Soulful Tribute to the World-Honored One, Lord Shakyamuni Buddha (vegan), Whose Presence upon Earth Is Immeasurable Blessing to All Sentient Beings

Непал улсаас Самира-гын непал хэлээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Өө, Хамгаас Хайрт Их Багш минь! Би өөрийгөө энэ ариун Балба оронд төрсөндөө туйлын азтай гэж боддог, энд Энэрэнгүй сэтгэлийн Далай Шагжамуни Будда мэндэлсэн бөгөөд дэлхий даяар “Азийн од” хэмээн хүндлэгддэг. Түүний мэлмий гийсний эл ариун үйл явдлын үеэр би дэлхийн хамгийн шилдэг суваг болох Суприм Мастер Телевиз-д хүндэтгэл үзүүлснийхээ илэрхийлэл болгон зүрх сэтгэлийнхээ мэдрэмжийг жижиг шүлэг болгон өргөх боломжтойдоо туйлын баяртай байна. Үүнд:

Шүлэг:

Өө Амар амгалангийн Элч, Өө Эзэн Бурхан Будда! Өө Зүрх сэтгэлийн Эзэн, Өө Ивээлийн Эрдэнэс!! Хайр, чин бишрэлтэйгээр би залбирлаа өргөж, ерөөлийн дууг дуулдаг! Таны ариун өлмийд толгой мэхийн, би тоолшгүй олон мэндчилгээ дэвшүүлье!

Та хааны жаргалыг зүгээр л өвс мэт (маш өчүүхэн, үнэ цэнгүй мэт) үзэж, Дотоод амар амгаланг эрэлхийлэхэд Өөрийгөө зориулсан. Олон жилийн хатуу чанга сахилга, гэмшил, сүнслэг дадлын дараа Та өөрийгөө-танин мэдэх (дотоод гэгээрлийн) туршлагад хүрсэн. Та Таван Сахилыг зааж, хамаг төрөлтөнд Билгийн мэлмийг нээж өгсөн. Та дэлхий ертөнцөд энх тайвны сургамжийг зааж, Тоолшгүй олон төрөлтөнд оршихуйн далайг гатлахад нь тусалсан.

Гэвч шинжлэх ухааны гайхамшиг нь хүн бүрийг мөнхийн аз жаргалыг мартахад хүргэсэн. Машины төмөр торны дотор Хүн өөрөө зүгээр л механизм болсон — Сэтгэл хөдлөлгүй! Билгүүн ухаанаас ангид! Хүн төрөлхтөн дэвшил хөгжлийн нэрийн дор хөнөөгч “атом” бүтээсэн. Хүн төрөлхтөн эд баялаг, ядуурал, шашны нэрийн дор Ахан дүүсийг бие биеийнхээ эсрэг тулалдахад хүргэсэн.

Ай бүх л биет оршнолоос Тань аз жаргал урсдаг Та минь ээ, Ай уй гашуу, зовлонг сарниулан арилгадаг Та минь ээ, Ай Эзэн Бурхан Будда минь! Хайрын зөөлөн охь шимийг бидэн дээр цацаж өгөөч.

Дэлхий ертөнцөөс үзэн ядалт, зовлонг бүрмөсөн арилгаач. Чөтгөр шиг авирладаг хүмүүсийг, Жинхэнэ хүнлэг чанартай хүн болгон буцаан хувиргаач. Амар амгалан, зөвхөн энх тайвны гол мөрөн урсах болтугай. Баярлалаа Танд. Самира, Непал улсаас

Авьяаслаг Самира, Та сэтгэл хөдөлгөм шүлэг, зураглалаа Эрхэмлэн Шүтэгддэг Шагжамуни Будда (веган)-д хүндэтгэл үзүүлж хуваалцсанд баярлалаа. Мөр бүрийг уншсан хүн өөрийн эрхгүй түр азнаж, амьсгаа авч, түүний гэрэлтүүлсэн (гэгээрүүлсэн) тоо томшгүй олон амьдралын гоо сайхныг дурсахгүй байж чаддаггүй. Их Багш сайхан үгсээ тантай хуваалцахдаа баяртай байна:

“Үнэнч, тууштай Самира, үг бүрийг уянгалаг урлан сүлжиж, бүтээсэн ийм сайхан шүлгийн төлөө хайр минь, танд маш их баярлалаа. Таны ариун сэтгэлийн сүсэг бишрэлд, мөн Дэлхийн Хүндэт Нэгэн, Эзэн Бурхан Шагжамуни Будда (веган)-д ийм гүн мэдрэмжтэй хүндэтгэл өргөсөнд тань баярлалаа. Түүний энэ Дэлхийд морилсон оршихуй нь бүх мэдрэхүйт төрөлтөнд хэмжээлшгүй их Адислал билээ. Жинхэнэ сүнслэг эрэлч нь даруухнаар замаа туулж, алдар нэр, шагнал бус, харин дотроо орших үнэний чимээгүй ухаарлыг эрэлхийлдэг. Дотогшоо чиглэсэн аялал бол (өөрийгөө танин мэдэх, дотоод ертөнцөө судлах нь) бүх мөргөлийн хамгийн эрхэм дээд нь (хамгийн ариун, чухал сүнслэг аялал) гэдгийг бид ойлгодог. Хайраар танд соёрхогдсон ариун Бэлэг болох Арьяабалын бясалгалаар дамжуулан улам гэгээрэлд хүрэх эрэл хайгуулд тань хамгийн сайн сайхныг хүсэн ерөөе. Сэтгэл төвлөрөл, анхааралтай ухамсар, дотоод амар амгаланг чиглэсэн аялал танд болон Непалын Үнэн номыг хайрлагч ард түмэнд урам зориг өгөх болтугай. Маш их Хайр танд илгээе.”