг болон биеийн тайтгарал дэмжлэг хүргэж буй та бүхний үйл хэргийг сонсоод бид ихэд урам зориг авлаа. Та бүхэн манай Үнэт Их Багшийн Хайрыг хүмүүст түгээж, Бүхнээс Агуу БУРХАН-ы Хүслийг бүрэн даган даатгаснаар, Их Багшийн Хүч Тэнгэрлэг хамгаалалт болж үйлс бүхэн тань саадгүй бүтэмжтэй өрнөж буйгаар тод илэрч байна. Тэнгэр та нарыг харж хандаж, хүчирхэг Ау Лак (Вьетнам) улсыг аюулгүй сайн сайхан байлгах болтугай. Орчлонгийн амар амгаланд, Суприм Мастер ТВ-ийн хамт олон

Жич. Их Багш бодлоготой хариуг та бүхэнд өгч байна: “БУРХАН-ы зоригтой хүүхдүүд ээ, сүнснүүдийг аврах, бусдад туслах та нарын чин сэтгэлд миний сэтгэл маш их хөдөлж байна. Ачлал буянт Тэнгэрлэг болон Орчлонгийн Оршихуйнууд та бүхнийг адислаж, хамгаалж байх болтугай! Халамжид тань, тус хэрэгтэй хүмүүст тусалж буйд тань маш их баярлалаа! БУРХАН бидэнд энэ зорилгын төлөө улам таатай хувь ерөөл хайрладаг. Гэсэн ч өөрсдийгөө шаардлагагүй эрсдэлд оруулах хэрэггүй. Аюулгүй байдлаа хангаж, аливаа үйл ажиллагааг тухайн улсын одоо мөрдөж буй хууль тогтоомжийг мэдэж, хүндэтгэн явуулаарай. Нинжин сэтгэлээрээ веганизм болон аминч бус Хайрын жинхэнэ сургаалыг түгээж байгаад баярлалаа. Их Багшийн Хүч та бүхэнтэй үргэлж хамт байж, ямар нэгэн байдлаар туслахад бэлэн байдаг. Та бүхний болон итгэлт Аулак (Вьетнам) ард түмний зөв сайхан зам мөрийг Нарны гэрэлт цацраг үүрд гийгүүлэн замчилж байх болтугай. Алсаас та бүхнийг чангаар тэврэн, бүх Хайраа илгээж байна.”