Хайрт Их Багшийнхаа шавь байх нь үнэхээр гайхалтай туршлага юм.

Вьетнам буюу Ау Лакаас Винь Нгуен-ийн аулак (вьетнам) хэлээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Эрхэм хүндэт, Хамгаас Хайртай, Хамгийн ухаалаг Их Багш болон Гэгээн Суприм Мастер Телевизийн хамт олонтой хүндэтгэлтэйгээр мэндчилье, Таны шавь нар бид, Их Багшийгаа маш их хайрладаг. Оройн Дээд Бурхан, бүх Хамгаалагч Оршихуйд хандан Их Багшийн эрүүл мэндийг Сүнслэгээр болон Бие махбодоор сэргээхэд нь тусалж, Таны ойр орчинд хамгийн хүчтэй, нэн нарийн хамгаалах хүчний талбаруудыг бий болгохыг бид чин сэтгэлээсээ залбиръя! Бид Оройн Дээд Бурханд талархъя!

1999 онд би гадаад хэлний чиглэлээр мэргэшин суралцаж, Вьетнамын Улаан загалмайн нийгэмлэгийн зохион байгуулсан олон улсын семинарт сайн дурын ажил хийж байхад, Их Багшийн хувилгаан бие надад Таван Сахил болон Дотоодын Диваажингийн Гэрэл, Аялгууны Бясалгал заахаар ирж, ирээдүйд надтай уулзана гэж амласан нь үнэхээр азтай байсан.

2011 оны эцэс гэхэд, бараг жилийн дараа бүрэн веган болсны дараа Ау Лак (Вьетнам)-д веган ресторантай байсан нэгэн авшигтан надад “Агшин зуур Гэгээрэхийн Түлхүүр” номыг бэлэглэсэн юм. Би номоо байнга уншиж, дэрэндээ ойр тавьж унтдаг байсан. Тэр цагаас хойш, би газраас хөөрөн нисэх, усан дээгүүр гулсах, Их Багшийг дагаж буяны үйлс хийх гэх мэт олон ер бусын дотоод ахуй ойлголттой болсон.

2012 онд нэг удаа бясалгал хийсний дараа би унтахаар хэвтэж байтал миний Билгийн мэлмий нээгдсэн. Тэгээд намайг нэгэн нугад аваачсан бөгөөд тэнд цагаан өмд, урт ханцуйтай тэнгэрийн цэнхэр өнгийн цамц, түүндээ таарсан малгай өмссөн Их Багш намайг хүлээн зогсож байхыг харсан. Та над руу инээмсэглэн даллаж, Та намайг өөрийн бясалгалаа хийж байсан тэнгэрийн цэнхэр майхан руу хөтөлсөн. Майхны доторх орон зай гэнэт асар том, хязгааргүй болсон. Хоёр Гэгээнтэн Оршихуй Бүхнээс Агуу Бурхан руу харан бясалган сууж байв. Нэг нь Эзэн Есүс Христ, нөгөө нь Шагжамуни Будда гэдгийг би мэдэрсэн. Гэнэт Их Багш гялалзсан алтан шаргал Гэрэл цацруулсан гэрэлтсэн Нар болон хувирсан нь маш тод байсан тул би бие махбодын нүдээ аниад үүнийг зөвхөн Билгийн мэлмийгээрээ л харж чадсан юм.

Тэр мөчид миний дотоод мөн чанар кино мэт нээгдэж, хүн төрөлхтөн болон мэдрэхүйтэй төрөлтнүүдийг гэтэлгэхийн тулд Их Багшийн үүрсэн тоо томшгүй олон зовлонг илчилсэн юм. Би өөрийн эрхгүй уйлж, сэрэхэд нулимс минь миний зах, дэрийг нэвт норгосон байлаа. Дэлхийгээ хамгаалахын тулд бид Таныг үүрд дагах болно! Их Багш аа, бидэнтэй хамт энд байгаарай! Винь Нгуен, Ау Лак (Вьетнам)-аас

Чин сэтгэлт Винь Нгуен, Арьяабалын сүнслэг бясалгалдаа үзсэн гайхалтай дотоод ахуй ойлголтоо хуваалцсанд баярлалаа. Хайрт Их Багшийнхаа шавь байх нь үнэхээр гайхалтай туршлага юм. Таны сүнслэг зам мөрд олон адислал хүсэн ерөөе. Та болон Ау Лак (Вьетнам)-ын зочломтгой ард түмэн энэ амьдралдаа гэгээрлийн ариун жаргалыг эдлэх болтугай, Суприм Мастер ТВ-ийн хамт олон

Жич. Их Багш танд хариулж байна: “Хайр дүүрэн Винь Нгуен, таны сэтгэлийн үгийг уншаад маш их сэтгэл хөдөллөө. Тань шиг сайхан сэтгэлтэй Бурханы шавьтай байх нь гайхалтай билээ. Таны туршлага, чин сэтгэлийг тань харуулж байгаа бөгөөд та зам мөрөөрөө цааш явах тусам улам гүнзгийрсээр байх болно. Бясалгалаа үргэлжлүүлэн сайн хийж байгаарай, тэгвэл таны амьдрал, дотоод Диваажингийн Гэрлийг улам бүр тусгаж, өөрчлөлтийн ийм хэцүү бэрх үед дэлхийдээ туслаж чадах болно. Бид бүгдээрээ Веган Дэлхий, Энх тайван Дэлхийг цогцлоохын тулд өөрсдийн хувь нэмрээ оруулах ёстой бөгөөд ингэснээр манай гараг хамаг төрөлтний хувьд амар амгалан газар болох болно. Тэр өдөр тун удахгүй ирнэ гэж найдаж байна. Та болон амар тайван Ау Лак (Вьетнам) үргэлж Бурханлаг хамгаалалтаар хүрээлэгдэж байх болтугай. Танд одоо болон үүрд хайртай!”