Бидэнтэй зэрэгцэн амьдарч буй иргэдийн сүнсийг өргөхөд чиглэсэн халамжит үйлс нь сайн буян болж хуримтлагдана.

Тайвань буюу Формосагаас Ай-Фэй-гийн хятад (мандарин) хэл дээр ирүүлсэн сэтгэлийн үгийг олон хэлийн хадмал орчуулгатайгаар одоо хүргэе:

Хайрт Их Багш Тим Ко Тү болон Суприм Мастер Телевизийн эрхэм гэгээнтний баг аа, Суприм Мастер Телевизийн үзэгчидтэй веган ургамалд суурилсан хоолыг Тайван (Формоса)-ы уугуул иргэдэд танилцуулж байх үеэр бидэнтэй тохиолдсон адислалт, бүхнийг өөрчилсөн ид шидийн тохиолдлын талаар бид хуваалцахыг хүслээ.

2025 оны 7 дугаар сараас хойш бид уугуул иргэд дээр очиж веган амьдралын хэв маягийг таниулан сурталчилж байгаа юм. Олон хүн энэ даалгаврыг анх боломжгүй гэж үзэж байсан, учир нь уугуул иргэдийн соёл ан ав дээр түшиглэдэг ба мөн веган ургамлан хоолны талаарх мэдээлэл дутмаг байдаг байна. Ямартай ч, Бурханы Хайр, Их Багшийн сургааль, хөтөч дор Их Багш-Бурхан бидний уугуул иргэд дээр очиж, веганизмыг сурталчлах замд тулгарсан бүх саад бэрхшээлийг арилгасан.

Одоо, анх төлөвлөж байсан арга хэмжээ, сургалтууд нэг бүр маш сайн саадгүй явж, ерөнхий явц анх төсөөлж байснаас хамаагүй сайн хэрэгжиж байна. Уугуул иргэд уламжлалаараа зэрлэг ургамал, ногоо хэрэглэж заншсан ба байгальдаа ээлтэй зэрэгцэн оршиж, улирал солигдох тогтолцоог хүндэтгэж, боловсорсон үр жимс маш бага хэмжээгээр хураадаг. Энэ бол байгальд ээлтэй амьдралын билэг ухаан жинхэнэ мөн. Байгальд ээлтэй Ургамлан хоолтой сайн дурын багийг цуглуулж Пинтүнг дэх 8 уугуул иргэдийн суурин газруудаар явахаар төлөвлөсөн бөгөөд үүнд 60 гаруй Соёлын Эрүүл Мэндийн Станцыг (одоогоор 23-т нь очоод байна) хамруулан оролцуулсан юм. Дуу хуур, бүжиг, залбирал, бүтээлч веган ургамлан хоол хийх хөтөч зэргийг хуваалцах замаар бид веган хоолны талаарх хэвшмэл урьдчилан тогтсон ойлголттой настангуудыг өөрчилж, “веган хоол идэх сайн” гэсэн ойлголт ухаарлын үрийг тэдэнд аажмаар суулгахыг зорив.

Үйл ажиллагааны хүрээнд бид өөрсдийн биеэрээ амьдрал нь илүү тав тухтай, хөгжиж дэвшиж ирэхийг гэрчилж харсан. Зарим уугуул иргэд том ослоос болж амьдралд итгэх итгэл найдвараа алдсан байсан боловч, бидэнтэй харьцах үеэр Гэрэл дахин харж, хүч мэдэрсэн талаараа хуваалцав. Зарим настай хүмүүс урт хугацаанд хүнд амьтан-хүмүүсийн мах идэх нь биеийн үрэвсэл, архаг өвчинд яаж нөлөөлдөг болох уялдаа холбоог ойлгож эхлэн, уугуул зарим ургамлууд болон өөрсдийн өвөг дээдсээс уламжилж ирсэн хооллолтыг үнэлж эхэлсэн юм. Сургалт, ярилцлагын дараа олон настан манай бүлгийг бусад бүлгүүдээс өөр байна гэсэн ба учир нь бидний түгээсэн агуу хайрыг мэдэрсэн гэж байв.

Мэдээллээ хуваалцсаны дараа бүх настангуудын нүд нь гэрэлтэж, зүрх нь зөөлөрсөн байв. Өөрчлөлтийг үгээр илэрхийлэхийн аргагүй; Энэ бол Бурханы Ивээл болон урсах Хайрын жам ёсны үр дагавар. Тайван (Формоса)-аас Ай-Фэй.

Найрсаг Ай-Фэй, Тайваний (Формоса) уугуул иргэдтэй холбогдсон талаарх гайхалтай сайхан тохиолдлоо бидэнтэй хуваалцсанд баярлалаа. Та болон танай багийн гишүүд, уугуул иргэдээс бүрдэх бүлгүүд, Тайвань (Формоса)-гийн бүх иргэд Бурханы нигүүлсэнгүй Хайр дор нэгдэж, гэм зэмгүй амьтан-хүмүүс болон биднийг тэтгэгч гараг ​​Дэлхийг асран халамжлах болтугай. Диваажингийн Ивээл дор, Суприм Мастер Телевизийн баг

Жич, Их Багшид танд зориулсан дараах урмын үгс байна: “Чин зүтгэлт Ай-Фэй болон сайн дурын багынхан, та бүхэн баяр баясалтай чухал даалгавартай явна. Та бүхний амжилт жам ёсны юм, учир нь уугууль иргэдийн сүнс Дэлхий болоод өөрсдийн өвөг дээдсийн өв залгамжтай одоог хүртэл хүчтэй холбоотой байгаа. Тэд материаллаг ертөнцөөс тусгаарлагдах тусмаа зүрх сэтгэлийн цэвэр ариун байдлаа хадгалдаг. Тиймээс тэд таны хайр болон чин сэтгэлийг амархан мэдэрч чадна. Сайн ажилласан байна! Бидэнтэй зэрэгцэн амьдарч буй иргэдийн сүнсийг өргөхөд чиглэсэн халамжит үйлс нь сайн буян болж хуримтлагдана. Та бүхэн болон ивээлээр бялхсан Тайвань (Формоса) Бурханы билэг ухаанаар адислагдаж, веган амьдралд цэцэглэн хөгжих болтугай. Эдгээр сайхан сэтгэлтэй хүмүүст хандсанд баярлалаа. Та бүхэнд Хайраар дүүрэн тэврэлт илгээе.”