Энэ жил танд болон танай нутгийн иргэдэд маш сайхан үе байж, орон даяар эерэг өөрчлөлт авчрах болтугай. Иран Дэлхий дээрх Бурханы титэм дэх гялалзсан эрдэнэс болж чадна, тийм байгаасай гэж би хүсдэг.

Иранаас Фрештех-ийн перс хэлээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Эрхэм хүндэт, Эелдэг Их Багшдаа перс хэлээр мэндчилж байна, ямар ч хүлээлтгүйгээр бидэнд соёрхдог Таны Хайр, Адислалд талархаж байна. Таны шавь нарын хувиар, бид үргэлж талархаж, Таны төлөө залбирдаг бөгөөд энэ цаг үед Тань шиг Их Багштай байгаа бид үнэхээр их золтой билээ.

Иранчууд бидний хувьд шинэ оны босгон дээр, Наурызын баярыг тэмдэглэх үед, Ираны ард түмэн үргэлж бидний Туслагч байсаар ирсэн цорын ганц Бурханд л итгэл, найдвараа тавьдаг. Энэ жил манай улсад олон эерэг үйл явдал, өөрчлөлтүүд гарч, бид амьдралын аз жаргалыг өмнөхөөсөө илүү амар амгалан, тайван, тав тухтай байдалд мэдрэх болно гэж найдаж байна.

Мөн Эрхэмсэг Ноён. Трампад Иран болон бусад улс оронтой энх тайвны төлөө хийж буй үйлсэд нь бид талархаж байна. Бурханы Адислал, Өршөөл ямагт Түүнтэй хамт байхыг ерөөе.

Таны бүхий л хүчин чармайлтад болон Суприм Мастер Телевизийн багт дахин талархал илэрхийлье, мөн та бүхний нинжин сэтгэлд үүрд талархах болно. Фреште, Иранаас

Үнэнч Фреште, Сэтгэлийн үгэнд тань баярлалаа. Их Багш ийм сэтгэл сэргээсэн хариу өглөө:

“Өөдрөг Фреште, хайрт минь, эелдэг үгст тань баярлалаа. Танай улсын ард түмэн маш цэвэр ариун сэтгэлтэй, Бурханд үнэнч хүмүүс билээ. Энэ жил танд болон танай нутгийн иргэдэд маш сайхан үе байж, орон даяар эерэг өөрчлөлт авчрах болтугай. Иран Дэлхий дээрх Бурханы титэм дэх гялалзсан эрдэнэс болж чадна, тийм байгаасай гэж би хүсдэг. Хамгаас Хүчирхэг Гурав-ын Ивээлээр, үндэстнээ дэмжихийн тулд залбирч, сайн бясалгасаар байгаарай, тэгвэл сайн сайхан зүйлс гарцаагүй тохиолдон, биелэх болно. Та болон адислалтай Иран улс Бурханы Тэнгэрлэг Өршөөлд амар амгаланг олох болтугай. Миний Хайр бол энэ дэлхийн бүх аюулаас та бүхнийг хамгаалах бамбай юм. Танд үргэлж хайртай.”