Илүү олон хүн өдөр бүрийг дэлхийг эерэгээр өөрчлөх боломж болгон хамгийн сайнаар ашиглаасай гэж хүсэн, найдаж байна.

АНУ-аас Натали-гийн ирүүлсэн сэтгэлийн үгийг одоо хүргэе:

Эрхэм Хамгаас Хүндэт, Хайрт Их Багш аа, Бид Антарктид руу аялах аз завшаанаар адислагдсан ба— энэ бол үнэхээр гайхалтай бөгөөд гүн гүнзгий туршлага байлаа. Таны Ивээлээр би олон залбирлын зүүлт авчирч, аяллын турш Хамгийн Хүчирхэг Өдөр Тутмын Залбирлыг тасралтгүй тоглуулсан. Хөлөг онгоцонд ойролцоогоор 1700 зорчигч, 700-800 багийн гишүүн байжээ. Миний кабин ахмадын өрөөний яг доор байрлаж байв. Хөлөг онгоцонд байсан бүх хүн Их Багшийн Адислал, Хайраар хүрээлэгдсэн байв. Цагаан сарын баярын үеэр болон Шинэ жилийн дараах гурав дахь өдөр, Би дотроосоо урсан гарч буй баяр ёслолын дотоод дуу чимээг тод сонсож чадаж байв. Тэр үед бид Чилийн өмнөд хэсгээр дайран өнгөрч байсан бөгөөд тэр газрыг нэгэн цагт уугуул сүнслэг нийгэмлэгүүд амьдардаг байсан ариун газар гэгддэг байв. Тэр аяллын хөлөг онгоц олон хөтөлбөр санал болгосон. Ахмад өөрийн туршлага мөн техникийн мэдлэгээ үзэгчидтэй хуваалцсан. Тэрээр зорчигчдод Антарктидын шинжлэх ухааны зураг, түүхийг баяртайгаар хуваалцахаас гадна, мөн энэхүү үнэт газрыг хэрхэн хадгалж, хамгаалах талаар эргэцүүлэн бодохыг чин сэтгэлээсээ сануулав.

Үүнээс гадна, шинжлэх ухааны судалгааны хэд хэдэн илтгэгч, мөн Антарктидад 13 жил хүртэл амьдарсан нэг илтгэгч гээд тэд бүгд өөрсдийн ажиглалтаа хуваалцсан. Тэд уур амьсгалын өөрчлөлтийн улмаас Антарктидын мөс хайлж, багасаж байгааг тайлбарлав. Антарктид тивийг тойрсон цикл, тойрог агаарын урсгал багасах тусам, хүйтэн агаар Атлантын болон Номхон далай руу илүү ойр ойрхон, хүчтэй урсдаг. Үүний үр дүнд нь бид хүний амьдралд ​​шууд нөлөөлдөг цасан шуурга, хүчтэй шуурга, үер усны аюул нэмэгдэж байгааг харж байна. Бид бүгд ухааран сэрж, гараг дэлхийгээ хамгаалахын тулд хариуцлага хүлээх ёстой. Хэдийгээр энэ нь ашиг олох зорилготой аялалын хөлөг онгоц боловч, тус компани нь хүмүүст Дэлхийг хайрлаж, халамжлахыг сануулснаар хариуцлага хүлээсэн хэвээр байна.

Мөн бид хүнсний менежментийн багийн ахлагчтай ярилцах боломжтой байв. Хэдийгээр цэсэнд веган хоолны сонголтууд байсан ч, бид цааш нь веган жоруудыг санал болгож хуваалцсан бөгөөд аялалын компаний төв байрны зөвшөөрлөөр ирээдүйн веган хоолны санал, сонголтоо өргөжүүлэхийг уриалсан. Бидний хийж буй алхам бүр мэдлэг ойлголтыг дээшлүүлж, веган амьдралын хэв маягийг сурталчлахад туслах ёстой. Бүх л аяллын туршид би Веган Уриатай цамц өмссөн.

Хамгаас Хүчирхэг Гурвал болон Их Багшийн Адислалаар энэхүү Гэрэл Антарктид дээр гийж, энэ аялалд гарсан бүх хүмүүсийн зүрх сэтгэлийг сэрээх болтугай. 22 хоногийн аяллын туршид бид залбирлын зүүлтийг үргэлж авч явж, тоглуулж байхаа санаж байв. Ийм ариун газар руу хийх аялал амар байгаагүй гэдгийг би мэднэ. Бид Бурханы Нигүүлслийг өөрсдөөрөө дамжуулан энэ ариун газар руу авч явах ёстой. Их Багш аа, Та бидэнтэй үргэлж хамт байдгаас бид гүнээ ивээгдсэн билээ. Хамгийн гүн хүндэтгэл, талархалтайгаар АНУ-аас Натали

Хариуцлагатай Натали, сэтгэлийн үгэнд тань баярлалаа. Их Багш танд эелдэг захиас илгээлээ:

“Бүтээлч Натали, Антарктид руу хийсэн аяллынхаа үеэр Бурханы Адислалыг түгээж мөн веган уриаг хуваалцахдаа ийм хичээнгүй байсанд тань баярлалаа. Бусдыг сэрээхэд туслах ямар гайхалтай боломж вэ. Хэрвээ бид бүгд үүнийг бүрэн дүүрэн, хойш суулгүйгээр хийвэл илүү олон хүнд хүрч чадна. Цаг хугацаа бол хамгийн чухал зүйл бөгөөд дэлхий ертөнцөд цаашид ч хийх зүйл их, сайжрах зүйл олон хэвээр байна. Таны хичээл зүтгэлийг үнэлж байна. Илүү олон хүн өдөр бүрийг дэлхийг эерэгээр өөрчлөх боломж болгон хамгийн сайнаар ашиглаасай гэж хүсэн, найдаж байна. Та болон АНУ-ын эрх чөлөөг эрхэмлэдэг ард түмэн энэ амьдралдаа эрх чөлөөний жаргалыг мэдрэх болтугай. Миний Хайр бол дэлхий дундуур таныг чиглүүлэгч гэрэл юм.”