Сүнслэг бясалгал нь хүн бүрд амар амгалан, билиг ухаан мөн олон Адислал авчирдаг бөгөөд энэ бол бид энэ амьдралдаа хийж чадах хамгийн чухал зүйл юм.

Малайзаас Хайрул-ын малай хэлээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Арьяабалын бясалгалын миний анхны туршлага. Миний өмнөх сүнслэг бясалгал дадлын сонирхол нь Тюздэй Лобсанг Рампагийн бичсэн номоор дамжин бий болсон, өөрөөр хэлбэл, үйлийн үр ба үр дагавар, сайн хүн байх тухай ойлголтуудыг л хамардаг байсан, тэгээд л болоо. Нэг удаа би амарч байхдаа, тэр тухай дурдсан номнуудад бичсэнчлэн астрал аялал хийхийг оролдож үзсэн. Тэгээд дараа нь мэдсэн зүйл маань би таазны орчимд байсан, тиймээс дээвэр рүү нэвтрэн гарах гэж оролдсон. Тийм ээ, би түүгээр нэвтэрч гарч чадсан, үнэндээ их зугаатай санагдсан.

Тэгээд дараагийн жилүүдэд нь би ургамал зарах гэх мэт жижиг бизнес эрхэлж байв. Нэгэн залуу ургамал худалдаж авахаар ирээд “Агшин зуур Гэгээрэхийн Түлхүүр” үлгэр дэвтрийг надад өгсөн. Би түүнийг гүйлгэж хараад оршихуйн Таван түвшний хэсгийг олсон бөгөөд энэ нь надад их сонирхолтой, шинэ санагдсан. Тиймээс би унших материал авахаар төв рүү явахаар шийдсэн. Би Дөхөм Аргаар шууд бясалгал хийнэ гэж огт мэдээгүй байв.

Эхэндээ би үнэхээр айж байсан, өмнө нь огт бясалгал хийж байгаагүй болохоор нүдээ аниад хагас цаг сууна гэхээр ямар нэг таагүй зүйл тохиолдож магадгүй гэж бодогдсон. Тэгтэл үнэхээр гайхмаар зүйл болсон. Миний биеэс ямар нэгэн зүйл гарч ирсэн нь том жараахай шиг толгойтой, хөвөн урсах, сунан урт болсон сүүлтэй мэт санагдсан. Би дотор нь олон зүйл урсаж байгаа тод улаан судсуудыг нь тунгалаг арьсаар нь нэвт харж чадсан. Би хожим нь үүнийг миний сүнсэн бие гэж таамагласан. Тэгээд би буцаад хүний бие рүүгээ түлхэгдсэн.

Дараа 7 хоногт нь бясалгал хийж байхдаа би улаан өрөөнд байв. Буланд жижиг цагаан гэрэл асч байсан. Би түүн рүү тод харан, анхаарлаа төвлөрүүлэв. Тэгээд би сониучирхан “Та Их Багш мөн үү?” гэж асуув. Гэрэл гялалзаж эхэлсэн нь загалмай мэт тод харагдаж байв. Тэгээд бясалгалын суулт дууссан. Дараагийн долоо хоногт мөн л ижил улаан өрөө гарч ирэв. Би тэр даруй “Их Багш аа” гэж дуудлаа. Тэгээд цагаан гэрэл ногоон хөх өнгийн гялалзсан сувд болж өөрчлөгдөн, миний билгийн мэлмий рүү шууд нисэн орсон. Болж буй зүйлд би цочирдож, бас ихэд гайхаж, сонирхсон. Ийнхүү миний сүнслэг аялал эхэлсэн бөгөөд тэр цагаас хойш тасралтгүй өрнөсөөр байна.

Энэ бүхэн бусдад Жинхэнэ Өөрийнхөө мөн чанарыг олох ийм үнэн замд гарахад нь урам зориг болно гэж найдаж байна. Их Багш аа, миний өмнөх үеийнх шиг эхлэн суралцагчид зориулсан Дөхөм аргад Тань баярлалаа. Мөн ийм ажлыг өргөн хүрээнд түгээдэг Суприм Мастер ТВ-ийн багт талархал илэрхийлье. Хайрул, Малайз улсаас

Адал явдалд дуртай Хайрул аа, Бид таны тэмдэглэлд болон бусдыг сүнслэг замаар явахад урамшуулах цэвэр, ариун зорилгод тань талархаж байна. Та дотоод Би-гээ болон Бурханыг нээх амин чухал аяллаа амжилттай үргэлжлүүлэх болтугай. Та болон хүчирхэг Малайз улс Мөнхийн Бурханлагаар үүрд адислагдаж байх болтугай, Суприм Мастер ТВ-ийн хамт олон

Жич: Их Багшийн танд өгсөн хайрын хариу энд байна: “Баяр хөөртэй Хайрул аа, та маш олон сүнслэг туршлага мэдэрсэн гэдгийг сонсоход таатай байна. Сүнслэг бясалгал нь хүн бүрд амар амгалан, билиг ухаан мөн олон Адислал авчирдаг бөгөөд энэ бол бид энэ амьдралдаа хийж чадах хамгийн чухал зүйл юм. Та болон зоригтой Малайз ард түмэн Бурханы хязгааргүй Хайрыг өдөр бүр ухамсарлан явах болтугай. Өдөр бүр сүнслэг зам мөрдөө ахиц дэвшил гаргах лугаа танд Маш их Хайр илгээе.”